KORONAVİRUSA YOLUXANLARIN SAYI - CANLI STATİSTİKA

Hava necə olacaq?

Hava necə olacaq?
09:00
15.08.2019
4085
Ölkə
A
Azərbaycanda avqustun 15-də gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, Bakıda və Abşeron yarımadasında sabah havanın dəyişkən buludlu olacağı, əsasən, yağmursuz keçəcəyi gözlənilir. 

Lakin səhər bəzi yerlərdə qısamüddətli az yağış yağacağı ehtimalı var. Mülayim cənub küləyi əsəcək.

Havanın temperaturu Abşeron yarımadasında gecə 19-24, gündüz 30-34, Bakıda gecə 20-22, gündüz 32-34 dərəcə isti təşkil edəcək.

Atmosfer təzyiqi norma daxilində 762 mm civə sütunundan 758 mm civə sütununa enəcək, nisbi rütubət gecə 70-75, gündüz 45-50 faiz olacaq.

Abşeron çimərliklərində mülayim cənub küləyi əsəcək. Dəniz suyunun temperaturu şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) 23-24, cənub çimərliklərində (Türkan, Hövsan, Sahil, Şıx) 24-25 dərəcə isti təşkil edəcək.

Azərbaycanın rayonlarında avqustun 15-də havanın əsasən yağmursuz keçəcəyi, lakin gecə və səhər bəzi şimal və şərq rayonlarında qısamüddətli yağış yağacağı gözlənilir. Şərq küləyi əsəcək. Havanın temperaturu gecə 19-24, gündüz 31-36, dağlarda gecə 11-16, gündüz 20-25 dərəcə isti təşkil edəcək.

Tibbi-meteoroloji proqnoza gəlincə, avqustun 15-16- da Abşeron yarımadasında meteoroloji amillərin zəif və mülayim tərəddüdü meteohəssas insanlar üçün əsasən əlverişli olsa da, cənub küləyinin üstünlüyü bəzi insanlarda narahatlıq hissi yarada bilər.   

Ölkə.Az

ŞƏRH YAZ
0

İcma: “Dağlıq Qarabağdakı “seçkilər” Ermənistanın və işğalçı rejimin şousudur”

İcma: “Dağlıq Qarabağdakı “seçkilər” Ermənistanın və işğalçı rejimin şousudur”
10:38
Bu gün
1254
Ölkə
A

Azərbaycan Respublikasının Dağlıq Qarabağ bölgəsinin azərbaycanlı icması ölkəmizin işğal olunmuş ərazilərində keçirilən qanunsuz “seçkilərlə” bağlı bəyanat yayıb.

"Ölkə.Az" xəbər verir ki, bəyanatda deyilir:

“Azərbaycan Respublikasının işğal edilmiş Dağlıq Qarabağ bölgəsində 2020-ci ilin 31 mart tarixində “prezident və parlament seçkiləri” adı altında növbəti “seçki şousu” təşkil edilib. Təcavüzkar Ermənistan və onun əlaltısı olan işğalçı rejimin bu addımı qanunsuzdur, heç bir hüquqi əsası yoxdur, demokratiya və seçki adına böyük bir ləkədir.

Dünyanın hazırda koronavirus (COVID-19) pandemiyası ilə üzləşdiyi vaxtda insanların həyatının təhlükə altında qalmasına baxmayaraq, Ermənistan və işğalçı rejim öz xislətinə sadiq qalaraq, hətta belə bir vəziyyətdə qanunsuz fəaliyyətini davam etdirir və “seçkilər” adlı şou keçirir.

Bu bir daha Ermənistan və qondarma qurumun söykəndiyi “dəyərlərin” və əsarətində saxladığı Azərbaycan Respublikasının Dağlıq Qarabağ bölgəsinin erməni icmasının üzvlərinə olan “münasibətinin” göstəricisidir, həmin insanların həyatı və taleyinin rejim üçün nə qədər önəmsiz olduğunu təsdiq edir.

Hesab edirik ki, Dağlıq Qarabağda yaşayan ermənilər onlara dəyər verməyən, pandemiya təhlükəsindən qorumaq əvəzinə onları saxta oyunların qurbanına çevirən Ermənistanın və işğalçı rejimin əlində alət olduqlarını nəhayət ki, anlayacaqlar.

İşğal olunmuş Dağlıq Qarabağda qanunsuz “seçki” keçirilməsi etnik təmizləməyə məruz qalmış və torpaqlarından qovulmuş azərbaycanlıların əsas insan hüquqlarının kobud şəkildə tapdalanmasıdır. Bildiririk ki, belə saxta “seçkilərlə” bağlı əvvəllər BMT, ATƏT, digər beynəlxalq təşkilatlar və beynəlxalq ictimaiyyət dəfələrlə bəyanatlar verərək, Azərbaycanın işğal olunmuş ərazilərində keçirilmiş qanunsuz “seçkiləri” pisləyib və ölkəmizin beynəlxalq səviyyədə tanınmış sərhədlərinin toxunulmazlığını bəyan ediblər.

Bu qanunsuz “seçkilər” danışıqlar prosesinə daha bir zərbədir və vəziyyətin gərginləşməsinə xidmət edir.

Əminik ki, Dağlıq Qarabağda yaşayan ermənilər Azərbaycan Respublikasının beynəlxalq səviyyədə tanınmış sərhədləri bərpa olunduqdan sonra geriyə dönəcək azərbaycanlılarla birlikdə ölkəmizin Konstitusiyası və digər qanunlarına uyğun olaraq, keçiriləcək qanuni seçkilərdə iştirak edəcəklər”.

ŞƏRH YAZ
0

ÜST-dən koronavirus vaksini ilə bağlı AÇIQLAMA

ÜST-dən koronavirus vaksini ilə bağlı AÇIQLAMA
10:34
Bu gün
1256
Ölkə
A
Hazırda dünyanın 200-ə yaxın ölkəsində 800 mindən çox insana yoluxan və 39 mindən çox insanın ölümünə səbəb olan koronavirus pandemiyası dünyada kifayət qədər təlaş yaradıb. Bəzi ölkələr bu infeksiyaya qarşı dərman vasitələrini tapdıqlarını iddia edirlər.

Lakin müxtəlif ölkələrin iddia etdiyi dərman vasitələrinin sınaqdan keçirmək lazımdır və bunlar üçün də vaxt tələb olunur.

"Ölkə.Az" xəbər verir ki, bunu ÜST-ün Azərbaycan üzrə təmsilçisi Hande Armancı REAL-a açıqlamasında bildirib.

Hande Armancının sözlərinə görə, virusa qarşı vaksinin tapılması təxminən 12-18 ay çəkə bilər və artıq bu istiqamətində qızğın işlər gedir. Lakin bu işlərə nə qədər çox ölkə cəlb olunarsa və ölkələrdən əldə olunan nəticələr nə qədər sürətli analiz olunarsa, vaksinin tapılması da bir o qədər tezləşə bilər.

Mütəxəssislərin bildirdiyinə görə, hazırda insanların bir-birindən 2 metr məsafədə gəzməsi və şəxsi gigiyena qaydalarına əməl etməsi virusun yayılmasının qarşısının alınması istiqamətində atılan ən önəmli addımlardan biridir.

Hande Armancı bildirdi ki, əgər yaxınlarınızdan birində bu infeksiyanın simptomları müşahidə olunursa, siz də mütləq qaydada özünü təcrid etməlisiniz və müvafiq qaydalara riayət etməlisiniz.

ŞƏRH YAZ
0
BAĞLA