Rusiyada terror təşvişini yaradan səbəblər — AYSBERQİN GÖRÜNMƏYƏN TƏRƏFİ

Rusiyada terror təşvişini yaradan səbəblər
23:00
13.09.2017
150
Dünya
A
Son günlər Rusiyanın bir çox şəhərlərində, o cümlədən Moskvada partlayıcı qurğuların quraşdırılmasına dair anonim zənglər daxil olur.

Hələ də terror xofundan azad olmayan Rusiya isə belə zənglərə daim həssaslıqla yanaşır və nəticədə böyük gərginlik yaranır. Belə gərginliklərdən biri də, bu gün paytaxt Moskva şəhərində yaşanıb. 

Moskvada ticarət mərkəzləri, qatar stansiyaları və universitetlər olmaqla 20 məkanda bomba qoyulması barədə həyəcan siqnalı verilib. Eləcə də, Moskvanın hüquq-mühafizə orqanlarına Qırmızı Meydanda da bomba olmağı ilə bağlı məlumat daxil olub. Həyəcan siqnalı nəticəsində ümumilikdə 190 obyekt boşaldılıb, 45 minə yaxın insan evakuasiya edilib.

Bəs Rusiyada yaranmış bu gərginliyə səbəb nədir?

Suala cavab tapmaq üçün azərbaycanlı politoloq Adıgözəl Məmmədovla əlaqə saxladıq. Siyasətçi “Ölkə.Az”a bildirdi ki, son günlər Rusiyanın həyata keçirdiyi siyasət bir çox dairələrdə narahatlıq yaradır. Onun sözlərinə görə, bu səbəbdən də, bəzi qüvvələr Rusiyada gərginlik yaratmaq həvəsindədir.

“Son günlər Rusiyanın həyata keçirdiyi siyasət bir çox dairələrdə narahatlıq yaradır. Bu səbəbdən də, Rusiyanın yürütdüyü siyasəti bir növ çərçivəyə almaq istəyirlər. Bu səbəbdən də, müəyyən qüvvələr var ki, bu növ alətlərdən istifadə edirlər. Bu instrumentlər o demək deyil ki, həmin qüvvələr Rusiyaya qarşı terror hərəkətləri həyata keçirir. Amma bu və digər formalarda təxribat və təşviş yaradır. ABŞ və İsrail proyekti olan “Kürdüstan dövlətinin” yaradılması Türkiyə və İran kimi Rusiyanı da narahat edir. Qarşıdan gələn 25 sentyabr referendumuna Rusiya da narazıdır. Eyni zamanda, İsrailin Orta Şərqdə həyata keçirtdiyi siyasət nəzərdən qaçmamalıdır. Bu məsələlər regionda gərginlik yaradır və terror təşvişini aktivləşdirir”, - deyə siyasətçi bildirib.

Ziya Səccad
Ölkə.Az

ŞƏRH YAZ
0

“Taliban” terrorçuları Kabildə otelə hücum edib — 12 ölü

“Taliban” terrorçuları Kabildə otelə hücum edib
15:12
Bu gün
730
Dünya
A
Əfqanıstanın təhlükəsizlik qüvvələri Kabildə “İntercontinental Hotel” mehmanxanasına hücum edən silahlıları zərərsizləşdirib.

“Ölkə.Az” xəbər verir ki, bu barədə "TOLO News" telekanalına Əfqanıstan Daxili İşlər Nazirliyindən məlumat verilib. Verilən məlumata görə, hücum zamanı baş verən partlayış nəticəsində həlak olanların sayı 12 nəfərə çatıb. Hazırda yanğınsöndürənlər mehmanxananın bir qismini əhatə edən yanğının söndürülməsinə cəlb edilib.

Bundan əvvəl  mehmanxanaya hücum nəticəsində 5 nəfərin öldüyü, 6 nəfərin yaralandığı açıqlanıb. Əfqanıstan Daxili İşlər Nazirliyinin yaydığı məlumatda 41 əcnəbi olmaqla, mehmanxanadakı 126 qonağın və mehmanxana əməkdaşlarının azad edildiyini bildirilib.

Hücuma görə məsuliyyəti “Taliban” radikal hərəkatı öz üzərinə götürüb.

Ölkə.Az

ŞƏRH YAZ
0

Binəli Yıldırım “Zeytun budağı” əməliyyatının məqsədini açıqladı

Binəli Yıldırım “Zeytun budağı” əməliyyatının məqsədini açıqladı
14:44
Bu gün
602
Dünya
A
Türkiyən hökuməti Afrin bölgəsində keçirdiyi “Zeytun budağı” əməliyyatının məqsədini açıqlayıb.

“Ölkə.Az” xəbər verir ki, bu barədə danışan Türkiyə baş naziri Binəli Yıldırım bildirib ki, əməliyyatın məqsədi Türkiyə-Suriya sərhəddində təhlükəsizliyi tam ətmin etməkdir.

“Əməliyyat 4 mərhələdən ibarət olacaq. Türkiyə Suriya sərhədi boyu 30 km genişlikdə təhlükəsizlik zolağı  formalaşdıracaq. Bununla da, ölkəmiz və bölgə terrorçulardan tam müdafiə olunacaq”, - deyə Binəli Yıldırım bildirib.

Qeyd edək ki, ötən gündən başlayaraq Türkiyə Afrin bölgəsində "Zeytun budağı" əməliyyatını həyata keçirir. Hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğu bildirilib.

Ölkə.Az

ŞƏRH YAZ
0
BAĞLA