Rza Zərrabın təyyarə və lüks yaxtası müsadirə edildi

Rza Zərrabın təyyarə və lüks yaxtası müsadirə edildi
17:54
07.12.2017
3137
Dünya
A
İstanbul Respublika Prokurorluğu tərəfindən Rza Zərrabın bütün əmlakı müsadirə edilib.

"Ölkə.Az" xəbər verir ki, Rza Zərrabın 7 milyon avro qiyməti olan lüks yaxtası ilə "MNG Jet" anqarındakı "Challenger 300" təyyarəsi İstanbul Respublika Prokurorluğu tərəfindən müsadirə edilib.

Malta bayrağı altında üzən yaxta Bodrumdadır. 1.5 ildir limanda gözləyən yaxta ilə bağlı Ankara ilə rəsmi yazışmalar aparılıb.Bodrum Liman İdarəsindən bildirilir ki, "60 years" adlı lüks yaxta da müsadirə ediləcək.

Yaxtadan sonra prokurorluq Zərrabın sahibi olduğu "ARE" avia şirkətinə aid iş təyyarəsini də İstanbuldakı Atatürk hava limanında müsadirə edib.
58 milyon dollarlıq "Challenger 300" təyyarəsi sonuncu dəfə 30 noyabr tarixində uçub. ABŞ-da məhkəməyə çıxarılan Rza Zərraba aid bütün şirkətlər  1 dekabr tarixidə İstanbul Respublika Prokurorluğunun apardığı istintaq çərçivəsində müsadirə edilib.Qərardan 7 gün sonra hava limanındakı təyyarə də müsadirə edilib.

Hikmət Həsənov
Ölkə.Az

ŞƏRH YAZ
0

Lavrov yeni erməni nazirlə Qarabağ problemini müzakirə edib

Lavrov yeni erməni nazirlə Qarabağ problemini müzakirə edib
14:53
Bu gün
399
Dünya
A
Rusiyanın xarici işlər naziri ilə Ermənistanın yeni XİN rəhbəri Zoqrab Mnatsakanyan arasında telefon danışığı baş tutub.

“Ölkə.Az” xəbər verir ki, tərəflər telefon vasitəsilə Dağlıq Qarabağ probleminin nizamlanması və digər məsələləri müzakirə ediblər.

Bu barədə Rusiyanın xarici işlər nazirliyi məlumat yayıb: “May ayının 23-ündə erməni tərəfinin təşəbbüsü ilə Rusiyanın xarici işlər naziri Sergey Lavrov və Ermənistanın XİN rəhbəri Zoqrab Mnatsakanyan arasında telefon danışığı baş tutub”.

Tərəflər Dağlıq Qarabağ münaqişəsini və münaqişənin həllinin Minsk qrupunun həmsədrləri xətti ilə nizamlanması məsələsini müzakirə ediblər.

Hikmət Həsənov
Ölkə.Az

ŞƏRH YAZ
0

İsrail Avropa İttifaqına savaş açdı: “Cəhənnəmə gedin”

İsrail Avropa İttifaqına savaş açdı: “Cəhənnəmə gedin”
14:49
Bu gün
249
Dünya
A
Avropa İttifaqı fələstinli etirazçılara atəş açan İsrail hökumətini tənqid edib.

“Ölkə.Az” xəbər verir ki, İsrailin enerji naziri bu tənqidlərə çox sərt reaksiya verib. 

Nazir Yuval İsraili tənqid edən Avropa İttifaqına səslənib: “Min dəfə cəhənnəmə gedin”.

Yuval iki həftə əvvəl Aİ-İsrail münasibətlərini tərifləmişdi.

Qeyd edək ki, İsrail Avropa İttifaqının önəmli ticarət partnyorlarından biridir. Tel-Əviv ilə Aİ arasında illik ticari dövriyyə 36 milyard dollardır.

Hikmət Həsənov
Ölkə.Az

ŞƏRH YAZ
0
BAĞLA