Rusiyada təyyarə qəzası — Ölənlər var

Rusiyada təyyarə qəzası
10:18
15.11.2017
469
Dünya
A
Rusiyanın Xabarovsk vilayətində "Let L-410" təyyarəsi qəzaya uğrayıb.

 "Ölkə.Az" xəbər verir ki, ilkin məlumatlara görə təyyarənin göyərtəsində 7 nəfər olub.

Layner Xabarovsk-Nikolayevs na Amur-Nelkan marşrutu üzrə hərəkət edirmiş. Nelkan yaşayış məntəqəsindəki uçuş zolağına sərt eniş edib. Əraziyə dərhal xilasedicilər göndərilib.

İlkin məlumatlara görə qəzada yalnız azyaşlı uşaq sağ qalıb. Onun vəziyyəti isə ağırdır. Digər altı nəfər həlak olub.

Hikmət Həsənov
Ölkə.Az

ŞƏRH YAZ
0

Tramp saç düzümünün sirrini açdı: "Keçəlliyimi gizlədirəm"

Tramp saç düzümünün sirrini açdı:
15:25
Bu gün
691
Dünya
A
ABŞ prezidenti Donald Trampın əfsanəvi saç düzümünün sirri açılıb.

 "Ölkə.Az" xəbər verir ki, Amerika lideri bu barədə məlumat verib. Tramp bildirib ki, saç düzümü ilə keçəlliyini gizlədir.

ABŞ prezidenti bəyan edib ki, uzun illər ənsəsindəki keçəlliyi gizlətmək üçün saç uzadıb. Tramp hətta ənsəsində saçı tökülən yeri də göstərib. Sonra isə prezident problemi həll etmək üçün saçını necə daradığını nümayiş etdirib.

Hikmət Həsənov
Ölkə.Az

 

ŞƏRH YAZ
0

Argentinada Xocalı soyqırımı anıldı

Argentinada Xocalı soyqırımı anıldı
14:00
Bu gün
659
Dünya
A
Azərbaycanın Argentinadakı Səfirliyində Xocalı soyqırımının 26-ci ildönümünə həsr olunmuş anım tədbiri keçirilib

"Ölkə.Az" AzVision-a istinadən xəbər verir ki, tədbirdə Argentina ictimai-siyasi dairələrinin, ölkədə akkreditə olunmuş diplomatik nümayəndəliklərin, müxtəlif gənclər və qeyri-hökumət təşkilatlarının, elmi-akademik çevrələrin və yerli KİV-lərin nümayəndələri iştirak edib. Mərasimin əvvəlində Xocalı soyqırımı qurbanlarının xatirəsi bir dəqiqəlik sükutla yad edilib.

Sonra çıxış edən səfir Rəşad Aslanov Xocalıda mülki əhaliyə qarşı Ermənistan silahlı qüvvələri tərəfindən vəhşicəsinə törədilmiş soyqırım barədə məlumat verib və bu hadisənin XX əsrin ən dəhşətli faciələrindən biri olduğunu bildirib. Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya Ədalət” kampaniyası barədə danışan səfir, azərbaycanlı dinc əhalinin məhz milli mənsubiyyətinə görə məruz qaldığı bu amansız qətliamın beynəlxalq səviyyədə öz siyasi və hüquqi qiymətini tapmasının vacibliyini vurğulayıb. O, habelə Ermənistanın Azərbaycana qarşı hərbi təcavüzü nəticəsində ərazilərimizin 20 faizinin işğal edilməsi, bir milyondan çox azərbaycanlının qaçqın və məcburi köçkünə çevrilməsi və münaqişə ilə əlaqədar BMT Təhlükəsizlik Şurası, Baş Assambleyası , ATƏT və digər beynəlxalq təşkilatlar tərəfindən qəbul edilmiş qətnamələr barədə iştirakçılara məlumat verib.

Ardınca Xocalı soyqırımının dəhşətləri haqda çəkilmiş “Qaranlıqdan qaçarkən” adlı sənədli filim iştirakçılara təqdim olunub.

Filmin nümayişdən sonra Argentinanın La Plata Universitetinin Beynəlxalq Əlaqələr İnstitutunda fəaliyyət göstərən Azərbaycanşünaslıq kafedrasının əlaqələndiricisi, professor Paulo Botta çıxış edərək Ermənistanın Azərbaycana qarşı hərbi təcavüzü və Xocalı soyqırımının acı nəticələri barədə danışıb, bu faciə və ümumilikdə münaqişə haqda Argentina ictimaiyyətində məlumatlılığın ildən-ilə daha da artdığını bildirib.

Tədbirdə həmçinin, La Plata Universitetinin Beynəlxalq Əlaqələr İnstitutun elmi işçisi və Argentina Katolik Universitetinin dosenti Ariel Levaggi də çıxış edərək Xocalı soyqırımı kimi faciələrin yalnız bir ölkəyə deyil, bütün bəşəriyyətə qarşı törədildiyini və bu kimi hadisələrin qarşısının alınması üçün dünya ictimaiyyətinin daim ayıq-sayıq davranmalı olduğunu bildirib.

Tədbirin sonunda qonaqlara Xocalı soyqırımı və Dağlıq Qarabağ münaqişəsi ilə bağlı ispan dilində materiallar paylanıb.

Ölkə.Az

 

ŞƏRH YAZ
0
BAĞLA