Rusiyada idmançını öldürən azərbaycanlı döyüşçü tutuldu
“Ölkə.Az” xəbər verir ki, Xabarovsk vilayətinin polis idarəsinin məlumatına əsasən hüquq-mühafizə orqanı əməkdaşları hazırda şübhəli şəxsin haralarda peyda ola biləcəyi əraziləri axtarır və şəhərin müşahidə kameralarındakı görüntüləri incələyir.
Polisin məlumatında deyilir: “Bu yerlərdə o, yaşayır, olur və istirahət edir. Onun bütün tanış və dost çevrəsi də incələnir”.
Hüquq-mühafizə orqanları həm də hava limanı, vağzal və yolları da yoxlayır. Bütün post-patrul xidmətinin əməkdaşlarına şübhəlinin əlamətləri göndərilib. Hostel, mehmanxana sahibləri məlumatlandırılıb.
Bəzi məlumatlara görə qatil Amursk sakini Allahverənov Anar Əliyar oğludur. O, 1992-ci ildə anadan olub. Ehtimal edilən cinayətkarın boyu 170-175 sm-dir. Onun idmançı görünüşlü, qısa saç və qara saqqallı olduğu qeyd edilir. Qara köynək, qara cins şalvar və mokasində olub. Eyni adlı şəxsin sosial şəbəkədəki səhifəsindən məlum olub ki, o, boks və əlbayaxa döyüş növləri ilə məşğul olur.
“Sağlamlığa qəsdən ağır zərbə vurma nəticəsində və ehtiyatsızlıqdan zərərçəkənin ölümünə səbəb olma” maddəsi ilə cinayət işi qaldırılıb.
Pauerliftinq üzrə Avropa və dünya çempionu Andrey Draçyov Xabarovksun mərkəzindəki kafedə baş verən dava-dalaşda qətlə yetirilib. Məlumata əsasən Andrey müştərilərdən biri ilə yumruq vasitəsilə münasibətlərini aydınlaşdırıb. Sosial şəbəkədə yayılan video çarxa əsasən qarşı tərəf çempionu yerə yıxaraq vurub. Draçyov reanimasiyada dünyasını dəyişib.
***
Xabarovsk şəhərində Andrey Draçovu döyərək ölümünə səbəb olmuş azərbaycanlı MMA döyüşçüsü Anar Allahverənov saxlanılıb.
Hazırda faktla bağlı istintaq aparılır.
Hikmət Həsənov
Ölkə.Az
