Rüşvət alan icra məmuru həbs edilib

Rüşvət alan icra məmuru həbs edilib
10:03
17.05.2018
1906
Hadisə
A
Bakı Ağır Cinayətlər Məhkəməsində rüşvət alma maddəsi ilə təqsirləndirilən Nərimanov Rayon İcra Şöbəsinin icra məmuru işləmiş şəxsin məhkəməsi başlayır.

 “Ölkə.Az”ın məlumatına görə, Nəbizadə Pərviz Əzizağa oğlunun məhkəmə prosesinin hazırlıq iclası may ayının 21-də hakim İradə Həsənzadənin sədrliyi ilə keçiriləcək. 

Qeyd edək ki, Nəbizadə Pərviz Əzizağa oğlu uzun illər icra məmuru kimi fəaliyyət göstərib və bu ilin əvvəllərində vəzifə səlahiyyətlərini yerinə yetirən zaman rüşvət aldığına görə ona qarşı cinayət məcəlləsinin 311.1-ci (Rüşvət alma, yəni vəzifəli şəxsin xidməti vəzifəsinin (səlahiyyətlərinin) icrası ilə əlaqədar hər hansı hərəkətə (hərəkətsizliyə) görə) maddəsi ilə cinayət işi başlanıb və barəsində həbs-qətimkan tədbiri seçilib. Əgər icra məmurunun törətdiyi əməl məhkəmə zamanı sübut olunarsa, o zaman P.Nəbizadəni 4 ildən 8 il müddətinə azadlıqdan məhrum etmə cəzası gözləyir.

ŞƏRH YAZ
0

Xətaidə binada yanğın olub

Xətaidə binada yanğın olub
01:02
Bu gün
494
Hadisə
A
Bakıda yanğın hadisəsi olub.

"Ölkə.Az" Fövqəladə Hallar Nazirliyinə istinadən xəbər verir ki, hadisə paytaxtın Xətai rayonunda baş verib.

Ümumi sahəsi 140 m² olan ikimərtəbəli binanın birinci mərtəbəsinin yanar konstruksiyaları 70 m² sahədə, orada olan ZAZ markalı minik avtomobilinin yanar hissələri və binanın plastik üzlüyü 30 m² sahədə yanıb. Yanğın zamanı bitişik, ümumi sahəsi 110 m² olan avtomobil ehtiyat hissələrinin satışı mağazasının plastik üzlüyü 20 m² sahədə və bir ədəd məişət avadanlığı yanıb. Binanın və mağazanın qalan hissəsi yanğından mühafizə olunub.

Qeyd edək ki, binanın birinci mərtəbəsində yağdəyişmə sexi, ikinci mərtəbəsində isə ofis yerləşir.

Ölkə.Az

ŞƏRH YAZ
0

İnternetdə tanış olduğu qadını evə gətirdi — SOYULDU

İnternetdə tanış olduğu qadını evə gətirdi
00:19
Bu gün
1128
Hadisə
A
Aralarında qadın da olan dstə üzvləri quldurluq və hədə-qorxu ilə tələb etməkdə ittiham edilir. Bakı Ağır Cinayətlər Məhkəməsində quldurluqda və hədə-qorxu ilə tələb etmədə təqsirləndirilən dəstə üzvlərinin məhkəməsi başlayıb. Maya Qasımova, Orxan Hüseynov, İsrafil Kərimov, Elçin Osmanov və Seyidsara Heydərovanın cinayət işi hakim Fikrət Qəribovun sədrlik etdiyi kollegiyanın icraatındadır.

"Ölkə.Az" bizimyol.info-ya istinadən xəbər verir ki, prosesdə təqsirləndirilən şəxslərin anket məlumatları dəqiqləşdirilib, baxış iclası yanvarın 23-nə təyin edilib.

Hadisə 2018-ci il yanvarın 25-də Yasamal rayonunda baş verib. Rayon ərazisindəki mənzillərdən birində Muxtar Məmmədovun əl-ayağını yapışqanlı lentlə stula bağlayaraq döyüb, cibindəki 150 manatı və mobil telefonu götürüblər. Yasamal rayon polis idarəsi 27-ci polis bölməsi əməkdaşlarının əməliyyat-axtarış tədbirləri nəticəsində bu əməli törətməkdə təqsirli bilinən dəstə üzvlərindən Orxan Hüseynov "isti izlər"lə saxlanılıb, digərlərinin isə şəxsiyyətləri müəyyən edilib.

Daha sonra dəstənin digər üzvləri - M.Qasımova, İ.Kərimov, E.Osmanov və Şabran rayon sakini S.Heydərova da saxlanılaraq istintaqa cəlb ediliblər.

Araşdırmalarla məlum olub ki, Bakı şəhər sakini M.Məmmədov internet vasitəsilə tanış olduğu Maya adlı qadınla saat 21 radələrində həmin evə gəlib. Bundan, təxminən, 30 dəqiqə sonra mənzilə daxil olan üç maskalı şəxs Muxtarın əllərini və ayaqlarını yapışqanlı lentlə stula bağlayaraq döyüb, cibindəki 150 manatı və mobil telefonu götürərək Maya ilə birlikdə mənzilin qapısını arxadan bağlayıb gediblər.

M.Məmmədov yapışqanlı lent sarğılarını açaraq eyvana çıxıb və ətrafdakıları köməyə çağırıb.
Polis əməkdaşları əməliyyat-axtarış tədbirlərinə başlayıb, quldurluğu törətməkdə şübhəli bilinən 4 nəfərin şəxsiyyəti qısa zamanda müəyyən edilib.

Ölkə.Az

ŞƏRH YAZ
0
BAĞLA