KORONAVİRUSA YOLUXANLARIN SAYI - CANLI STATİSTİKA

Rusiyada azyaşlı qıza təcavüz edən azərbaycanlı taksi sürücüsü saxlanıldı

Rusiyada azyaşlı qıza təcavüz edən azərbaycanlı taksi sürücüsü saxlanıldı
04:07
18.02.2020
1399
Dünya
A
Rusiyanın paytaxtı Moskva şəhərində 15 yaşlı məktəbli qızı öpməyə çalışan taksi sürücüsü əməliyyatçılar tərəfindən saxlanılıb.

MK-nın məlumatına görə, doqquzuncu sinif şagirdi olan qız böyük bacısı və valideynləri ilə şəhər ətrafında yaşayır. Bir qayda olaraq, qız bacısı ilə birlikdə məktəbə taksi ilə gedirmiş. Ancaq fevralın 13-də bir qohum xəstə olduğu üçün qız tək getməli olub.

Saat 08:00-da taksinin ön oturacağında doqquzuncu sinif şagirdi olan qız, arxada isə başqa iki qadın oturub. Sükan arxasında Əsəd adlı 32 yaşlı Azərbaycan vətəndaşı olub. Əsəd Moskvada qeydiyyatsız, fərqli ünvanlarda yaşayıb. O, tanış azərbaycanlılardan taksi maşını götürərək pul qazanıb.

Sərnişinləri metroya çatdırdıqdan sonra sürücü nədənsə qəfildən maşından düşüb və məktəbli qızın ardınca gedib. O, gənc qızın paltarından tutub çəkməyə başlayıb, öpməyə cəhd göstərib. Küçədə çoxlu sayda insan olub, məktəbli qız qışqırıb və bu da sürücünü qorxudub. O, taksiyə minərək yola düşüb.

Təcavüzkar sürücü ertəsi gün tutulub. Polislər Əsədin şəxsiyyətini təyin edəndən sonra hava limanına tələsən bir müştəri adı ilə çağırıblar. Taksi sürücüsü aldanıb və Rusiya Federasiyası Cinayət Məcəlləsinin 132-ci - “Cinsi xarakterli zorakı hərəkətlər” maddəsi ilə cinayət törətməkdə şübhəli bilinərək tutulub.

ŞƏRH YAZ
0

Koronavirusun peyvəndi nə zaman hazır olacaq?

Koronavirusun peyvəndi nə zaman hazır olacaq?
08:06
Bu gün
213
Dünya
A
Yeni növ koronavirus (COVID-19) infeksiyasına qarşı peyvənd ilin sonunadək hazır olmayacaq.

"Ölkə.Az" e-tibb.az-a istinadən bildirir ki, bu barədə Ümumdünya Səhiyyə Təşkilatının (ÜST) sözçüsü Marqaret Harris deyib: "Yaxşı xəbər budur ki, dünyanın hər yerində tədqiqatçılar peyvənd üzərində işləyirlər. Yüzə qədər müxtəlif qrupumuz var, amma bu proses vaxt aparır. Bu, həm də təhlükəsizlik məsələsi ilə bağlıdır. Biz iki məsələni bilməliyik. Peyvənd virusla qarşılaşanda düzgün antikorları stimullaşdırırmı? Eyni zamanda, peyvəndin yan təsirləri varmı? Hansı peyvəndin daha etibarlı olmasını bilmək də vacibdir. Daha sonra bu peyvəndin istehsalı, onun insanlara necə çatdırılması məsələsini başa düşmək lazımdır. Bütün bunlar isə vaxt tələb edir".

M. Harris qeyd edib ki, hətta müalicədə istifadə olunan dərman vasitələrinin test edilməsi də vaxt tələb edir, çünki bəzi xəstələrdə dərmanın öz təsirini göstərməsi təsadüf də ola bilər: "Buna görə də bütün lazımi testləri aparmaq üçün daha çox vaxt lazımdır".

ŞƏRH YAZ
0

ABŞ-ın Hyuston şəhərində 200 etirazçı həbs edilib

ABŞ-ın Hyuston şəhərində 200 etirazçı həbs edilib
05:07
Bu gün
619
Dünya
A
ABŞ-ın Hyuston şəhərinin (Texas ştatı) polisi Minneapolisin hüquq-mühafizə orqanlarının əməkdaşları tərəfindən tutulan zaman ölən afroamerikalı Corc Floydun ölümü ilə əlaqədar başlanmış etiraz aksiyalarının 200 iştirakçısını həbs edib.

"Ölkə.Az"ın məlumatına görə, bu barədə şəhər polisi "Twitter"dəki səhifəsində bildirib.

"Bizim zabitlərimiz ötən gün və gecə boyunca təşkil edilən qanunsuz toplantılarda iştirak edən təxminən 200 nəfəri həbs edib. Onların əksəriyyətinə qarşı yolların bağlanılması üzrə ittihamlar irəli sürüləcək", - polisin xəbərində (mesajında) deyilir.

Həmçinin qeyd edilir ki, etirazların gedişatında dörd polis əməkdaşı da yaralanıb. Bununla yanaşı, səkkiz polis avtomobilinə zərər vurulub.

Qeyd edək ki, artıq bir neçə gündür Minneapolisdə və digər şəhərlərdə etiraz aksiyaları keçirilir. Qarışıqlıqlara səbəb polisin zorakılığı nəticəsində afroamerikalı Corc Floydun həlak olmasıdır.

ŞƏRH YAZ
0
BAĞLA