Rusiyalı jurnalist İradə Zeynalovanı Moldovaya buraxmadılar
"NTV" kanalının jurnalisti İradə Zeynalovanı Moldovaya buraxmayıblar.
"Ölkə.Az" xəbər verir ki, jurnalist respublikaya səfərinin məqsədini təsdiq edə bilməyib.
Moldova sərhəd xidmətinin məlumatında deyilir: "İradə Zeynalova İstanbul-Kişinyov reysi ilə səfər edib. Nəzarət-buraxılış nöqtəsində jurnalist bəyan edib ki, onun rəsmi şəxslərlə görüşü planlaşdırılıb. Amma o, bunu rəsmi olaraq sübut edə bilməyib".
Zeynalova "Kişinyov-Moskva" reysi ilə Rusiyaya göndərilib.
Moldova prezidenti İqor Dodon məsələ ilə bağlı bildirib ki, Zeynalovanı rəsmi olaraq ölkəyə dəvət edib. Məqsəd İradə Zeynalovaya müsahibə vermək olub.
Hikmət Həsənov
Ölkə.Az