Rusiyaya aid Hmeymim hərbi bazasına hücum edən terrorçular məhv edilib — VİDEO

Rusiyaya aid Hmeymim hərbi bazasına hücum edən terrorçular məhv edilib
21:44
12.01.2018
1446
Dünya
A
Ötən ilin dekabrın 31-də Suriyada Rusiyaya aid Hmeymim hərbi bazasına hücum edən terrorçular məhv edilib.

“Ölkə.Az” xəbər verir ki, bu barədə Rusiya Müdafiə Nazirliyi məlumat yayıb. Verilən məlumata görə, hücumu təşkil edən bütün terrorçular Rusiyanın xüsusi təyinatlı qüvvələri tərəfindən məhv edilib.

“Dekabrın 31-də Suriyada Rusiyaya aid Hmeymim hərbi bazası terrorçuların hücumuna məruz qalıb. Terrorçular hücumu Suriyanın sərhəddindən kənarda hazırlayıblar. Terrorçular Suriyanın İdlib şəhərindən hücuma keçiblər. Hadisədən sonra Rusiyanın xüsusi təyinatlı qüvvələri terrorçulara qarşı əks hücum həyata keçiriblər. Nəticədə terrorçuların hərəkət etdiyi avtomobil və mikroavtobuslar məhv edilib”, - deyə məlumatda bildirilib.

Qeyd edək ki, 2017-ci ilin dekabrın 31-də Suriyada Rusiyaya aid Hmeymim hərbi bazası terrorçuların hücumuna məruz qalıb. Hücum nəticəsində 7 döyüş təyyarəsinin məhv edildiyi bildirilir. Bura 4 ədəd Su-24 bombardmançısı, iki ədəd Su-35C qırıcısı və bir ədəd An-72 hərbi nəqliyyat təyyarəsi daxildir. Bundan başqa, Rusiyaya aid silah-sursat anbarı da məhv edilib. Qeyri-rəsmi rəqəmlərə görə, 10-dan çox hərbçi yaralanıb.

Ziya Səccad
Ölkə.Az

ŞƏRH YAZ
1

Sevgilisini zorladı, öldürdü və bişirib yedi — ABŞ-da dəhşət

Sevgilisini zorladı, öldürdü və bişirib yedi
16:48
Bu gün
1927
Dünya
A
ABŞ-da keçmiş sevgilisini öldürüb bədəninin bəzi parçalarını bişirib yeməklə ittiham edilən şəxsin məhkəməsi başlayıb.

“Ölkə.Az” xəbər verir ki, cinayətkarın əqli problemi olmadığı üçün məhkəmə tərəfindən həbsə atıldığı bildirilir.

Hadisə 2014-cü ildə İndiana ştatında baş verib. Cozef Oberhansli əqli problemi olduğu üçün hakim qarşısına çıxmayacaqdı. Amma hakim 37 yaşlı Oberhanslinin əqli problemi olmadığını bildirib. 2014-cü ildə baş verən cinayətdə Cozef 46 yaşlı keçmiş sevgilisi Temmi Jo Blentonun evinə zorla girib. Sonra isə onu zorlayıb və bıçaqlayaraq öldürüb. Qadını qətlə yetirən Cozef onun bədənini doğrayaraq yeyib.

Ölkə.Az

ŞƏRH YAZ
0

Belarusdan Paşinyana sərt cavab: “Bu sənə küçə demokratiyası deyil”

Belarusdan Paşinyana sərt cavab: “Bu sənə küçə demokratiyası deyil”
15:45
Bu gün
2647
Dünya
A
Böyük siyasətdə küçə demokratiyası yox, diplomatik protokol qaydalarına uyğun hərəkət etmək lazımdır.

 “Ölkə.Az” xəbər verir ki, bunu Belarusun xarici işlər nazirliyinin mətbuat katibi Anatoliy Qlaz Nikol Paşinyanın Belarus prezidentinin ünvanına səsləndirdiyi ittihamlara cavab olaraq deyib.

“Görünür, Ermənistanın baş nazir vəzifəsini icra edən Paşinyan özünü beynəlxalq prokuror sayır”, - deyə Anatoliy Qlaz deyib.

Belarus diplomatın fikrinə görə, belə bir davranış KTMT-nin keçmiş baş katibi, Ermənistanın vətəndaşı Yuri Xaçaturova qarşı sərgilənə bilər. Amma beynəlxalq və dövlətlərarası münasibətlərdə dəqiq protokol və etiket qaydaları hökm sürür.

“Görünür, Paşinyan hələ də başa düşməyib ki, böyük siyasətdə küçə demokratiyası qaydaları keçmir. Təəssüf, ümid edirik ki, zamanla bu keçəcək”, - deyə Qlaz əlavə edib.

Qeyd edək ki, Paşinyan 16 noyabr tarixində jurnalistlərlə söhbətində bəyan edib ki, Belarus prezidentindən Azərbaycanla KTMT-dəki vəziyyəti müzakirə etdiyi üçün hesabat tələb edəcək. Paşinyan hesab edir ki, Lukaşenko bağlı qapılar arxasında keçirilən iclasın detallarını bu təşkilata üzv olmayan ölkəyə danışmamalı idi.

Hikmət Həsənov
Ölkə.Az

ŞƏRH YAZ
0
BAĞLA