Rusiyada prezident seçkiləri: saat 17:00-a seçici fəallığı 52,23% olub

"Ölkə.Az" xəbər verir ki, Rusiya Mərkəzi Seçki Komissiyasının məlumatına görə, saat 17:00-a olan seçici fəallığı 52.23% təşkil edib.

Qeyd edək ki, Ural Federal Dairəsi və Başqırdıstan, Perm diyarı və Orenburq vilayəti də daxil olmaqla Volqayanı Federal Dairəsinin bir sıra bölgələrində səsvermə başa çatıb.

***

Rusiya Mərkəzi Seçki Komissiyasının məlumatına görə, saat 13:00-a olan seçici fəallığı 34,74% təşkil edib.

Səs verənlər arasında ən seçici 122 yaşlı Appaz İliyevdir.

Qeyd edək ki, ölkənin şərqində yerləşən vilayətlərində səsvermə başa çatıb. 

***

Rusiya Federasiyasının Azərbaycandakı səfirliyinin rəsmi Twitter hesabında Bakıda yaradılmış seçki məntəqəsində səsvermənin fəal şəkildə davam etdiyi bildirilib. Saat 15:00-a kimi 1000-dən çox seçici səsvermədə iştirak edib.

Səfirlik seçkilərdə ilk dəfə iştirak edənləri təbrik etməyi də unutmayıb.

***

Ölkə prezidenti Vladimir Putin ənənəyə uyğun olaraq, Rusiya Elmlər Akademiyasının binasında yerləşən 2151 saylı məntəqədə səs verib. O, bildirib ki, yenidən prezident olmaq üçün lazım olan istənilən səs faizini uğurlu nəticə sayacaq.

Qeyd edək ki, seçki məntəqələri ilk olaraq Kamçatka və Çukot vilayətlərində açılıb.

Rusiya Federasiyasının Azərbaycandakı səfirliyinin sözçüsü Denis Apaşkinin verdiyi məlumata görə, Bakıda yaradılmış seçki məntəqəsində seçicilərin yüksək fəallığı müşahidə olunur. Səfirliyin rəsmi Twitter hesabında isə məntəqəyə ilk seçicinin gəlməsi haqqıda məlumat verilib.

Xatırladaq ki, bu gün Rusiyada keçirilən seçkilərdə 8 namizəd – Vladimir Putin, Serqey Baburin, Pavel Qrudinin, Vladimir Jirinovski, Kseniya Sobçak, Maksim Suraykin, Boris Titov və Qriqoriy Yavlinski prezidentlik uğrunda mübarizə aparırlar.

Ölkə.Az