Ölkə.Az APA-ya istinadən xəbər verir ki, saxlanıldığı gün ukraynalı polislər onun yaşadığı ünvana səhər saat 7.00-da gələrək 45 dəqiqə ərzində mənzilin qapısını qırmağa çalışıblar.   

Onun sözlərinə görə, polislər mobil rabitə əlaqəsini süni yolla bloklayıblar.  M.Saakaşvili qeyd edib ki, tərəfdarlarına zəng edib hadisə barədə məlumat vermək məqsədi ilə binanın damına qalxmağa qərar verib. O, dama çıxmaqla iki saat vaxt udduğunu  qeyd edib: "İnsanlar yuxudan oyandı, məlumatı əldə etdi və nəticədə binanın qarşısında xeyli sayda tərəfdar və KİV nümayəndələri toplaşdı".    

Gürcüstanın sabiq prezidenti binanın damında əllərinə qandal vurulmasına imkan vermədiyini qeyd edib. Onun sözlərinə görə, mənzilə daxil olduqdan sonra polislərə duş qəbul etmək istədiyini bildirib: "Mən duş qəbul edərkən polislər vanna otağının qapısını döyməyə başladı, sonra otaqda dava düşdü və sonda polislər onun  əllərinə qandal vurmağa nail oldular".

Mixail Saakaşvili təcridxanada ona normal münasibət göstərildiyini qeyd edib: "Adi, standart və təmiz kamera idi, 13 saylı. Yeri gəlmişkən, duş kabinəsi ilə təchiz edilmiş yeganə kamera idi. Yeməkdən imtina etmişdim, amma çayla problem yox idi, istənilən kimi verilirdi"

“Ölkə.Az” xəbər verir ki, alimlər çox ehtimal ki, malyariyadan dünyasını dəyişən uşağın qalıqlarını aşkar ediblər. Amma uşağı ağzında daşla, yəni vampiri dəfn etmə ayininə uyğun olaraq basdırıblar.

Qəbir eramızın V əsrinə məxsusdur. Alimlər fikrinə əsasən, yerli sakinlərin inancına əsasən, malyariyadan dünyasını dəyişən şəxsin meyitini ağzında daşla dəfn etmək lazımdır. Bunun səbəbi isə onun dirilərək insanları xəstəliyə yoluxdurmasının qarşısını almaqdır.
“Arizona ştatının alimi Devid Soren deyib: “Mən bu günə qədər belə bir hadisə ilə rastlaşmamışdım. Çox qəribədir. Burada belə hadisəni “Lunyano vampiri” adlandırırlar”.

Arxeoloqlar Lunyano-in-Teverina qəbirstanlığını unikal sayırlar. Bir müddət əvvəl də buradan qədimdən qalma sərdabə və qəbirlər aşkar edilmişdi.
Vampir qəbirləri İtaliyada və onun sərhədlərindən kənarda da aşkar edilib. 2009-cu ildə Venesiyada XVI əsrə aid “Venesiya vampiri”nin qalıqları tapılıb. Qəbirdə ağzında daş olan yaşlı qadın skeleti olub. 2017-ci ildə isə İngiltərənin Hortqemtonşir qraflığında III-IV əsrə aid eyni tipli qəbir aşkar edilib.

Hikmət Həsənov
Ölkə.Az

“Ölkə.Az” xəbər verir ki, bu əsər 16 oktyabr tarixində dərc ediləcək. Əsərdə Hokinq DNA-sı dəyişmiş “super insanlar”ın ortaya çıxacağından qorxduğunu bildirib.

Alim bildirib ki, gələcəkdə insanlar pul qarşılığında orqanizmin müxtəlif xüsusiyyətlərini daha da yaxşılaşdırmaq üçün DNA-ya dəyişikliklər edə bilərlər:
“Ola bilsin ki, gen mühəndisliyinə qarşı müəyyən qanunlar qəbul edilsin. Amma bəziləri bəşəriyyətin keyfiyyətini təkmilləşdirmək üçün qeyri-qanuni əməllərə baş vura bilərlər. Məsələn, yaddaş, xəstəliklərə qarşı müqavimət və insan ömrünün uzadılması kimi”.

Hokinqin fikrinə görə “təkmilləşdirilmiş” insanların peyda olması adi insanların xüsusi, aşağı kasta formalaşdırmasına və məhv olmasına səbəb ola bilər.

Hikmət Həsənov
Ölkə.Az