Rusiyadan sərt açıqlama: "Türkiyə buğda vergisini ləğv etməsə..."
Rusiya baş nazirinin müavini Arkadiy Dvorkoviç yeni açıqlama ilə çıxış edib.
"Ölkə.Az" xəbər verir ki, açıqlamaya əsasən Türkiyə Rusiyadan alınan buğdaya tətbiq edilən vergini ləğv etməsə, Türkiyəyə qarşı tətbiq edilən sanksiyaların hamısı qüvvədə qalacaq.
Rusiyalı rəsmi deyib: "Buğdaya tətbiq edilən məhdudiyyətlər ləğv edilməyənə qədər heç bir addım atmayacağıq. Buğda qadağası ləğv edilmədən bizim heç bir sanksiyanı ləğv etmə ehtimalımız yoxdur. Əgər buğda vergisi ləğv edilsə, bir neçə məsələ barədə anlaşa bilərik".
Rus mətbuatının iddiasına görə Rusiyanın Türkiyədən alınan pomidora qarşı məhdudiyyət tətbi etməsi türk rəsmilərinin buğdaya vergi tətbiq etməsi ilə nəticələnib.
Qeyd edək ki, pomidor da daxil olmaqla Türkiyədən 13 məhsulun Rusiyaya girişinə icazə verilmir.
Hikmət
Ölkə.Az
