Sabah Azərbaycanın tanınmış şahmatçısının toyudur — FOTO

Sabah Azərbaycanın tanınmış şahmatçısının toyudur
21:14
01.12.2017
1566
İdman
A
Sabah Azərbaycanın tanınmış şahmatçısı Eltac Səfərlinin toyudur.

“Ölkə.Az” xəbər verir ki, bu barədə onun həmkarı, məşhur şahmatçı Şəhriyar Məmmədyarov “Facebook” səhifəsində məlumat verib. O, qeyd edir ki, həmkarı və dostu Eltac Səfərli sabah evlənir.

“Sabah dostum-qardaşım, milli komandanın üzvü və məşqçisi, mənim uzun illər şahmatda dəstəyim, hamının sevimlisi Eltac Səfərlinin toyudur”, - deyə Şəhriyar Məmmədyarov yazıb.

Tanınmış idmançı həmkarına xoşbəxtlik arzu edib.

Qeyd edək ki, Azərbaycan şahmatçısı, qrossmeyster Eltac Səfərli 1992-ci ildə Bakıda doğulub. 2002-ci ildə İspaniyada keçirilmiş 10 yaşa qədər uşaqlar arasında şahmat üzrə Avropa Çempionudur. 2003-cü ildə Serbiyada keçirilən Gənclər arasında Avropa çempionudur. 2008-ci ildə Türkiyədə 20 yaşa qədər gənclər arasında dünya çempionatının bürünc medalını qalibi olub. 2010-cu ildə Azərbaycan Çempionatının və Çiqorinin xatirə turnirinin qalibi olub. 2013-cü ildə keçirilmiş Avropa Komandalar arası Çempionatında qızıl medal qazanmış Azərbaycan komandasının tərkibində oynayıb. 2015-ci ildə Naxçıvan Open turnirinin qalibi olub. 2010 və 2016-cı illərdə şahmat üzrə Azərbaycan çempionudur. SOCAR komandasının tərkibində Şahmat üzrə klub komandalarının Avropa Kubokunu qazanıb.

Ziya Səccad
Ölkə.Az

ŞƏRH YAZ
0

“Qarabağ”ın rəqibləri bəlli oldu — SİYAHI

“Qarabağ”ın rəqibləri bəlli oldu
19:45
Bu gün
266
İdman
A
“Qarabağ”ın Çempionlar Liqasında Albaniya təmsilçisi "Kukesi"ni keçəcəyi halda III təsnifat mərhələsində potensial rəqibləri artıq bəllidi.

"Ölkə.Az" Qafqazinfo-ya istinadən xəbər verir ki, "Qarabağ" komandası aşağıdakı 11 komandanın biri ilə üz-üzə gələcək.

ÇFR (Rumıniya) - “Malmö” (İsveç)

“Srvena Zvezda” (Serbiya) - “Suduva” (Litva)

“Dinamo” (Zaqreb, Xorvatiya) - “Hapoel” (Beer-Şeva, İsrail)

“Şkendiya” (Makedoniya) - “Şerif” (Moldova)

BATE (Belarus) - HİK (Finlandiya)

AEK (Yunanıstan)

Göründüyü kimi, bu komandalardan yalnız AEK mübarizəyə həmin mərhələdən başlayaraq rəqibini gözləyir. Digər 10 komanda isə öz aralarında oynayaraq 5 cütdə qalibi müəyəynləşdirəcək. Deməli, sonda 6 potensial rəqib olacaq. 

ÇL-də III təsnifat mərhələsinin püşkü iyulun 23-də atılacaq. "Kukesi" ilə oyunlar isə iyulun 25-də səfərdə və avqustun 1-də evdə keçiriləcək.

ŞƏRH YAZ
0

"Rauf Əliyevin yardımından yararlana bilərəm" — Qurban Qurbanov

00:22
Bu gün
1404
İdman
A
Çempionlar Liqasının I təsnifat mərhələsinin “Qarabağ” – “Olimpiya” oyunundan sonra mətbuat konfransı keçirilib.

"Ölkə.Az"Oxu.Az-a istinadən xəbər verir ki, “Qarabağ”ın baş məşqçisi Qurban Qurbanov fikirlərini bildirib.

O, çox yaxşı komandaya qarşı oynadıqlarını söyləyib:

“Yaxşı komandaya qarşı oynadıq. Bundan sonrakı oyunlarımız belə çətin olacaq. Rəqibin baş məşqçisini də təbrik edirəm. Onunla söhbət etdim. Hiss olunur ki, yeni gəldiyi komandaya yeni nəfəs gətirib.

Dani Kintananın durumu haqqında indidən nə isə deyə bilmərəm. Əzələsini dartdı. Amma növbəti oyunda çıxış edəcəyini düşünürəm.

Növbəti turdakı rəqibimiz “Kukesi” haqqında yaxın iki gün ərzində məlumat toplamağa çalışacağam. Amma nə isə qaranlıq qalsa, ötən mövsüm orda oynamış Rauf Əiyevə müraciət edə bilərəm”.

Ölkə.Az

ŞƏRH YAZ
0
BAĞLA