Saakaşvili tərəfdarlarının Oktyabr sarayına hücumu zamanı 30 polis xəsarət alıb

Saakaşvili tərəfdarlarının Oktyabr sarayına hücumu zamanı 30 polis xəsarət alıb
23:08
17.12.2017
1271
Dünya
A
Gürcüstanın sabiq prezidenti Mixail Saakaşvilinin tərəfdarlarının Kiyevin mərkəzindəki Oktyabr sarayına hücumu zamanı 30 polis əməkdaşı xəsarət alıb.

Ölkə.Az APA-ya istinadən xəbər verir ki, bu barədə Ukrayna DİN rəhbərinin müşaviri Zoryan Şkiryak bildirib. 

Qeyd edək ki, Gürcüstanın sabiq prezidenti, Yeni Qüvvələr Hərəkatı Partiyasının lideri Mixail Saakaşvilinin tərəfdarları Kiyevin mərkəzində yerləşən Oktyabr sarayına hücum çəkib.

Saakaşvilinin tərəfdarları Milli Qvardiyanın hərbçilərinin müqavimətini qırıb, Oktyabr sarayının giriş qapısını sındıraraq saraya daxil olublar. Milli Qvardiya əməkdaşları aksiyaçılara yanğınsöndürmə vasitələri ilə müdaxilə etmək istəsələr də, bu, nəticəsiz qalıb.

Mixail Saakaşvili tərəfdarları Kiyevin mərkəzində yerləşən Oktyabr sarayını tərk etməyə və Azadlıq (Maydan) meydanına qayıtmağa çağırıb. Onun çağırışından sonra etiraçıların əksəriyyəti sarayı tərk edərək Radanın qarşısındakı meydana qayıdıb. Saakaşvili tərəfdarlarının dinc aksiya keçirmək niyytində olduğunu, baş verənləri təxribatın nəticəsi kimi dəyərləndirib.

Hazırda Oktyabr sarayı ətrafında vəziyyət tam polisin nəzarətindədir. 

ŞƏRH YAZ
0

“Zeytun budağı” əməliyyatında bir türk hərbçisi şəhid olub

“Zeytun budağı” əməliyyatında bir türk hərbçisi şəhid olub
00:48
Bu gün
609
Dünya
A
Türkiyənin Suriyanın şimalındakı Afrin bölgəsində həyata keçirdiyi “Zeytun budağı” əməliyyatında bir türk hərbçisi şəhid olub.

“Ölkə.Az” xəbər verir ki, bu barədə Türkiyə Silahlı Qüvvələrindən məlumat verilib.

Məlumata əsasən, əsgər Kilis vilayətinin Gülbala kəndində baş vermiş atışma zamanı ölüb. Türk hərbçilərilə İŞİD və YPG terror təşkilatının silahlıları arasında atışma zamanı yaralanan türk hərbçisi sonradan dünyasını dəyişib.

Qeyd edək ki, yanvarın 20-dən Türkiyə Afrində “Zeytun budağı” əməliyyatına başlayıb. Terrorçuların mövqelərinə havadan zərbələr endirilib. Eyni zamanda Suriyanın müxalifətdən olan "Azad Suriya ordusu" qruplaşması bazar günü ölkənin şimalında yerləşən Afrin rayonunda genişmiqyaslı əməliyyatlara başlayıb. Türkiyə Baş Qərargahı Afrin bölgəsində "Zeytun budağı" əməliyyatı başladığını, hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğunu bəyan edib.

Əməliyyata ilk öncə Türkiyə Hərbi Hava Qüvvələrinin 72 ədəd “ F-16” təyyarəsi cəlb edilib. Türkiyə hərbçiləri “Azad Suriya ordusu” müxalifət birləşmələrilə birgə Suriyada məskunlaşan PKK, PYD və YPG terror təşkilatının silahlılarının məkanlarına zərbələr endiriblər.

Verilən məlumatlara görə, əməliyyatın ilk günü Türkiyə döyüşçüləri Afrinin 3.5 kilometrliyinə qədər irəliləyiblər. Hələlik terrorçular onlara güclü müqavimət göstərə bilməyiblər. Əməliyyatlar zamanı terrorçular çox sayda canlı qüvvə itiriblər.

Ölkə.Az

ŞƏRH YAZ
0

Türkiyə ABŞ-la əməkdaşlıq üçün şərtlərini açıqladı — VİDEO

Türkiyə ABŞ-la əməkdaşlıq üçün şərtlərini açıqladı
00:30
Bu gün
527
Dünya
A
Türkiyənin baş naziri Binəli Yıldırımın rəhbərliyilə nazirlərin toplantısı keçirilib.

“Ölkə.Az” xəbər verir ki, toplantıda çıxış edən Türkiyə baş nazirinin müavini Bəkir Bozdağ Türkiyənin Suriyanın şimalındakı Afrin bölgəsində həyata keçirdiyi “Zeytun budağı” əməliyyatından danışıb. O bildirib ki, türk hərbçilər əməliyyata uğurla başlayıblar.

“Dəfələrlə Türkiyənin Suriya ilə sərhədindən terrorçuların hücumuna məruz qalmışıq. PKK, PYD, YPG və İŞİD terrorçuları məhz Suriyanın Afrin bölgəsindən Türkiyə sərhədlərini keçərək ölkəmizə hücumlar ediblər. Onların törətdikləri terrorlarda vətəndşalarımız ölüb və yaralanıblar. Suriya hökuməti hazırda Afrin bölgəsinə nəzarəti itirib. Bu səbəbdən, bölgədə məskunlaşan terrorçular həm Suriyanı, həm Türkiyəni, həm də digər bölgələri təhlükə altında saxlayır. Türkiyə həmin təhlükəni dəf etmək üçün “Zeytun budağı” əməliyyatına başlayıb”, - deyə Bəkir Bozdağ bildirib.

Nazir müavini əlavə edib ki, Türkiyənin Suriyada ABŞ-la əməkdaşlıq etməsi üçün əsas şərt Birləşmiş Ştatlar tərəfindən kürd döyüşçülərinə silah tədarükünün dayandırılmasıdır. Onun sözlərinə görə, rəsmi Ankara Vaşinqtona dəfələrlə xəbərdarlıq edib ki, kürd silahlı birləşmələrinə silah verməsin.

"Əməkdaşlıq etməyimizin əsas şərti silah tədarükünün dayandırılması və verilən silahların geri alınmasıdır. Bunu öz müttəfiqlərimizdən gözləmək ən təbii haqqımızdır", - deyə B. Bozdağ bildirib.

Ölkə.Az

ŞƏRH YAZ
0
BAĞLA