“S-500”lər kosmosdakı hədəfləri vura biləcək — AÇIQLAMA

“S-500”lər kosmosdakı hədəfləri vura biləcək
05:48
27.06.2019
2490
Dünya
A
Rusiyanın yeni həsil hava hücumundan müdafiə sistemi “S-500 Prometheus”ların kosmosdakı hədəfləri də vura biləcəyi bildirilib.

 “Ölkə.Az” xəbər verir ki, bu barədə “VKO Almaz-Antey” şirkətinin baş direktorunun müavini Serqey Druzin bildirib. Druzin “RİA Novosti” qəzetinə açıqlamasında bildirib ki, “S-500”lər hər növ ballistik raketi məhv edə bilər. Sistem aero-dinamik nəzarətin mümkünsüz olduğu atmosfer kənarında da çalışır.

“S-500” başqa cihazlara ehtiyac duymayan aktiv radar sistemləri ilə təchiz edilib. Sistem böyük məsafələrdə siqnal axtarır və analiz edir. Bir antena birdən çox şüa yaya bilir. Bundan başqa antena rəqiblərinə nisbətən daha az enerji ilə işləyir və bu da raketləri qarşılaya bilmək üçün çox vacibdir.

“S-500”lər 600 km məsafədən hədəflərin qarşısını ala bilər.

Ölkə.Az

ŞƏRH YAZ
0

Türkiyədəki yarışmada azərbaycanlı qadını aldatdılar

Türkiyədəki yarışmada azərbaycanlı qadını aldatdılar
08:30
Bu gün
686
Dünya
A
Türkiyənin ATV kanalında yayımlanan "Güven bana” yarışmasının növbəti buraxılışında iştirakçılardan biri azərbaycanlı olub. Amma Gülüstan Batu evə əliboş gedib.

"Ölkə.Az" azxeber.com-a istinadən bildirir ki, Türkiyədəki yarışmada azərbaycanlı qadını aldadıblar. O, 20 min manatdan çox itirib.

Yarışmanın formatı belədir ki, bir-birini tanımayan iki nəfər birlikdə qalib olmağa çalışır. Onlar 15 suala cavab verməlidir. Amma cəmi 2 səhv etmək şansları var. Birlikdə uğur qazanmaq üçün hər iki adam bir-birinə güvənməlidir. Çünki müəyyən mərhələdə tərəflərdən biri uyğun düyməyə tez basaraq həmin dəqiqəyə qədər qazanılan pulları götürüb gedə bilər.

Gülüstan xanım məhz birlikdə yarışdığı adama güvənməklə aldanıb. Muhsin Divan onun etimadını qazanıb, 15-ci sualdan sonra 147 min 500 lirə qazandıqları məlum olan kimi düyməyə basıb.

Gülüstan Batu yarışın gedişində Muhsin Divanın düyməyə basacağı halda hirslənməyəcəyini bildirib. Türkiyəli yarışmaçı da bu məqamı yaddan çıxarmayıb.

Ümumiyyətlə, azərbaycanlı iştirakçı bir o qədər inamlı təsir bağışlamayıb. Sualların az qala hamısına Muhsin Divan cavab verib.

Gülüstan Batu 20 ildir Antalyada yaşayır və ingilis dili müəllimidir.

Ölkə.Az

ŞƏRH YAZ
0

Argentinada yeddi balina sahilə çıxdı, biri öldü — Xilasetmə əməliyyatından VİDEO

Argentinada yeddi balina sahilə çıxdı, biri öldü
23:00
16.09.2019
2441
Dünya
A
Argentinada yeddi balina dalğalar tərəfindən sahilə çıxarılıb.

"Ölkə.Az" bildirir ki, hadisə kurort şəhəri Mar-del-Plata yaxınlarında baş verib.

Balinalardan birinin öldüyü bildirilib.

Yerli TN telekanalı könüllülərin və mütəxəssislərin qatıldığı xilasetmə əməliyyatını canlı yayımlayıb.

Artıq balinalardan ikisini dənizə qaytarmaq mümkün olub.

Ancaq bu, o qədər də asan başa gəlməyib. Belə ki, dəniz nəhəngləri həm ağırdırlar, həm də onları mümkün qədər dərinliklərə buraxmaq lazımdır ki, dalğalar yenidən sahilə çıxarmasın.

Hələlik hadisənin səbəbləri bəlli deyil. Mütəxəssislər bildiriblər ki, dənizdə qabarma və çəkilmələr həmişəki qaydasında olub.

Ölkə.Az
ŞƏRH YAZ
0
BAĞLA