Saakaşvili Hollandiyada şəxsiyyət vəsiqəsi aldı

Saakaşvili Hollandiyada şəxsiyyət vəsiqəsi aldı
20:34
14.02.2018
2914
Dünya
A
Gürcüstanın sabiq prezidenti, Odessa vilayətinin eks-qubernatoru Mixeil Saakaşviliyə Hollandiyada şəxsiyyət vəsiqəsi verilib.

“Ölkə.Az”ın xəbərinə görə, bu barədə Saakaşvili öz Facebook hesabından məlumat verib.

"Bu gün Amsterdamda son zamanlar ilk dəfə şəxsiyyətimi təsdiq edən sənəd əldə etdim. Niderlanda gələn kimi mənə dərhal Avropa İttifaqında yaşamaq və işləmək hüququ verən şəxsiyyət vəsiqəsi verildi. Prosedur cəmi bir neçə dəqiqə çəkdi”, - deyə M.Saakaşvili yazıb.

O, həmçinin Ukrayna vətəndaşlığını bərpa etməkdə qərarlı olduğunu vurğulayıb.

Xatırladaq ki, fevralın 12-də siyasətçi Ukraynadan xaric edilmiş və o, Polşaya getmişdi.

Ölkə.Az

 

ŞƏRH YAZ
0

Qədim Urartunun ilk ayaq izi tapıldı — FOTOLAR

Qədim Urartunun ilk ayaq izi tapıldı
11:52
Bu gün
215
Dünya
A
Türkiyənin Van vilayətindəki Van qalası ətrafında aparılan arxeoloji qazıntılar zamanı urartuluların ayaq izinə rast gəlinib.

“Ölkə.Az” xəbər verir ki, qazıntılara rəhbərlik edən Erkan Konyar bu kəşfdən çox həyəcanlandıqlarını və sevindiklərini bildirib.

Urartu Krallığının paytaxtı olan Tuşpanın mərkəzi sayılan Van qalası 3 min ildir ki, tarixə şahidlik edir.

Alimlər məsələ ilə bağlı deyiblər:

“Urartu evləri daş bünövrə üzərinə kərpiclə hörülmüş divarlardan ibarətdir. Ehtimal edirik ki, bir urartulunun evinin inşası zamanı yaş kərpicə ayaqla toxunduğu üçün izi qalıb. Təxminən 13-15 yaşlı bir uşağa aid ayaq izidir”.

Hikmət Həsənov
Ölkə.Az

ŞƏRH YAZ
0

Türkiyədən ABŞ-a sərt cavab — Gömrük rüsumları artırıldı

Türkiyədən ABŞ-a sərt cavab
11:12
Bu gün
1226
Dünya
A
Türkiyə ABŞ-dan idxal edilən məhsulların gömrük rüsumunu artırıb.

“Ölkə.Az” xəbər verir ki, ABŞ-dan idxal edilən avtomobil, spirtli içki və tütünə tətbiq edilən gömrük vergisi artırılıb. Bu barədə Türkiyə prezidenti Rəcəb Tayyip Ərdoğan sərəncam imzalayıb.

Sənədə əsasən, Türkiyəyə idxal edilən avtomobillərin gömrük rüsumu 120%, spirtli içkilərin gömrük rüsumu 140%, tütünün gömrük rüsumu isə 60% artırılıb. Bundan başqa ABŞ-dan idxal edilən kosmetika, düyü və kömürün də gömrük rüsumu artırılıb.

Türkiyənin vitse-prezidenti Fuad Oktay Tvitter səhifəsində qeyd edib ki, bu addımlar ABŞ-ın Türkiyə iqtisadiyyatına hücumu ilə bağlı atılıb.

Hikmət Həsənov
Ölkə.Az

ŞƏRH YAZ
0
BAĞLA