"Ruslan Qurbanovu bazanı icazəsiz tərk etdiyi üçün əvəzedici heyətə göndərmişik" — Aftandil Hacıyev

21:52
09.12.2018
8292
İdman
A
"Çox maraqlı oyun alındı. Bu gün gördük ki, bütün komandalar avrokuboklara düşmək üçün layiqli mübarizə aparırlar. Belə getsə, çempion son turda bəlli olacaq"

"Ölkə.Az" report-a istinadən bildirir ki, bunu "Səbail"in baş məşqçisi Aftandil Hacıyev Azərbaycan Premyer Liqasının XIV turunda "Qəbələ" ilə evdə qolsuz bərabərliklə başa çatan oyundan sonra söyləyib.

37 yaşlı mütəxəssis bildirib ki, komandasının çıxışından razı qalıb: "Qarşıda iki kubok matçımız var. Bu görüşlərdə də maksimum nəticə qazanmağa çalışacağıq".

Baş məşqçi komandanın aparıcı futbolçularından olan Ruslan Qurbanovu əvəzedici heyətə göndərdiyini söyləyib:

"Hər oyundan bir gün qabaq toplaşırıq. Ruslan Qurbanov bazanı icazəsiz tərk etdiyi üçün cəzalanıb və əvəzedici heyətə göndərmişik. Onun istəyi ilə deyil, lazım gəlsə əvəzedici heyətdə oynayacaq. Həm də indi zədəsi var. Qurbanovun qış fasiləsində komandanı tərk edib-etməyəcəyi barədə heç nə deyə bilmərəm".

Hacıyev Edqar Paçekodan savayı qarşılıqlı razılaşma əsasında başqa futbolçuların da göndərilməsini düşündüklərini bildirib.

Ölkə.Az

ŞƏRH YAZ
0

"Rəqib üçün xoş olmayan sürpriz etməyə çalışacağıq" — Nikola Yurçeviç

15:47
Bu gün
103
İdman
A
"İlk növbədə, Novruz bayramı münasibətilə hamınızı təbrik edirəm. Çünki bu, Azərbaycan üçün çox vacib bayramdır. Çox maraqlı və çətin oyun olacaq. Xorvatiya dünya vitse-çempionudur. Biz isə yaxşı məşq etmişik və yaxşı oyun, performans göstərməyə hazırıq. Hazırda hamı oynaya biləcək vəziyyətdədir. Yalnız Aleksey İsayev zədəli olduğu üçün bura gəlməyib. Təxmini 13-14 futbolçu arasında ilk "11-lik" müəyyənləşdirməliyəm. Digər tərəfdən, oyunumuz öz evimdədir. Ümid edirəm ki, vətənimdəki ilk oyunumuz uğurlu olacaq".

"Ölkə.Az" goal.az-a istinadən xəbər verir ki, bunu Azərbaycan millisinin baş məşqçisi Nikola Yurçeviç Xorvatiya ilə keçirəcəkləri Avro-2020-nin seçmə qrup oyunundan əvvəl keçirdiyi mətbuat konfransında deyib.

53 yaşlı mütəxəssis daha sonra jurnalistlərin suallarını cavablandırıb...

- Gördüyünüz oyunçulardan nə dərəcədə razısınız?

- Oyunçularımın məşqlərdə göstərdiklərindən razıyam. Bütün futbolçular motivasiyalıdırlar. Onlar özlərini gözlədiyimdən də yüksək səviyyədə göstərdilər. Digər tərəfdən, xorvatiyalı futbolçuların səviyyəsi fərqlidir. Amma futbolda hər şey mümkündür.

- Bu dəfə əks tərəfdəki skamyada oturmaq sizin üçün qəribə olmayacaq?

- Sözsüz ki, qəribə olacaq. Amma Azərbaycan yığmasının baş məşqçisi olduğum üçün xoşbəxtəm. Ümid edirəm ki, uğurlu alınacaq.

