Saakaşvili Poroşenkoya barışıq təklif etdi
“Ölkə.Az” xəbər verir ki, bu barədə “1+1” kanalı məlumat yayıb. Verilən xəbərə görə, Saakaşvili Poroşenkoya danışıq təklif edib.
“Poroşenkoda məktub var. “Mişa” barışıq təklif edir”, - deyə xəbərdə bildirib.
Saakaşvilinin partiyasında isə bildiriblər ki, bu barədə heç bir informasiya yoxdur. Partiyadan vurğulanıb ki, barışıq o halda ola bilər ki, hökumətdən tələb olunan şərtlərə razılıq verilsin.
Qeyd edək ki, Gürcüstanda bir sıra cinayətlərdə ittiham olunan M. Saakaşvili 2015-ci ilin mayında Ukrayna vətəndaşlığı alıb və Odessa vilayətinin qubernatoru təyin edilib. 2016-cı ilin noyabrında isə qubernator postundan istefa verib və hakimiyyəti tənqid etməyə başlayıb. Ukrayna prezidenti Petr Poroşenko bu il iyulun 26-da, M. Saakaşvili ABŞ-da olarkən onu Ukrayna vətəndaşlığından məhrum edib. Ancaq M. Saakaşvili sentyabrın 10-da tərəfdarları ilə birlikdə Polşa sərhədindən Ukraynaya keçməyi bacarıb. Bu zaman Ukrayna təhlükəsizlik qüvvələrinin 22 əməkdaşı xəsarət alıb. Lvov polisi sərhədin qanunsuz keçmək və polisə müqavimət ittihamları ilə 15 ilə qədər azadlıqdan məhrumetməni nəzərdə tutan cinayət işi açılıb.
Ziya Səccad
Ölkə.Az