Rusiyanın ən təhlükəli şəhəri — Qaranlıqda çölə çıxmaq olmur

Rusiyanın ən təhlükəli şəhəri
16:55
08.09.2019
6895
Dünya
A
Bir müddət əvvəl Rusiyada sorğu keçirərək, ölkənin ən təhlükəli şəhərini müəyyənləşdirməyə çalışmışdılar. Respondentlərin çoxu Şaxtının adını çəkmişdi.

"Ölkə.Az" Bizimyol.info-ya istinadən xəbər verir ki, bu şəhərdə yerli sakinlər qaranlıqda çölə çıxmaqdan qorxur. Bu haqda özləri "lenta.ru" portalına danışıblar. Maraqlıdır ki, qorxsalar da, şəhəri tərk etməyə tələsmirlər.

250 min nəfərə yaxın əhalisi olan şəhərin ən böyük problemlərindən biri işsizlikdir. "İş çox azdır. Ali təhsili olanlar böyük şəhərlərə gedir. Ukrayna ilə qonşuyuq deyə, şəhərdə oradan gələn qaçqın çoxdur. Amma gedənlərin sayının gələnlərdən qat-qat çox olduğunu deyə bilərik", - şəhər sakini Stanislav Lyubimov danışır.

Üç il əvvəl Sankt-Peterburqa köçən Natalya Ozerkova da təxminən belə fikirlər söyləyib: "Şəhərdə hələ də 90-cı illər havası var. İş tapmaq mümkün deyil. Çoxu içir. Xidmət sahələri bərbad gündədir. Səhiyyə haqda bir kəlmə deyə bilərəm: yaxşısı xəstələnməməkdir".

Şaxtıda ilk diqqəti çəkən nüanslardan biri ictimai nəqliyyatın və yolun pis vəziyyətdə olmasıdır. Böyük avtobuslar, demək olar, işləmir. Tramvay və trolleybusu çoxdan yığışdırıblar. Balaca marşrut avtobusları isə sanki sön günlərini yaşayır.

Şəhər əhalisi danışır ki, Şaxtı xüsusilə son illər təhlükəli yerə çevrilib. Təhlükəsizliyinizi istəyirsinizsə, burada şəxsi avtomobilinizdə gəzməlisiniz. Stanislav Lyubimov deyir ki, küçələr işıqlandırılmır, piyada keçidləri yoxdur. Küçələr narkomanlarla doludur. Hər an siz hücum edə bilərlər. Gəlmələrə daha çox xəsarət yetirirlər.

Yerli sakinlərdən Vladimir Korşunov Şaxtı haqda lap pis fikirdədir. Deyir ki, gözünün qarşısında adamları küçənin ortasındaca soyublar. Parkda qadın zorlanması halı gündüzlər də baş verir. Gecələr oralardan yol salmağa dəyməz: "Şəhərdə çox özbaşınalıqdır".

Şaxtının yerləşdiyi Rostov vilayətinin telekanalları isə yalnız xoş xəbərlər çatdırmağa çalışır. Ölkənin ən təhlükəli şəhərinin gerçək mənzərəsinə güzgü tutan yoxdur.

ŞƏRH YAZ
1

Rusiyanın yeni hökumətinin üzvləri məlum olub — SİYAHI

Rusiyanın yeni hökumətinin üzvləri məlum olub
22:56
21.01.2020
631
Dünya
A
Rusiya prezidenti Vladimir Putin yeni Nazirlər Kabinetinin tərkibi ilə bağlı fərman imzalayıb.

"Ölkə.Az" report-a istinadən xəbər verir ki, baş nazir Mixail Mişustinin doqquz müavini olacaq.

Andrey Belousov - Baş nazirin birinci müavini

Dmitri Qriqorenko - baş nazirin müavini - hökumət aparatının rəhbəri

Viktoriya Abramçenko - Baş nazirin müavini

Tatyana Qolikova - Baş nazirin müavini

Yuri Borisov - Baş nazirin müavini

Dmitri Çernışenko- Baş nazirin müavini

Yuri Trutnev - Baş nazirin müavini - Uzaq Şərq Federal Dairəsinin nümayəndəsi

Aleksey Overçuk- Baş nazirin müavini

Marat Xusnullin - Baş nazirin müavini

Nazirlər

Sergey Lavrov - Rusiya Xarici İşlər naziri

Sergey Şoyqu - Müdafiə naziri

Yevgeni Ditrix - Nəqliyyat naziri

Denis Manturov - Sənaye və Ticarət naziri

Anton Siluanov - Maliyyə naziri

Olqa Lyubimova - Mədəniyyət naziri,

Mixail Muraşko - Səhiyyə naziri,

Sergey Kravtsov - Təhsil naziri 

Yevgeni Ziniçev - Mülki Müdafiə, Fövqəladə Hallar və Fəlakətlərin İdarə Edilməsi naziri

Konstantin Çuyçenko - Ədliyyə naziri

Aleksandr Novak - Energetika naziri

Maksut Şadaev - Rəqəmsal inkişaf, rabitə və kütləvi media naziri

Dmitri Kobılkin - Təbii ehtiyatlar və ekologiya naziri

Dmitri Patruşev - Kənd Təsərrüfatı naziri

Vladimir Yakuşev - Tikinti və Mənzil Kommunal Təsərrüfatı naziri

Serqey Kravtsov - Təhsil naziri

Valeriy Falkov - Elm və Ali təhsil naziri

Aleksandr Kozlov - Uzaq Şərq və Arktikanın inkişafı naziri

Oleq Matısın - İdman naziri

Anton Kotyakov - Əmək və Əhalinin Sosial Müdafiəsi naziri

Maksim Reşetnikov - İqtisadi İnkişaf naziri

Ölkə.Az

ŞƏRH YAZ
0

Mixael Şumaxerdən XƏBƏR VAR

Mixael Şumaxerdən XƏBƏR VAR
18:15
21.01.2020
1184
Dünya
A
“Formula 1”-in əfsanəvi pilotu Mixael Şumaxer haqqında italiyalı həkim yeni iddialar irəli sürüb.

''Ölkə.Az'' xəbər verir ki, 2013-cü ildə Alp dağlarında xizək sürərkən qəza keçirərək, yatağa məhkum olan Şumaxerin səhhəti haqqdında iddialar edilib. 

İtaliyan neyro cərrah “Formula 1”-in pilotu haqqında ''O, artıq çox fərqli biridir. Əzələ və sümüklərində zəifləmə getdiyi üçün bədəni deformasiyaya uğrayıb'',- deyə sözlərini deyib. 
Bundan başqa bir müddət əvvəl Alman pilotun keçmiş meneceri də onun haqqında açıqlama verib.
''Onu İsveçrədəki evində hələ də sağalmaq istəyərkən görmüşəm. Ona yaxşı baxırlar və hələ də mübarizə aparır'',- deyə sözlərini dilə gətirib. 

Qeyd edək ki, 7 dəfə dünya çempionu olan Şumaxer 2013-cü ildə Fransada xizək sürərkən qəza keçirib və başından ağır zədə alıb. 6 ay komada qalan pilot İsveçrədəki malikanəsinə köçüb yataq şəraitində həyatına davam edir.

'Schumacher şimdi çok farklı'

Nərmin Nuru

Ölkə.Az

ŞƏRH YAZ
0
BAĞLA