"Sabah saat 12-də Ermənistanda inqilab olacaq" — Nikol Paşinyan

22:58
19.05.2019
2826
Dünya
A
Ermənistanın baş naziri Nikol Paşinyan ölkədə inqilabın ikinci və əsas mərhələsinin anonsunu verib.

"Ölkə.Az" bildirir ki, u barədə o öz Facebook səhifəsində yazıb:

“Sabah saat 12:00-da mən Ermənistanda inqilabın ikinci mərhələsini elan edəcəm. Ümumxalq dəstəyini səbirsizliklə gözləyirəm”.

Daha öncə Paşinyan həmvətənlərini ölkədəki bütün məhkəmələri blok etməyə çağırmışdı. Bu bəyanat sabiq prezident Robert Koçaryanın azadlığa buraxılmasından dərhal sonra səsləndirilmişdi.

Koçaryanın azadlığa buraxılmasını qondarma Dağlıq Qarabağ Respublikasının sabiq və hazırki rəhbərləri Bako Saakyan və Arkadi Qukasyan dəstəkləmişdi. 

Qeyd edək ki, Koçaryan  2018-ci il iyulun 27-dən həbsdə idi.

Ölkə.Az

ŞƏRH YAZ
0

Rusiyada avtomobil teatra gedən məktəbliləri əzdi — 1 ölü, 12 yaralı - VİDEO

Rusiyada avtomobil teatra gedən məktəbliləri əzdi
07:50
Bu gün
257
Dünya
A
Rusiyanın Nijni Novqorod şəhərində zəncirvari qəza baş verib.

"Ölkə.Az" qafqazinfo-ya istinadən xəbər verir ki, xarici markalı avtomobilin sürücüsü idarəetməni itirərək qarşı zolağa çıxıb və daha iki maşınla toqquşub.

Nəticədə avtomobillərdən biri piyada yoluna aşıb. 10-u uşaq olmaqla 12 nəfər yaralanıb, uşaqlara rəhbərlik edən müəllim dünyasını dəyişib. Yaralılar xəstəxanaya yerləşdirilib. Qeyd edək ki, yaralılar yaxınlıqdakı Gənc Tamaşaçılar Teatrına gedən 9-cu sinif şagirdləri olub.   

Səkidə uşaqları əzən avtomobilin sürücüsünün kimliyi də məlum olub. Bu, 2014-cü ildə vəzifəsindən kənarlaşdırılan polis işçisi, general-mayor Aleksandr Pilqanovdur.  

Faktla bağlı cinayət işi açılıb. 

ŞƏRH YAZ
0

ABŞ-da meşə yanğınlarına görə 13,5 milyardlıq təzminat

ABŞ-da meşə yanğınlarına görə 13,5 milyardlıq təzminat
07:00
Bu gün
288
Dünya
A
ABŞ-ın Kaliforniya ştatında fəaliyyət göstərən “Pasifik Qaz və Elektrik” şirkəti dəhşətli meşə yanğınlarında zərərçəkən ailələrə 13.5 milyard dollar təzminat ödəyəcək.

"Ölkə.Az" axar.az-a istinadən xəbər verir ki, bu barədə şirkətin idarə heyətinin sədri Bill Conson məlumat yayıb.

O, şirkətin 2017 və 2018-ci illərdə meşə yanğınlarındakı mənfi rolu nəzərə alınaraq belə addım atmaq qərarına gəldiklərini söyləyib.

Qeyd edək ki, aparılan istintaq nəticəsində Kaliforniya tarixinin ən dəhşətli meşə yanğınına şirkətin elektrik ötürücü xətlərinin səbəb olduğu üzə çıxmışdı. 2018-ci ildə baş verən yanğında 86 nəfər həlak olmuşdu.

Ölkə.Az

ŞƏRH YAZ
0
BAĞLA