İŞİD Dünya Çempionatında terror törədə bilərmi? — Politoloqdan ilginc açıqlama

İŞİD Dünya Çempionatında terror törədə bilərmi?
22:07
18.10.2017
1637
Analitika
A
İŞİD terror qruplaşması 2018-ci ildə Rusiyada keçiriləcək Dünya Kubokuna hücum edəcəyini açıqlayıb.

"Ölkə.Az" xəbər verir ki, Suriya və İraqda nəzarət etdiyi ərazilərdən silinən qruplaşma hədələrinə davam edir. Yeni bir propoqanda həmləsi edən terror qruplaşması Rusiyada 2018-ci ildə keçiriləcək futbol çempionatına hücum edəcəyini bildirib.

Yeni yayımlanan bir posterdə əlində avtomat olan İŞİD terrorçusu üzərində qruplaşmanın loqosu olan bomba ilə Dünya Kubokunun yanına montaj edilib.

Ötən həftə isə İŞİD ABŞ prezidenti Donald Tramp və Rusiya lideri Vladimir Putinin güllələnmiş fotolarını yayımlamışdı.

Azərbaycanlı siyasətçilər isə düşünürlər ki, əslində belə açıqlamaların və təhdidlərin arxasında müxtəlif qüvvələr dura bilər. Politoloq Arzu Nağıyev “Ölkə.Az”a açıqlamasında bildirib ki, İŞİD terror təşkilatı öz varlığını sübut etmək üçün dəfələrlə istənilən terror hadisələrini öz boyunlarına götürüblər. Onun fikrincə, bu səbəbdən də, onlar Dünya Çempionatını hədələyirlər.

“Digər məqam da Rusiyanın özünə diqqəti cəlb etmək istəyidir. Ruslar çempionat keçirilən ərazilərdə təhlükəsizlik məsələlərini daha da gücləndirmək üçün bu sualı qaldırıb. Başqa bir məqam ondan ibarətdir ki, burada üçüncü qüvvələr var. Üçüncü qüvvələr Dünya Çempionatına marağı azaltmağa çalışırlar. Həmin qüvvələr insanları qorxutmaq istəyirlər. Bu səbəbdən də, İŞİD varlığını işə salıblar”.

Ziya Səccad
Ölkə.Az

ŞƏRH YAZ
0

"Ermənistan işğalçılıq siyasətini davam etdirdikcə Azərbaycan onu təcrid etmək siyasətini daha gücləndirəcək" — Politoloq

12:20
16.12.2018
599
Analitika
A
Ermənistan işğalçılıq siyasətini davam etdirdikcə Azərbaycan onu təcrid etmək siyasətini daha gücləndirəcək.

"Ölkə.Az" bildirir ki, bunu trend-ə politoloq, siyasi elmlər üzrə fəlsəfə doktoru, dosent Elşad Mirbəşiroğlu deyib.

Politoloqun sözlərinə görə, dövlətimizin başçısı Prezident İlham Əliyev Milli Olimpiya Komitəsində 2018-ci ilin idman yekunlarına həsr olunmuş mərasimdə çıxışı zamanı xüsusilə vurğulayıb ki, artıq bütün dünya münaqişə vəziyyətində Azərbaycanın haqlı tərəf olduğunu qəbul edir:

"Azərbaycan Ermənistanı təcrid vəziyyətində saxlamağa davam edəcək. Ermənistanda 20 il idi ki, hakimiyyəti zəbt etmiş, davamlı işğalçılıq siyasəti həyata keçirərək nəinki regional, bütövlükdə qlobal təhlükəsizliyə ciddi təhdid yaradan hərbi-xunta rejiminin siyasi səhnədən silinməsində Azərbaycanın təsirli rolu olub. Ermənistan işğalçılıq siyasətini davam etdirdikcə Azərbaycan tərəfi onu təcrid etmək siyasətini daha gücləndirəcək. Ölkə prezidentinin qeyd etdiyi kimi, hətta Ermənistanın üzv olduğu, Azərbaycanın isə üzv olmadığı təşkilatlarda belə, Azərbaycan ciddi mövqelərə, təsir imkanlarına malikdir. Bu da Ermənistanı daha da çıxılmaz vəziyyətə salıb. Həqiqətən də bu mənada KTMT çərçivəsində Ermənistanın ağır fiaskosunu xüsusi qeyd etmək lazımdır".

O əlavə edib ki, 2018-ci il Azərbaycanda həm də uğurlu sosial-iqtisadi inkişafın davam etdirilməsi ilə yadda qalır: "Prezident ölkədə yenə də ciddi sosial layihələrin həyata keçirildiyini qeyd etdi. Nəzərə almaq lazımdır ki, Azərbaycan Respublikasının "sosial dövlət" xarakteri daha güclənib. Həmçinin idman sahəsində Azərbaycanın kompleks uğurları ölkə Prezidenti tərəfindən xüsusi vurğulandı. Belə ki, Azərbaycan ardıcıl olaraq bir neçə ildir beynəlxalq səviyyəli idman tədbirlərini ən yüksək standartlara uyğun şəkildə təşkil etməklə yanaşı, dünya miqyasında böyük uğurlar qazanan idmançılar yetişdirir. Ümumiyyətlə, bütün istiqamətlərdəki uğurlarımız daha dinamik tərəqqi üçün etibarlı zəmin yaradır".

