Saatlıdakı ağır qəza ilə bağlı rəsmi məlumat
Daxili İşlər Nazirliyi Saatlı rayonunda baş vermiş dəhşətli yol qəzası ilə bağlı məlumat yayıb.
“Ölkə.Az”a DİN-dən verilən məlumata görə, martın 23-də saat 17 radələrində Saatlı rayonunun Qaralar kəndi ərazisində Hacıqabul rayon sakini Mehman Rəsulovun idarə etdiyi “Hovo” və İmişli rayon sakini Əli Allahverdiyevin idarə etdiyi “Mercedes” markalı avtomobillər toqquşub. Nəticədə Ə.Allahverdiyev və sərnişinlərindən həmyerlisi Peyman İsgəndərov hadisə yerində ölüb, digər 2 sərnişin xəstəxanaya yerləşdirilib.
Baş İstintaq və Təhqiqat İdarəsi tərəfindən araşdırma aparılır.
