Rusiyada “pomidor kralı” kimi tanınan azərbaycanlı həbs edilib
"Ölkə.Az" Rusiya mətbuatına istinadən xəbər verir ki, bir neçə şirkətin sahibi və 20-dən çox biznes növü ilə məşğul olan Novruzov vəzifəli şəxsə rüşvət verməkdə ittiham olunur.
“Pomidor kralı” Vahid Novruzov Mıtişi şəhərindəki “Bakinskiy bulvar” restoranında azərbaycanlıların gözü qarşısında saxlanılıb. Məlum olub ki, “Pomidor kralı” Novruzov pulla hansısa vəzifəli şəxsi ələ alıb. Onun mağazalarının, ticarət köşklərinin əksəriyyəti qanunsuzdur və onun biznesi illərdir yerli məmurlarla, o cümlədən yüksək vəzifəli polislərlə korrupsiya əlaqələri sayəsində dəfələrlə böyüyüb.
Məlumatda o bildirilir ki, hazırda yüksək vəzifəli şəxslər Novruzov barəsindəki təhqiqata mane olmağa çalışırlar.
Rusiya İstintaq Komitəsinin Mıtişi şöbəsinin vəsadəti ilə məhkəmə Novruzov barəsində Rusiya Federasiyasının Cinayət Məcəlləsinin 291-ci maddəsi ilə 2 aylıq həbs qətimkan tədbiri seçib. Qeyd edək ki, o, 8 il azadlıqdan məhrum edilə bilər.
Ölkə.Az