E.Mirbəşiroğlu qeyd edib ki, 2018-ci ildə də Azərbaycan bütün müstəvilərdə potensialını yüksəltmə tendensiyasını saxlayıb: "Prezident ölkənin davamlı inkişafında sabitlik və təhlükəsizlik mühitinin həlledici rol oynadığını qeyd etdi. Həqiqətən də 2018-ci ildə ümumi dünya miqyasında münaqişə və qanlı toqquşmalar potensialı yüksəldiyi halda, Azərbaycanda sabitlik və təhlükəsizlik artıb".

Ölkə.Az

ŞƏRH YAZ
0

"Ermənistanın siyasi, iqtisadi və digər müstəvilərdə məğlubiyyəti Azərbaycanın qələbəsi kimi dəyərləndirilə bilər" — Politoloq

17:55
09.12.2018
508
Analitika
A
Ermənistanın siyasi, iqtisadi və digər müstəvilərdə məğlubiyyəti Azərbaycanın qələbəsi kimi dəyərləndirilə bilər.

"Ölkə.Az" bildirir ki, bunu Trend-ə politoloq, siyasi elmlər üzrə fəlsəfə doktoru, dosent Elşad Mirbəşiroğlu deyib.

Onun sözlərinə görə, Prezident İlham Əliyevin Rusiya Prezidenti Vladimir Putinin dəvəti əsasında iştirak etdiyi 6 dekabr tarixində Sankt-Peterburqda keçirilən MDB dövlət başçılarının qeyri-rəsmi zirvə toplantısı kimi görüşlərdə Birlik çərçivəsində il ərzində görülən işlər barədə geniş fikir mübadiləsi aparılır və gələcək fəaliyyət istiqamətləri ətraflı müzakirə olunur: "Tədbir çərçivəsində Prezident İlham Əliyevin Ermənistanın baş naziri vəzifəsini icra edən Nikol Paşinyanla da söhbəti olub. Söhbət əsnasında Ermənistan-Azərbaycan, Dağlıq Qarabağ münaqişəsinin həlli üzrə fəal danışıqların davam etdirilməsi və atəşkəs rejiminin möhkəmləndirilməsi ətrafında müzakirələrin aparılması isə əsla münaqişənin dondurulması və ya qəbuledilməz olan status-kvonun saxlanması anlamına gəlməməlidir. Azərbaycanın qəti mövqeyi ondan ibarətdir ki, işğala əsaslanan status-kvo tezliklə dəyişdirilməlidir".

E.Mirbəşiroğlu qeyd edib ki, söhbət çərçivəsində Ermənistan və Azərbaycan arasında saxlanılan şəxslərin qarşılıqlı şəkildə dəyişdirilməsi məsələsi də müzakirə olunub: "Prezident İlham Əliyev Azərbaycanın bu məsələdə mövqeyini vurğulayaraq bildirib ki, "hamının-hamıya" prinsipi əsasında dəyişdirmə tam olmalı və o cümlədən, Dilqəm Əsgərov və Şahbaz Quliyev onların arasında yer almalıdır. Humanist xarakter daşıyan bu kimi addımlar danışıqlar prosesinə müsbət təsir göstərə bilər. ATƏT-in Minsk qrupunun həmsədrləri də bu mövqeyi dəstəkləyir və ona görə də Ermənistan tərəfi bunu nəzərə almalıdır".

Dövlətimizin başçısının Dilqəm Əsgərov və Şahbaz Quliyevin azad edilməsi üçün böyük səylər göstərdiyini və bu məsələni daim diqqətdə saxladığını nəzərə çatdıran politoloq onu da əlavə edib ki, Avrasiya İqtisadi İttifaqının Sankt-Peterburqda keçirilmiş iclasında da Ermənistan təcrid durumuna düşüb.

Növbəti baş katibin Belarusdan olacağını vurğulayan E.Mirbəşiroğlu bildirib ki, Ermənistanın baş naziri vəzifəsini icra edən N.Paşinyanın rəyi nəzərə alınmadan üzv dövlətlər tərəfindən bu barədə qərar qəbul olunacaq: "Ermənistanın baş katib vəzifəsini özlərində saxlamaqla bağlı bütün səyləri iflasa uğrayıb. Bu, ümumilikdə Ermənistanın siyasəti və diplomatiyasının növbəti məğlubiyyətidir. Heç kimə sirr deyil ki, yeni baş katibin təyinatı məsələsini Prezident İlham Əliyev Ermənistan istisna olmaqla, KTMT-yə üzv olan bütün ölkələrin dövlət başçıları ilə bu və ya digər formada müzakirə edib. Sözsüz ki, işğalçı dövlət olaraq, Ermənistanın çoxsaylı xarakter daşıyan hər bir siyasi, diplomatik, iqtisadi və digər müstəvilərdə olan məğlubiyyəti Azərbaycanın qələbəsi kimi dəyərləndirilə bilər. Çünki bu məğlubiyyətlərin şərtləndirilməsində Azərbaycanın rolu kifayət qədər böyükdür. Nəticə etibarilə Ermənistanın tamhüquqlu üzv olduğu KTMT-də növbəti dəfə alçaldıcı məğlubiyyəti bu sıradan olan nümunələrdən biridir".

O deyib ki, Prezident İlham Əliyev bəziləri kimi deklarativ deyil, dərin strateji düşüncə və praqmatik baxışlar əsasında yüksək məharətlə və müdrikliklə strateji diplomatiya adlandırılan siyasət yürütmək iqtidarında olan şəxsiyyətdir: "Bu strateji diplomatiya ölkəmizin qələbəsini təmin edir, milli maraqlarımızın qorunmasına, ölkəmizin beynəlxalq münasibətlərdə mövqeyinin və rolunun gücləndirilməsinə xidmət edir".

Ölkə.Az

ŞƏRH YAZ
0
BAĞLA