KORONAVİRUSA YOLUXANLARIN SAYI - CANLI STATİSTİKA

Sabaha gözlənilən hava şəraiti açıqlandı

Sabaha gözlənilən hava şəraiti açıqlandı
14:51
26.03.2020
989
Ölkə
A
Martın 27-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Səhər bəzi yerlərdə duman olacaq.

"Ölkə.Az" Milli Hidrometeorologiya Departamentinə istinadən xəbər verir ki, şimal-şərq küləyi gündüz cənub-şərq küləyi ilə əvəz olunacaq.

Havanın temperaturu gecə 6-8° isti, gündüz 12-16° isti, Bakıda gecə 6-8° isti, gündüz 13-15° isti olacaq.

Atmosfer təzyiqi normadan yüksək 770 mm civə sütunundan 767 mm civə sütununa enəcək. Nisbi rütubət gecə 75-85 %, gündüz 55-65 % olacaq.

Azərbaycanın rayonlarında havanın əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şərq küləyi əsəcək. Havanın temperaturu gecə 3-8° isti, gündüz 16-21° isti, dağlarda gecə 0-5° isti, gündüz 8-13° isti olacaq.

Ölkə.Az

ŞƏRH YAZ
0

“Astara Çay” Koronavirusla Mübarizə Fonduna ianə etdi

“Astara Çay” Koronavirusla Mübarizə Fonduna ianə etdi
23:32
Bu gün
420
Ölkə
A
“Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” dövlət başçısı İlham Əliyevin 19 mart 2020-ci il tarixli fərmanı ilə yaradılmış Koronavirusla Mübarizəyə Dəstək Fonduna “Astara Çay” MMC tərəfindən könüllü ianə edilib.

"Ölkə.Az" bildirir ki, bu barədə “Astara Çay” MMC-dən məlumat verilib. 

Məlumata görə, şirkət, öz növbəsində, Koronavirusla Mübarizəyə Dəstək Fonduna (KMDF) 100 min manat məbləğində maliyyə vəsaiti köçürüb. 

“Astara Çay” MMC kollektivi koronavirus pandemiyasının vətəndaşlarımıza və iqtisadiyyatımıza təsirinin qarşısını almaq üçün dövlətimiz tərəfindən həyata keçirilən tədbirlərə dəstək göstərmək məramı ilə xalqımızla həmrəyliyini bəyan edir. 

ŞƏRH YAZ
0

Bakıda bərbərxana və gözəllik salonları işləməyəcək — RƏSMİ

Bakıda bərbərxana və gözəllik salonları işləməyəcək
23:11
Bu gün
827
Ölkə
A
Sosial şəbəkələrdə bərbərxanaların və gözəllik salonlarının fəaliyyətini davam etdirməsi ilə bağlı müzakirələr gedir. Məsələ barədə Bakı Şəhər Baş Polis İdarəsi ilə əlaqə saxladıq.

"Ölkə.Az" bildirir ki, İdarənin Mətbuat Xidmətinin rəisi, polis mayoru Elşad Hacıyev oxu.az-a açıqlamasında bildirib ki, 29 mart, saat 00:00-dan etibarən Azərbaycan ərazisində xüsusi karantin rejimi gücləndirilib:

“Xüsusi karantin rejimi dövründə bütün ictimai-iaşə obyektlərində - kafe, restoran, çay evlərində müştərilərə yerində xidmət dayandırılıb. Bu obyektlərdən məhsulların evə çatdırılma xidmətinə isə məhdudiyyətsiz icazə verilib.

Supermarketlər, ərzaq mağazaları və apteklər isə fəaliyyətini davam etdirir.

“Bərbərxana, gözəllik salonları, avtomobil təmiri sexləri, oyun salonları və digər buna bərabər əhaliyə yerində xidmət göstərən obyektlərin fəaliyyəti də dayandırılıb.

Fiziki və hüquqi şəxslərdən xahiş edirik ki, Nazirlər Kabineti yanında operativ qərargahın qərarlarına əməl etsinlər. Əks təqdirdə, qanunvericiliyə uyğun olaraq cəzalandırılacaqlar”, - deyə E.Hacıyev qeyd edib.

Qeyd edək ki, Nazirlər Kabineti yanında operativ qərargah koronavirusla bağlı əlavə tədbirlər haqqında məlumat yayıb.

Məlumata əsasən, 29 mart, saat 00:00-dan etibarən xüsusi karantin rejimi gücləndirilib.

Xüsusi karantin rejimi dövründə xüsusi təyinatlı, o cümlədən, təcili tibbi yardım, qəza-bərpa, xilasedici, kənd təsərrüfatı, sosial xidmət məqsədli, habelə yük daşıyan avtomobillərin hərəkəti istisna olmaqla, rayonlararası və şəhərlərarası nəqliyyat hərəkəti tam dayandırılıb.

Bakı, Sumqayıt şəhərləri və Abşeron rayonunun hüdudları daxilində hərəkət sərbəstdir.

Bakı metrosunun iş vaxtı səhər 07:00-09:00 və axşam 17:00-20:00 saatlarına müəyyən edilib.

ŞƏRH YAZ
0
BAĞLA