Saakaşvili Ukraynanın baş naziri olmaq istəyir
Gürcüstanın sabiq prezidenti, Ukraynanın Yeni Qüvvələr Birliyi Partiyasının sədri Mixail Saakaşvili ehtiyac yaranarsa, Ukraynanın baş naziri olmağa hazır olduğunu bəyan edib.
Ölkə.Az APA-ya istinadən xəbər verir ki, bundan öncə dəfələrlə Ukraynada hər hansı vəzifənin ona lazım olmadığını bildirən M. Saakaşvili bu gün Kiyevdə Ali Radanın binası qarşısında keçirilən aksiyada Ukraynaya yeni hakimiyyətin lazım olduğunu deyib.
M. Saakaşvili birlikdə yeni hökuməti yaratmalı olduqlarını vurğulayıb: “Mən sizinlə birlikdə yeni prosesə rəhbərlik etməyə və əgər lazım olarsa, bu hökumətə başçılıq etməyə hazıram”.
M. Saakaşvili dekabrın 3-də “xalq impiçmenti”nə başlayacaqlarını bildirib: “Mən ölkəni gəzəcəm və insanları dinc mübarizəyə səsləyəcəm”.
