Rusiyada prezident seçkilərinin yekun nəticələri açıqlandı

Rusiyada prezident seçkilərinin yekun nəticələri açıqlandı
15:26
23.03.2018
1347
Dünya
A

 


Rusiya Mərkəzi Seçki Komissiyası (MSK) martın 18-də keçirilən prezident seçkilərinin yekun rəsmi nəticələrini açıqlayıb.

"Ölkə.Az" xəbər verir ki, Rusiyanın MSK sədri Ella Panfilova bu gün keçirdiyi mətbuat konfransında seçkilərin əsas parametrlər baxımından açıq və Rusiya Federasiyası qanunlarına uyğun keçirildiyini bildirib: 

"Seçkilərin nəticələrinin ilk növbədə daxili ictimaiyyətimiz və beynəlxalq orqanlar tərəfindən tanınması üçün seçkilər rəqabətli, şəffaf  və ciddi olaraq qanuna müvafiq keçirilməlidir. Bizim bütün fəaliyyətimiz bu əsas məqsədə nail olmağa yönəlib".


MSK sədri bülletenlərin 100 faizinin sayıldığını söyləyib. Beləliklə, nəticələrə görə, hazırki prezident Vladimir Putin seçicilərin 76,69 faizinin səsini toplayaraq qalib gəlib.

İkinci yerin sahibi Kommunist Partiyasının namizədi Pavel Qrudinin olub. 

O, 11,77 faiz səs toplaya bilib. Üçüncü yeri 5,65% səslə Liberal Demokrat Partiyasının lideri Vladimir Jirinovski, dördüncü yeri 1,68 faiz səslə Vətəndaş Təşəbbüsü Partiyasının namizədi, tanınmış telejurnalist Kseniya Sobçak, beşinci yeri 1,05 faiz səslə "Yabloko" Partiyasının namizədi Qriqori Yavlinski, altıncı yeri İnkişaf Partiyasından olan namizəd Boris Titov (0,68 faiz), yeddinci yeri 0,68 faiz səslə Rusiya Kommunistləri Partiyasının namizədi Maksim Suraykin, sonuncu yeri isə Rusiya Ümumxalq Partiyasının namizədi Sergey Baburin (0,65 faiz) tutub.


Zaur Əziz
Ölkə.Az

ŞƏRH YAZ
0

İsrail qırıcıları Dəməşq aerportuna hücum edib

İsrail qırıcıları Dəməşq aerportuna hücum edib
20:54
Bu gün
2887
Dünya
A
İsrail Hərbi-Hava Qüvvələrinə məxsus F-16 qırıcıları Dəməşq beynəlxalq hava limanına hücum edib.

"Ölkə.Az" TASS-a istinadən xəbər verir ki, Suriya Hava Hücumundan Müdafiə kompleksləri hücumu dəf edib.

Bildirilir ki,aeroporta atılan yeddi raket “Pansir” və “Buk” komplekslərinin köməyi ilə zərərsizləşdirilib.

Hava limanının infrastrukturu zərər görməyib, tələfat va dağıntı yoxdur.

Ölkə.Az

ŞƏRH YAZ
0

ABŞ-da öldürülən azərbaycanlının meyiti vətənə gətirildi

ABŞ-da öldürülən azərbaycanlının meyiti vətənə gətirildi
19:42
Bu gün
4131
Dünya
A
ABŞ-da öldürülən azərbaycanlı Elçin Xəlilovun meyiti Azərbaycana gətirilib.

"Ölkə.Az" femida.az-a istinadən xəbər verir ki, Elçinin cənazəsi Bakı vaxtilə səhər 8:30-da Heydər Əliyev adına hava limanına çatdırılıb.

Meyiti qəbul etmək üçün Elçinin qardaşı və yaxın dostları Bakı aeroportuna gediblər. Mərhumun cəsədi dəfn olunmaq üçün doğulduğu Sumqayıt şəhərinə aparılıb. Dəfn mərasimi bu gün günorta saatlarında baş tutacaq.

Qeyd edək ki, Elçin Xəlilov Sumqayıtda 3 saylı orta məktəbi bitirib, 2011-ci ildə Memarlıq və İnşaat Universitetindən məzun olub. 2015-ci ildə qazanc məqsədi ilə ABŞ-a köçən gənc Şimali Karolina ştatında Şərqi Şarlot şəhərində "Fixer Electronic Repair" dükanını açıb. Elçin mobil telefonların satışı və təmiri ilə məşğul olub.

Bu il yanvarın 14-də yerli vaxtla səhər 11 radələrində onun sahibi olduğu mağazadan oğurluq etməyə çalışan şəxs Elçini güllələyərək öldürüb. Cinayətkar mağazadakı bütün pulları götürərək qaçıb. Polis hələ də onun izindədir.

Qeyd edək ki, dostları Elçinin meyitinin Azərbaycana ekstradisiyası üçün fond yaradıb. Qısa zamanda fonda 35 min dollar pul toplanıb və beləcə mərhumun cəsədi vətənə göndərilib.

Ölkə.Az

ŞƏRH YAZ
0
BAĞLA