Bu gün hava necə olacaq?

Bu gün hava necə olacaq?
09:00
17.05.2019
1280
Ölkə
A
Bakıda və Abşeron yarımadasında sabah hava yağmursuz keçəcək.

Bu barədə "Ölkə.Az"a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.

Səhər saatlarında bəzi yerlərdə zəif duman olacaq. Mülayim şimal-qərb küləyi gündüz cənub-şərq küləyi ilə əvəz olunacaq.

Havanın temperaturu Abşeron yarımadasında gecə 15-18, gündüz 25-29, Bakıda gecə 16-18, gündüz 27-29 dərəcə isti təşkil edəcək.

Atmosfer təzyiqi norma daxilində 760 mm civə sütunu,nisbi rütubət gecə 65-75, gündüz 40-50 faiz olacaq.

Azərbaycanın rayonlarında mayın 17-də havanın əsasən yağmursuz keçəcəyi, lakin gündüz bəzi dağlıq rayonlarda şimşək çaxacağı, qısamüddətli yağış yağacağı gözlənilir, dolu düşəcəyi ehtimalı var. Gecə və səhər ayrı-ayrı yerlərdə duman olacaq, şərq küləyi əsəcək.

Havanın temperaturu gecə 14-19, gündüz 27-32, dağlarda gecə 9-14, gündüz 16-21 dərəcə isti təşkil edəcək. 

ŞƏRH YAZ
0

Bölgələrdəki yanğınlarla bağlı son vəziyyət — VİDEO

Bölgələrdəki yanğınlarla bağlı son vəziyyət
14:11
Bu gün
34
Ölkə
A
Son günlər bölgələrdə mürəkkəb relyefli dağlıq ərazilərdə baş vermiş yanğınların qarşısının alınması məqsədilə Fövqəladə Hallar Nazirliyinin (FHN) Dövlət Yanğından Mühafizə Xidmətinin, Aviasiya dəstəsinin, Mülkü müdafiə qoşunlarının və regional mərkəzlərin müvafiq canlı qüvvə və texnikası yanğınsöndürmə işlərinə cəlb olunub.

FHN-dən "Ölkə.Az"a verilən məlumata görə, həyata keçirilmiş operativ tədbirlər nəticəsində Lənkəran, Quba, Yardımlı və digər rayonların dağlıq zonalarında meşə və meşəətrafı ərazilərdə baş vermiş yanğınlar tam söndürülüb, Oğuz, Qəbələ, Ağsu, İsmayıllı rayonlarında baş vermiş yanğınların daha geniş ərazilərə yayılmasının qarşısı alınıb və hazırda tam söndürülməsi istiqamətində tədbirlər fasiləsiz olaraq davam etdirilir. 

Yanğınsöndürmə əməliyyatlarında, ümumilikdə, FHN-in 900-dən artıq canlı qüvvəsi, 70-ə yaxın texnikası, 3 ədəd helekopteri və 1 ədəd “BE 200 ÇS” tipli amfibiya təyyarəsi iştirak edib. 

ŞƏRH YAZ
0

Bacısını öldürüb, sonra yandırdı — Hacıqabuldakı DƏHŞƏTLİ CİNAYƏTİN TƏFƏRRÜATI

Bacısını öldürüb, sonra yandırdı
13:57
Bu gün
683
Ölkə
A
Bacısını qətlə yetirməkdə təqsirli bilinərək məhkum olunan 1997-ci il təvəllüdlü Hadıyev Namaz Mobil oğlu Ali Məhkəməyə müraciət edib.

"Ölkə.Az" xəbər verir ki, onun müraciəti ilə bağlı məhkəmə baxış iclası hakim Fərhad Kərimovun sədrliyi ilə avqust ayının 27-də keçiriləcək.

Qeyd edək ki, Namaz Hadıyev, bacısı - 1998-ci il təvəllüdlü Hadıyeva Gövhər Mobil qızını Hacıqabul rayonunun Qızılburun kəndi ilə Atbulaq kəndi arasında olan ərazidə qətlə yetirib. Üzərində 38 bıçaq yarası olan meyit Bakı-Qazax magistralının kənarında yandırılmış halda aşkarlanıb.

Qətl hadisəsi qısqanclıq zəminində baş verib. Qətlə yetirilən  Gövhər Hadıyevanın bir il əvvəl evlərindən çıxdığı, Bakıya gəldiyi və bir daha geri qayıtmadığı bildirilib. O, hadisədən bir neçə gün əvvəl qardaşı ilə telefonla danışıb və ondan bağışlanmasını istəyib. G. Hadıyeva Bakıdan taksi ilə həmin əraziyə gəlib. Namaz Hadıyev qeyd olunan ərazidə bacısı ilə görüşüb, onu qətlə yetirib, meyiti yandırandan sonra Bakıya gedərək polisə təslim olub.

Lənkəran Ağır Cinayətlər Məhkəməsi Namaz Hadıyevi Cinayət Məcəlləsinin  CM 120.2.4, 177.2.1, 177.2.3, 221.3, 228.4, 29, 318.1, 326.2 maddələri ilə təqsirli bilərək 18 il müddətinə azadlıqdan məhrum edib.

Daha sonra Şirvan Apellyasiya Məhkəməsində hakim Zəki Babayevin sədrliyi ilə keçirilən məhkəmə prosesdə təqsirləndirilən şəxsin apellyasiya şikayətinin təmin edilməməsi barədə qərar qəbul edilib.

Birinci instansiya məhkəməsinin hökmü qüvvədə saxlanılıb.

Natiq Allahverdiyev
Ölkə.Az

 

ŞƏRH YAZ
0
BAĞLA