Rusiyada yanğın nəticəsində ölən azərbaycanlıların adları məlum oldu — YENİLƏNİB - FOTO / VİDEO

Rusiyada yanğın nəticəsində ölən azərbaycanlıların adları məlum oldu
10:59
13.02.2018
7877
Hadisə
A
Rusiyanın Orenburq şəhərində yanğın nəticəsində azərbaycanlı ailənin üzvləri həlak olub.

İlkin məlumatlara əsasən, yanğın zamanı Rusiya və Azərbaycan vətəndaşları - Hətəm Quliyev (1980-ci il təvəllüdlü), Leyla Quliyeva Hətəm qızı (3 yaş), Eysavar Quliyev Hətəm oğlu (6 yaş) və Əmrah (45-46 yaş) ölüb.

Sevinc Quliyeva Zaur qızı (8 yaş), Aytən Quliyeva Eysavar qızı (19 yaş), Sədaqət Quliyeva Eysavar qızı (1992-ci il təvəllüdlü), Sevinc Quliyeva Şiraslan qızı (1969-cu il təvəllüdlü), İzzət Quliyeva (82 yaş) yanıq xəsarətləri alıblar.

***

"Ölkə.Az" "APA"ya istinadən xəbər verir ki, bu barədə Orenburqdakı Azərbaycan diasporunun rəhbəri Yaşar Məsimov bildirib.

Məlumata görə, yanğın, fevralın 12-si, yerli vaxtla saat 13:54-də Orenburq şəhəri, Salmışskaya küçəsi, ev 58/1-də, 9-cu mərtəbədə qeydə alınıb. Yanğın nəticəsində ikisi uşaq olmaqla 4 nəfər ölüb, 5 nəfər yaralanıb. Hazırda ölənlərdən ikisinin adı məlumdur. Bunlar Namiq Quliyev və onun azyaşlı qızı Leyladır.

Hazırda hadisə yerində istintaq qrupu işləyir, hadisənin səbəbləri araşdırılır.

Ölkə.Az

ŞƏRH YAZ
1

Bərdədə avtobus minik avtomobili ilə toqquşdu — Ölən var

Bərdədə avtobus minik avtomobili ilə toqquşdu
14:10
Bu gün
691
Hadisə
A
Bərdədə ölümlə nəticələnən yol nəqliyyat hadisəsi baş verib.

"Ölkə.Az"ın APA-ya istinadən verdiyi xəbərinə görə, hadisə rayonun Alaçadırlı kəndində baş verib. Kənd sakini,  1946-ci il təvəllüdlü Heydərov Maarif Fərəc oğlunun idarə etdiyi  “VAZ” 2107 markalı, 09 BH 987 dövlət nömrə nişanlı avtomobil qarşıdan gələn “Mercedes” markalı  sərnişin avtobusu ilə toqquşub. Zərbənin təsirindən "VAZ" markalı avtomobil yol kənarındakı elektrik xəttinin beton dirəyinə çırpılıb. Avtomobilin sürücüsü M.Heydərov hadisə yerində ölüb.

Faktla bağlı araşdırma aparılır.

ŞƏRH YAZ
0

Ögey oğlunu öldürən ata tutuldu — Rəsmi açıqlama / VİDEO

Ögey oğlunu öldürən ata tutuldu
12:52
Bu gün
760
Hadisə
A
Daxili İşlər Nazirliyi (DİN) Kürdəmirdə uşağın ögey atası tərəfindən öldürülməsi hadisəsi barədə rəsmi məlumat yayıb.

DİN-in Mətbuat xidmətindən “Ölkə.Az”a bildirilib ki, Kürdəmir rayonunun Pirili kəndi ərazisindəki fermaların birində iyulun 16-da 5 yaşlı Murad Bayramovun atdan yıxılması, aldığı xəsarət nəticəsində iyulun 21-də öldüyü barədə Rayon Polis Şöbəsinə məlumat daxil olub.

Polis və prokurorluq orqanlarının əməkdaşları tərəfindən həyata keçirilmiş istintaq və əməliyyat tədbirləri nəticəsində uşağın ögey atası, fermada yaşayan və işləyən, əvvəllər məhkum olunmuş Abdulla Abdullayev tərəfindən iyulun 16-da ağac parçası ilə döyülməsi və aldığı xəsarətlərdən ölməsi müəyyən edilib.

Görülmüş tədbirlərlə A.Abdullayev tutulub.

Faktla əlaqədar Cinayət Məcəlləsinin 126.3-cü (Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb. 

ŞƏRH YAZ
0
BAĞLA