Rusiyanın yeni açıqlaması
"Ölkə.Az" xəbər verir ki, Rusiya Federasiyası Silahlı qüvvələrinin Baş qərargahının baş əməliyyat idarəsinin sədri ordu generalı Sergey Rudskoy ABŞ-ın Rakka ətrafındakı hava hücumlarını tənqid edib.
Rudskoy bildirib ki, koalisiya qırıcıları Suriyada dörd körpünü məhv edib və Rakkaya gedən nəqliyyat dəhlizini iflic vəziyyətinə salıb. Məsələ ilə bağlı mətbuat konfransı təşkil edən general qeyd edib ki, fevral ayında koalisiya qırıcıları 4 körpünü məhv edib. Bu isə şəhərin şimalı ilə cənubu arasında olan nəqliyyat dəhlizini iflic vəziyyətinə salıb.
General həm də vurğulayıb ki, ABŞ təyyarələri Fərat çayının üzərindəki su bəndinə hücum ediblər: "Hava hücumları nəticəsində su bəndinin cənub hissəsində iki qapaq zədələnib. ABŞ-ın bu fəaliyyəti ərazidə böyük təbii fəlakətə səbəb ola bilər. Su bəndi uçsa, böyük bir sahə su altında qalacaq və mülki əhali məhv olacaq".
Hikmət
Ölkə.Az