Sabah Bakının bu ərazilərində qaz olmayacaq

Sabah Bakının bu ərazilərində qaz olmayacaq
20:12
16.01.2018
8151
İqtisadiyyat
A
Sabah Bakı şəhərinin Yasamal, Nəsimi və Xətai rayonlarının təbii qaz təchizatında məhdudiyyət olacaq.

Bu barədə “Ölkə.Az”a “Azəriqaz” İstehsalat Birliyinin İctimaiyyətlə əlaqələr şöbəsindən bildirilib. Məlumata görə, istehlakçıların qaz təchizatının yaxşılaşdırılması məqsədilə yeni çəkilmiş diametri 325 və 200 mm-lik polietilen orta təzyiqli yeraltı qaz xəttinin qaz təchizatı mənbəyinə birləşdirilməsi, aşkar olunmuş qaz sızmalarının, eləcə də qeyri-qanuni qoşulmaların ləğvi ilə əlaqədar yanvarın 17-də saat 10:00-dan işlər yekunlaşanadək Xətai, Yasamal və Nəsimi rayonlarının bir hissəsində təbii qazın verilişində fasilələr yaranacaq.

Aparılan işlərin Abşeron rayonunun Xırdalan şəhəri, Hökməli, Atyalı, Qobu, Daş Güzdək, Aşağı Güzdək və Çiçək qəsəbələrinin qaz təchizatına təsir göstərməsi mümkündür.

Görülən təmir işləri gün ərzində yekunlaşdırılaraq təbii qazın verilişi təmin ediləcək və yaranacaq məhdudiyyətlə bağlı “Azəriqaz” İB bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.

Ölkə.Az

ŞƏRH YAZ
0

Ötən il Bakı əhalisinə 5 milyard 394 milyon manatlıqdan çox ödənişli xidmət göstərilib

Ötən il Bakı əhalisinə 5 milyard 394 milyon manatlıqdan çox ödənişli xidmət göstərilib
20:00
17.02.2018
883
İqtisadiyyat
A

2017-ci ildə Bakı şəhərinin əhalisinə göstərilən ödənişli xidmətlərin dəyəri 2016-cı illə müqayisədə 0,7 faiz artaraq 5394,3 milyon manat olub.

Bakı Şəhər Statistika İdarəsindən "Ölkə.Az"a bildiriblər ki, hüquqi şəxslər tərəfindən əhaliyə 3006,9 milyon manat dəyərində xidmət göstərilib ki, bu da xidmətin ümumi dəyərinin 55,7 faizini təşkil edib.

ŞƏRH YAZ
0

Naxçıvanda 47994 nəfərin pensiyası artırılıb

Naxçıvanda 47994 nəfərin pensiyası artırılıb
19:45
17.02.2018
515
İqtisadiyyat
A
Azərbaycan Respublikasının Prezidenti cənab İlham Əliyevin 9 fevral 2018-ci il tarixli “Əmək pensiyalarının sığorta hissəsinin indeksləşdirilməsi haqqında” Sərəncamına müvafiq olaraq, Naxçıvan Muxtar Respublikası Dövlət Sosial Müdafiə Fondu tərəfindən Sərəncamın şamil olunduğu hər bir pensiyaçının pensiyasına müvafiq artımların hesablanması başa çatdırılıb.

"Ölkə.Az" xəbər verir ki, bu barədə muxtar respublikanın Dövlət Sosial Müdafiə Fondunun mətbuat xidmətinin məlumatında qeyd olunub. 

Naxçıvan Muxtar Respublikası Dövlət Sosial Müdafiə Fondu və onun yerli orqanlarında müasir standartlara cavab verən avtomatlaşdırılmış iş yerləri təşkil olunub. Lokal şəbəkələrin mərkəzi informasiya sistemlərinə birləşdirilərək fondun ümumi korporativ şəbəkəsinin formalaşdırılması və yeni proqram təminatları ilə təmin edilməsi nəticəsində, ölkə başçısı tərəfindən imzalanmış bu sərəncam qısa müddətdə icra edilib.

Nəticədə, muxtar respublika üzrə 47 min 994 nəfər əmək pensiyaçısının pensiyasının ümumi məbləği və 168 min 935 nəfər sığortaolunanın fərdi uçot sistemindəki fərdi hesabının sığorta hissəsində qeydə alınmış pensiya kapitalı məbləğləri 2017-ci ilin orta aylıq nominal əməkhaqqının illik artım tempinə uyğun olaraq 2018-ci il yanvarın 1-dən 5,7 faiz indeksləşdirilərək artırılıb.

Məlumat üçün bildirək ki, muxtar respublika üzrə bütün növ əmək pensiyaları ürzə hesablanmış artımlar, 2018-ci il fevral ayının 16-da yanvar və fevral aylarındakı artımlarla birgə əmək pensiyaçılarına ödənilib.

ŞƏRH YAZ
0
BAĞLA