Sabah külək əsəcək, yağış yağacaq

Sabah külək əsəcək, yağış yağacaq
13:16
13.02.2018
908
Ölkə
A
Azərbaycanda sabah müşahidə olunacaq hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, fevralın 14-də Bakıda və Abşeron yarımadasında arabir yağış yağacağı, gecə və səhər bəzi yerlərdə intensiv olacağı gözlənilir. Gecə və səhər arabir güclənən şimal küləyi əsəcək.

Havanın temperaturunun Bakıda və Abşeron yarımadasında gecə 2-4, gündüz 5-7 dərəcə isti olacağı gözlənilir.

Atmosfer təzyiqi 761 mm civə sütunundan 771 mm civə sütununa yüksələcək, nisbi rütubət 80-90 faiz təşkil edəcək.

Azərbaycanın rayonlarında fevralın 14-də bəzi yerlərdə arabir yağış, dağlıq və dağətəyi rayonlarda qar yağacağı, ayrı-ayrı yerlərdə intensiv olacağı, gündüz qərb rayonlarından başlayaraq yağıntıların tədricən kəsiləcəyi gözlənilir. Bəzi yerlərdə duman olacaq. Şərq küləyi əsəcək, ayrı-ayrı yerlərdə arabir güclənəcək.

Havanın temperaturunun gecə 1-4, gündüz 6-9 dərəcə isti, dağlarda gecə 3-8 dərəcə şaxta, gündüz 0-3 dərəcə isti olacağı gözlənilir.

Tibbi-meteoroloji proqnoza görə, fevralın 14-də Abşeron yarımadasında yağışlı və arabir güclənən küləkli hava şəraiti meteohəssas insanlar üçün əsasən əlverişsiz olsa da, fevralın 15-16-da meteoroloji amillərin normal sutkalıq gedişi müsbət amildir. 

ŞƏRH YAZ
0

“Anam ibadət edən, namaz qılan insandır” — İntim şəkilləri ilə şantaj olunan qadının etirafları

“Anam ibadət edən, namaz qılan insandır”
13:28
Bu gün
427
Ölkə
A
Bakıda tanış olduğu qadını sosial şəbəkələrdə şantaj edərək pul tələb etməkdə təqsirləndirilən Elvin İsmayılovun cinayət işi üzrə məhkəmə prosesi davam edib.

“Ölkə.Az”ın məlumatına görə, Bakı Ağır Cinayətlər Məhkəməsində hakim Samir Əliyevin sədrliyi ilə keçirilən prosesdə dövlət ittihamçısı çıxış edib.
Prokuror çıxışında E.İsmayılovun 7 il 6 ay müddətinə azadlıqdan məhrum edilməsini istəyib.

Zərərçəkmiş qadın çıxışında Elvin İsmayılovu bağışladığını deyib: “Anam səhər yanına çağırdı. Dedi ki, yuxuda Elvinin oğlunu görüb. Anam ibadət edən, namaz qılan insandır. Mən də bundan çox təsirləndim. Düzdür, bu günə qədər Elvinin məni şantaj etdiyini demişəm. Amma indi belə düşünmürəm, onu bağışlayıram. Övladlarına görə, Allah xətrinə bağışlayıram. Mən indiyə qədər çox adama kömək etmişəm. Çünki ailəmdən, atamdan belə görmüşəm. Atam 5 il öz hesabına adamları Həccə göndərib. Mən Elvinə də çox yaxşılıq etmişəm. Artıq bunlar geridə qaldı".
Məhkəmə sentyabrın 26-da davam edəcək.

Qeyd edək ki, , E.İsmayılov sosial şəbəkə vasitəsi ilə B.D(Ad soyad şərtidir) tanış olub. Qadın və kişi arasında münasibət yaranıb. Bundan sonra onlar bir-birlərinə intim şəkillərini göndəriblər.

Bir neçə aydan sonra E.İsmayılov qadını şantaj edərək, onu intim şəkillərini sosial şəbəkədə yayacağı, biabır edəcəyi ilə hədələyib.
E.İsmayılov bu şəkilləri yaymamaq üçün qadından 10 min manat pul tələb edib. Daha sonra qadın hüquq-mühafizə orqanlarına müraciət edib. Hüquq-mühafizə orqanlarının keçirdiyi əməliyyat zamanı E.İsmayılov həbs edilib.

E. İsmayılova Cinayət Məcəlləsinin 182-ci (hədə-qorxu ilə pul tələb etmə) maddəsi ilə ittiham verilib.

ŞƏRH YAZ
0

Əbülfəs Qarayev fəxri ad almış mədəniyyət xadimlərinə orden və medalları təqdim etdi

Əbülfəs Qarayev fəxri ad almış mədəniyyət xadimlərinə orden və medalları təqdim etdi
13:15
Bu gün
441
Ölkə
A
Azərbaycan mədəniyyətinin inkişafındakı xidmətlərinə görə Prezident İlham Əliyevin müvafiq sərəncamı ilə təltif olunmuş incəsənət xadimlərinin mükafatlandırılması mərasimi keçirilib.

"Ölkə.Az"ın məlumatına görə, Muzey Mərkəzində baş tutan tədbirdə çıxış edən mədəniyyət naziri Əbülfəs Qarayev bildirib ki, dövlət tərəfindən yaradıcı insanlara hər zaman diqqət və qayğı göstərilir.

Nazir vurğulayıb ki, cəmiyyət də onları qorunmalıdır:

 "Prezidet İlham Əliyev tərəfindən hər il yaradıcı insanlara, incəsənət xadimlərinə illik təqüdlər verilir. Azərbaycan mədəniyyəti indiyə qədər dünyada bu qədər tanınmamışdı.Keçirilən tədbirlər Azərbaycan mədəniyyətinin incilərini tanıtmağa kömək edir. Bu sıradan tədbirlər davam etməkdədir. Əldə olunan nailiyyətlər bilavasitə Birinci vitse-prezident xanım Mehriban Əliyevanın adı ilə bağlıdır. Azərbaycan mədəniyyəti çətinliklərlə üzləşsə də UNESCO-nun siyasına daxil oda bilib. Yeni nəsil gəlir, yeni adlar meydana çıxır, mədəniyyətin yeni biznes forması yaranır. Bu proses dayanmadan davam edir".

Mərasimdə həmçinin Mədəniyyət Nazirliyinin döş nişanları ilə təltif edilən şəxslərə mükafatları təqdim olunub. 

Qeyd edək ki, fəxri adlar Azərbaycan Xalq Cümhuriyyətinin 100 illiyi münasibətilə verilib.

ŞƏRH YAZ
0
BAĞLA