Rusiyalı çempionu öldürən azərbaycanlı ilə bağlı YENİ XƏBƏR — VİDEO

Rusiyalı çempionu öldürən azərbaycanlı ilə bağlı YENİ XƏBƏR
12:00
14.11.2017
8996
Dünya
A
Rusiya hökuməti Dünya Azərbaycanlıları Asambleyasının (DAA) azərbaycanlı idmançı Anar Allahverənov və rusiyalı dünya çempionu Andrey Draçov arasında baş vermiş insidentlə bağlı müraciətinə cavab verib.

"Ölkə.Az"ın məlumatına görə, Rusiyanın Ədliyyə Nazirliyi DAA-a rəsmi cavab məktubu göndərib. 

Məktubda Rusiya Federasiya Baş Prokurorluğu qarşısında bu hadisənin ciddi araşdırılması və DAA-nın narahtçılığı nəzərə alınaraq, məsələnin hərtərəfli araşdırılması və hadisənin gedişatı ilə bağlı təşkilatın sədri Rəşad Quliyevə məlumat verilməsi qeyd olunur. 

Xatırladaq ki, 20 avqust 2017-ci il tarixində azərbaycanlı idmançı Anar Allahverənov və rusiyalı dünya çempionu Andrey Draçovu arasında münaqişə baş verib. 

Məişət zəminində baş vermiş bu münaqişə ermənilər və Rusiyadakı bir sıra KİV-lər tərəfindən milli zəmində baş verən hadisə kimi təqdim olunub. Hətta, Rusiyada fəaliyyət göstərən bəzi media orqanlarında bu hadisədən Azərbaycan dövləti əleyhinə kampaniyalar başladılıb. Bunun nəticəsində Rusiya Cinayət Məcəlləsinin qəsdən adam öldürülmə maddəsi dəyişdirilərək, milli münaqişə zəmində qəsdən adam öldürmə maddəsi ilə əvəz olunub. Bu da o deməkdir ki, həmyerlimiz Anar Allahverənov ömürlük həbs cəzası ala bilər. Bununla əlaqədar olaraq, Dünya Azərbaycanlıları Asambleyası bir müddət öncə Rusiyanın hüquq mühafizə orqanlarına müraciət edib. Müraciətdə hadisənin təfərrüatları ilə bağlı geniş məlumat verilib. 

DAA-nın müraciətində hadisə ilə bağlı mövcud olan Rusiya-Azərbaycan dostluq münasibətlərinə kölgə salmaq meyllərinin olması xüsusi qeyd edilib. 

Vasif Həsənli
Ölkə.Az

ŞƏRH YAZ
3

Azərbaycanın Küveytdəki səfirliyi vətəndaşlara müraciət edib

Azərbaycanın Küveytdəki səfirliyi vətəndaşlara müraciət edib
22:45
14.11.2018
1789
Dünya
A
Azərbaycan Respublikasının Küveyt Dövlətindəki səfirliyi vətəndaşlara müraciət edib.

"Ölkə.Az" report-a istinadən xəbər verir ki, bu barədə məlumat diplomatik nümayəndəliyin "Facebook" səhifəsinə yerləşdirilib.

"Əziz həmvətənlər. Azərbaycan Respublikasının Küveyt Dövlətindəki səfirliyi vətəndaşları 14, 15, 16 noyabr 2018-ci il tarixlərində Küveytdə hava şəraitinin dəyişkən olması və güclü yağışların yağması səbəbi ilə ehtiyatlı olmağa çağırır və hər hansı çətinlik olduğu təqdirdə səfirlik əməkdaşları ilə əlaqə saxlamağı tövsiyə edir", - deyə müraciətdə bildirilir.

Ölkə.Az

ŞƏRH YAZ
0

Gürcüstanda Prezident seçkilərinin ikinci turunun tarixi elan olunub

Gürcüstanda Prezident seçkilərinin ikinci turunun tarixi elan olunub
21:21
14.11.2018
2478
Dünya
A
Gürcüstanda Prezident seçkilərinin ikinci turu noyabrın 28-də keçiriləcək.

"Ölkə.Az" report-a istinadən xəbər verir ki, bu barədə qərar Gürcüstanın Mərkəzi Seçki Komissiyasının (MSK) iclasında qəbul olunub.

İclasda Prezident seçkilərinin birinci turunun nəticələrinə yekun vurulub. MSK sədri Tamar Jvania yekun protokolu imzalayıb.

Qeyd edək ki, qonşu ölkədə Prezident seçkilərinin birinci turu oktyabrın 28-də baş tutub. Seçkilərin ikinci turunda mübarizə Gürcüstanın hakim partiyasının dəstəklədiyi müstəqil namizəd Salome Zurabişvili və Vahid Milli Hərəkat Partiyasının namizədi Qriqol Vaşadze arasında aparılacaq.

Ölkə.Az

ŞƏRH YAZ
0
BAĞLA