Rza Zərrabın məhkəmə vaxtı dəyişdirildi
Rza Zərrabın məhkəmə prosesi 30 oktyabrdan 27 oktyabr tarixinə dəyişdirilib.
"Ölkə.Az" xəbər verir ki, Türkiyənin sabiq iqtisadiyyat naziri Zafer Çağlayan da müttəhimlər siyahısına əlavə edilib.
ABŞ-da Rza Zərrabla birlikdə hakim qarşısına çıxarılan "Halkbank"ın sabiq baş direktorunun müavini Mehmet Hakan Atilla 15 türk şahidin də ifadə verməsini istəyib.
15 şahid isə ABŞ-a getmək istəmədikləri üçün internet vasitəsilə məhkəmədə ifadə verəcək.
Qeyd edək ki, Rza Zərrab və Atilla da daxil olmaqla bütün müttəhimlər İrana qarşı tətbiq edilən sanksiyaları tapdalamaq, bank sektorunda saxtakarlıq və çirkli pulların yuyulması ittihamı ilə cinayətə cəlb olunublar.
Hikmət Həsənov
Ölkə.Az
