Rusiyalı alim: “Günəş sistemindən kənarda yadplanetli sivilizasiyalar var” — FAKTLAR

Rusiyalı alim: “Günəş sistemindən kənarda yadplanetli sivilizasiyalar var”
12:51
11.10.2018
6925
Dünya
A
Rusiyanın astronomiya institutunun direktoru Dmitriy Bisikalo bəyan edib ki, Günəş sistemindən kənarda müxtəlif yadplanetli sivilizasiyalar mövcuddur.

“Ölkə.Az” xəbər verir ki, Bisikalo qeyd edib ki, sadəcə yadplanetlilər Yer sakinləri ilə rabitə qurmaq istəmirlər.

“Mən bilirəm ki, yadplanetli sivilizasiyalar mövcuddur. Bizim sivilizasiya var, deməli anoloji sivilizasiyalar da mövcuddur. Kaliforniyanın Santa-Kruz universitetinin professoru Frenk Dreyk 1960-cı ildə yadplanetli sivilizasiyaların sayını hesablayan formul icad edib. Bu formula görə onlarla rabitəyə girmək olar”, - deyə alim bildirib.

Rusiyalı alim qeyd edib ki, bəşəriyyət bu günə qədər yadplanetli sivilizasiyanın mövcudluğu barədə faktlara rast gəlməyib. Bunun səbəbi isə yadplanetlilərin rabitəyə girmək istəməməsidir. İkinci səbəb isə sivilizasiyanın kifayət qədər az müddətdə mövcud olması, qısa aktivliyidir:

“Məsələn, bizim sivilizasiya XX əsrə qədər heç bir şüa buraxmırdı. İndi Yer planeti müxtəlif diapazonlarda elektron siqnal buraxır”.

Bisikalonun sözlərinə əsasən, ekzo planetlərin kəşfindən sonra yadplanetli sivilizasiyalar barədə müzakirələr praktiki təcrübələr zolağına keçdi. Alim qeyd edir ki, hazırda əsas məqsədlərdən biri kosmosda bio markerlərin kəşfidir. Bio marker deyiləndə isə oksigen, ozon, metan nəzərdə tutulur. Amma onların ekzo planetdə mövcud olması həyatın olması anlamına da gəlmir.

Hikmət Həsənov
Ölkə.Az

ŞƏRH YAZ
0

Saakaşvili fontanda əyləndi — VİDEO

Saakaşvili fontanda əyləndi
23:30
19.06.2019
482
Dünya
A
Gürcüstanın sabiq prezidenti və Odessa vilayətinin eks-qubernatoru Mixail Saakaşvili Odessada yayın ləzzətini fəvvarələrdə əylənməklə çıxarıb.

 "Ölkə.Az" bildirir ki, özünü fəvvarələrdə isladan Saakaşvili bu görüntüləri rəsmi facebook səhifəsində paylaşıb:

“Mariupolda fəvvarələr çox gözəldir, amma Odessadakılar da onlardan geri qalmır”, - deyə siyasətçi bildirib.

Ötən həftə Ukrayna prezidenti Vladimir Zelenski də Mariupol şəhərinə səfəri zamanı yerli sakinlərlə görüşdən sonra fəvvarədə əylənmişdi.

Ölkə.Az
ŞƏRH YAZ
0

Jurnalist Fuad Abbasov aclıq aksiyasını dayandırıb

Jurnalist Fuad Abbasov aclıq aksiyasını dayandırıb
23:13
19.06.2019
329
Dünya
A
Rusiyanın Moskva vilayətinin Korolyov şəhərində yerləşən miqrantlar üçün xüsusi saxlanma məntəqəsində 12 gündür aclıq edən azərbaycanlı jurnalist Fuad Abbasov aksiyanı dayandırıb.

"Ölkə.Az" bildirir ki, jurnalist bu barədə özü bəyanat yayıb.

Fuad Abbasov iyunun 7-də Moskva vilayət məhkəməsinin onun Rusiyadan deportasiya edilməsi ilə bağlı apellyasiya şikayətini təmin etməməsinə etiraz əlaməti olaraq aclıq aksiyasına başlayıb.

Jurnalist bu addımı səhhətində yaranan problemlərlə bağlı atdığını bildirib:

"Salam əziz həmvətənlərim! Mən 12 gündür davam etdirdiyim aclıq aksiyasına son vermək qərarına gəldim. Bunun başlıca səbəbi ürək qan-damar sistemimdə yaranan problemlərdir. Həm saxlanıldığım mərkəzin, həm də Təcili Yardım Xidmətinin həkimləri məsləhət görürlər ki, aclıq aksiyasını dayandırım.

Amma təəssüflə bildirmək istəyirəm ki, aclıq aksiyasının səbəbi olan, mənim tutulmağım, məhkəmə prosesinin qeyri-qanuni keçirilməsi, deportasiya üçün aparıldığım hava limanından geri qaytarılmağım və burada 12 gündən artıq saxlanılmağımın səbəblərini indiyə kimi mənə heç kim açıqlamayıb. Ümid edirəm ki, yaxın zamanda bu problem həll olunacaq və mən rahat bir şəkildə Vətənimiz Azərbaycana qayıda biləcəyəm".

Ölkə.Az

ŞƏRH YAZ
0
BAĞLA