Saakaşvili ekstradisiya olunacaq?

Saakaşvili ekstradisiya olunacaq?
14:17
13.08.2017
9
Dünya
A
Gürcüstan Daxili İşlər Nazirliyi (DİN) daxili işlər naziri Georgi Mqebrişvilinin ukraynalı həmkarı Arsen Avakov və digər rəsmi şəxslərlə sabiq prezident Mixail Saakaşvilinin Ukraynadan deportasiya edilməsini müzakirə etdiyi barədə yayılan xəbəri təkzib edib.

Ölkə.Az APA-ya istinadən xəbər verir ki, Gürcüstan DİN iki ölkənin daxili işlər nazirlərinin qorunmayan telefon xətti ilə dövlət əhəmiyyətli məsələni müzakirə etməsi xəbərinin də qeyri-ciddi bir məsələ olduğunu vurğulayıb.

Qeyd edək ki, bundan əvvəl internetdə rusiyalı prankerlər Vladimir Kuznetsev və Aleksey Stolyarovun Ukrayna daxili işlər naziri A. Avakovun adından Gürcüstan daxili işlər nazirinə zəng etməsi və M. Saakaşvilinin Ukraynaya dönəcəyi halda Gürcüstana ekstradisiyası məsələsinin müzakirə edildiyi barədə informasiya yayılıb. Prankerlər G. Mqebrişvili ilə danışığın əks olunduğu iddia edilən audioyazını da yayıblar.
 
Xatırladaq ki, Gürcüstan Baş Prokurorluğu M. Saakaşvili barədə qiyabi həbs hökmü verib və haqqında axtarış elan edib. Bu il iyulun 26-da isə M. Saakaşvili Ukrayna prezidenti Petra Poroşenko tərəfindən Ukrayna vətəndaşlığından məhrum edilib. 

ŞƏRH YAZ
0

Nigeriyada 220 terrorçu həbs edildi

Nigeriyada 220 terrorçu həbs edildi
21:27
Bu gün
92
Dünya
A
Nigeriyada terrorçulara qarşı əməliyyat keçirilib.

“Ölkə.Az” xəbər verir ki, bu barədə respublika ordusunun rəsmi nümayəndəsi Oniyema Nvaçukvu bildirib. Onun sözlərinə görə, Nigeriyada radikalların nəzarətində olan rayonların təmizlənməsi əməliyyatları zamanı 220 “Boko haram” terror təşkilatının üzvü saxlanılıb.

“Bu gün çox uğurlu əməliyyat keçirilib. Əməliyyat “Boko haram” terror təşkilatının üzvlərinin gizləndiyi ərazidə aparılıb. Əməliyyat zamanı 220 terrorçu saxlanılıb. Bir neçə terrorçu isə öldürüülb. Əməliyyatlar zamanı 67 qadın və 173 uşaq xilas edilib”, - deyə Oniyema Nvaçukvu bildirib.

Qeyd edək ki, “Boko haram” terror təşkilatı “Əl-Qaidə” terror qruplaşmasına bağlıdır. 2002-ci ildə Nigeriyanın şimalında Məhəmməd Yusif adlı şəxs tərəfindən yaradılıb. Əsas məqsədi bütün Nigeriya ərazisində şəriətin tətbiqi və qərb həyat tərzinin silinməsidir. 2014-cü ilin may ayında BMT Təhlükəsizlik Şurası tərəfindən terror təşkilatları siyahısına salınıb.

Ziya Səccad
Ölkə.Az

ŞƏRH YAZ
0

Kseniya Sobçak Putini biabır etdi

Kseniya Sobçak Putini biabır etdi
21:00
Bu gün
210
Dünya
A
2018-ci ildə Rusiya prezidentliyinə namizədliyini irəli sürmək istəyən tanınmış teleaparıcı Kseniya Sobçak jurnalist və həmkarları üçün mətbuat konfransı keçirib.

“Ölkə.Az” xəbər verir ki, teleaparıcı bildirib ki, seçkilərdə iştirak etməyə qərarlıdır. Onun sözlərinə görə, seçkilərdə namizədliyini təkcə müxalifətçi bloqer Aleksey Navalnının xeyrinə götürə biləcəyini deyib.

“İnsanların komandiri, rəhbəri və ya başçısı olmadıqda, onlarla söhbət etmək çox çətin olur. Lakin mən əminəm ki, biz bu etapı keçə biləcəyik. Mən Rusiyanın inkişafını istəyən hər kəslə birləşmək istəyirəm. Buna misal olaraq, bloqer Aleksey Navalnı göstərə bilərəm. Əgər o, seçkilərdə namizədliyini irəli sürərsə, mən onu dəstəkləməyə hazıram”, - deyə Kseniya Sobçak bildirib.

Teleaparıcı çıxışı zamanı Rusiya prezidenti Vladimir Putini sərt tənqid edib və onun yenidən rəhbər olmasını fəlakət adlandırıb.

Qeyd edək ki, 2018-ci ildə Rusiya prezidentliyinə namizədliyini irəli sürmək istəyən tanınmış teleaparıcı Kseniya Sobçak dəfələrlə Putini tənqid edib. Hətta o, ABŞ-ın Putin və onun ətrafına qarşı qadağaları dəstəklədiyini bildirib.

Xatırladaq ki, Rusiyada növbəti prezident seçkiləri 2018-ci ilin martında keçiriləcək. Seçki kampaniyası dekabr ayında başlamalıdır.
 
Ziya Səccad
Ölkə.Az

ŞƏRH YAZ
0
BAĞLA