- Sələfiniz və həmyerliniz oyundan bir gün əvvəl start heyətini açıqlayırdı. Sabahkı görüşdə oyun və heyət baxımından çoxmu dəyişiklik gözlənilir?

- Təqribən 13 futbolçu arasından seçim etməliyəm. Bunlar Səlahət Ağayev, Maksim Medvedev, Rahil Məmmədov, Bədavi Hüseynov, Şəhriyar Rəhimov və ya Təmkin Xəlilzadə, Qara Qarayev, Riçard Almeyda, Dmitri Nazarov, Eddi İsrafilov, Araz Abdullayev, Namik Ələsgərov, Ramil Şeydayev, Mahir Mədətovdur. 4-1-3-1 və ya 4-2-3-1 taktiki sxemindən yararlanacağam.

- Öz evinizə baş çəkməyə vaxtınız oldumu və dostlarınız Azərbaycan millisi ilə bağlı sizə nə dedilər?

- Çox imkanım olmadı. Yalnız dünən gedib qızlarımı gördüm. Dostlarımı isə görə bilmədim. Ümid edirəm ki, bu gün görə biləcəyəm. Dostlarımın hansı fikirdə olduqlarını bilmirəm. Ümid edirəm ki, daha çox mənim tərəfdə olacaqlar.

- Zlatko Daliç sizi tərifləyərək bildirib ki, rəqib komandanın baş məşqçisi xorvatiyalı olmaması daha yaxşı olardı...

- Daliçə komplimentlərinə görə təşəkkür edirəm. Məncə, o, layiqli baş məşqçidir. Xorvatiya millisinin müdafiə xəttində problemlərin olacağı gözlənilir. Bu, dünya və Avropa çempionatlarının final mərhələlərində özünü yaxşı göstərir. Zəif cəhəti isə daha aşağı səviyyəli komandalarla oyunlarda üzə çıxır.

- Robert Prosineçki ilə yığma barədə nə qədər fikir mübadiləsi aparmısınız?

- Onunla bir ay əvvəl söhbət etmişdik. Ümumi fikir alış-verişi idi. Bundan əlavə söhbətimiz olmayıb.

- Rəqibdən xal almaq üçün futbolçulara hansı məlumatları çatdırmısınız?

- Xorvatiya barədə məlumatlar artıqlaması ilə çatdırılıb, video-analizlər aparılıb, detallı söhbət olub. Amma əsas məsələ bu yox, meydanda nələrin baş verəcəyidir. Hamımız rəqibin favorit olduğunu bilirik. Çalışacağıq ki, onlar üçün xoş olmayan sürpriz edək.

Ölkə.Az

ŞƏRH YAZ
0

AÇ-2020-nin seçmə mərhələsi başlayır: Azərbaycan Xorvatiyaya qarşı — DİGƏR OYUNLAR

AÇ-2020-nin seçmə mərhələsi başlayır: Azərbaycan Xorvatiyaya qarşı
13:28
Bu gün
286
İdman
A
Bu gecə Avropa çempionatının seçmə mərhələsinə start veriləcək.

"Ölkə.Az" qol.az-a istinadən xəbər verir ki, ilk oyun günündə 4 qrupda 10 oyun keçiriləcək.

Millimizin yer aldığı E qrupunda Slovakiya Macarıstanı qəbul edəcək.

Son dünya çempionatının iştirakçıları Belçika və Rusiyanın qarşılaşması maraqla gözlənilir.

AÇ-2020-nin seçmə mərhələsi

C qrupu

23:45. Hollandiya - Belarus

23:45. Şimali İrlandiya - Estoniya

E qrupu

23:45. Xorvatiya - Azərbaycan

23:45. Slovakiya - Macarıstan

G qrupu

23:45. Avstriya - Polşa

23:45. Makedoniya - Latviya

23:45. İsrail - Sloveniya

I qrupu

19:00. Qazaxıstan - Şotlandiya

21:00. Kipr - San Marino

23:45. Belçika - Rusiya

Ölkə.Az

ŞƏRH YAZ
0
BAĞLA