Sabah metronun bu stansiyası bağlanacaq
“Bakı Metropoliteni”nin “Xətai” stansiyası fevralın 26-da günün birinci yarısında işləməyəcək
"Ölkə.Az"ın xəbərinə görə, bu barədə “Bakı Metropoliteni” Qapalı Səhmdar Cəmiyyətinin mətbuat xidmətinin rəhbəri Nəsimi Paşayev bildirib.
Onun sözlərinə görə, sabah metronun “Xətai” stansiyası saat 12:00-a qədər bağlı olacaq.
N.Paşayev bildirib ki, saat 12:00-dan etibarən “Xətai” stansiyasına giriş açıq olsa da, “Cəfər Cabbarlı” stansiyasından bu istiqamətə gediş olmayacaq. Saat 15:00-dan sonra hər iki stansiya normal qrafik üzrə işləyəcək.
Ölkə.Az
