Rusiyada universitet binası çöküb
Rusiyanın Sankt-Peterburq şəhərində universitet binasının dam örtüyü beşinci mərtəbədən ikinciyə qədər çöküb.
“Ölkə.Az” RİA “Novosti”yə istinadən xəbər verir ki, bu barədə Rusiya Fövqəladə Hallar Nazirliyi məlumat yayıb.
Xəbərə əsasən, hadisə nəticəsində Lomonosov küçəsi, ev 9-da Sankt-Peterburq İnformasiya Texnologiyaları, Mexanika və Optika Milli Tədqiqat Universitetinin beşmərtbəli binasında dam örtüyünün plitələri ikinci mərtəbəyə qədər uçub. Dağıntılar altında 21 nəfərin qaldığı güman edilir. Xilasedicilər binadan 60 nəfərə yaxın şəxsi təxliyə edib.
FHN dağıntının təmir işləri aparılan zaman texniki tələblərin pozulması səbəbindən baş verdiyini hesab edir.
Hadisənin fəsadlarını aradan qaldırmaq üçün əraziyə 54 nəfər və 14 texnika cəlb edilib.
Ölkə.Az