Sabaha olan hava proqnozu

Sabaha olan hava proqnozu
14:38
22.03.2018
1903
Ölkə
A
Azərbaycanda sabaha olan hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a daxil olan məlumata görə, martın 23-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Bəzi yerlərdə zəif duman olacaq. Arabir güclənən şimal-qərb küləyi axşam mülayimləşəcək.

Havanın temperaturunun gecə 6-8° isti, gündüz 10-14° isti olacağı gözlənilir.

Martın 23-25-də Bakıda və Abşeron yarımadasında şimal-qərb küləyinin arabir güclənəcəyi ehtimal edilir.

Həmin günlərdə Abşeron yarımadasında güclü xəzri küləyinin giləvar küləyi ilə bir-birini əvəz etməsi meteohəssas insanlar üçün əlverişsizdir.

Naxçıvan Muxtar Respublikasında hava əsasən yağmursuz keçəcək, lakin səhər bəzi yerlərdə qısamüddətli az yağış yağacağı gözlənilir. Qərb küləyi ayrı-ayrı yerlərdə arabir güclənəcək.

Havanın temperaturunun gecə 4-9° isti, gündüz 20-25° isti olacağı gözlənilir.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında hava əsasən yağmursuz keçəcək. Gecə və səhər duman, çiskin olacaq. Qərb küləyi ayrı-ayrı yerlərdə arabir güclənəcək.

Havanın temperaturunun gecə 1-6° isti, gündüz 10-15° isti olacağı gözlənilir.

Qazax, Gəncə, Goranboy, Tərtər, Ağdam, Füzuli, Cəbrayıl rayonlarında hava əsasən yağmursuz keçəcək. Səhər bəzi yerlərdə duman olacaq. Qərb küləyi ayrı-ayrı yerlərdə arabir güclənəcək.

Havanın temperaturunun gecə 6-10° isti, gündüz 18-23° isti olacağı gözlənilir.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında hava əsasən yağmursuz keçəcək, lakin bəzi şərq rayonlarında arabir yağış yağaçağı və şimşək çaxacağı gözlənilir. Ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.

Havanın temperaturunun gecə 4-9° isti, gündüz 15-20° isti, dağlarda gecə 2° şaxtadan 3°-dək isti, gündüz 10-15° isti olacağı gözlənilir.

Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava əsasən yağmursuz keçəcək. Gecə bəzi yerlərdə duman olacaq. Qərb küləyi ayrı-ayrı yerlərdə arabir güclənəcək.

Havanın temperaturunun gecə 6-10° isti, gündüz 17-22° isti olacağı gözlənilir.

Masallı, Yardımlı, Lerik, Lənkəran, Astara rayonlarında hava əsasən yağmursuz keçəcək. Gecə və səhər bəzi yerlərdə duman və çiskin olacaq. Şimal-şərq küləyi gündüz arabir güclənəcək.

Havanın temperaturunun gecə 7-10° isti, gündüz 17-22° isti, dağlarda gecə 1-6° isti, gündüz 14-19° isti olacağı gözlənilir.

ŞƏRH YAZ
0

Ötən il Yevlaxda 13 cinayətkar qrup ifşa edilib

Ötən il Yevlaxda 13 cinayətkar qrup ifşa edilib
19:02
Bu gün
1093
Ölkə
A
Yevlax Rayon Polis Şöbəsinin şəxsi heyəti tərəfindən rayon ərazisində cinayətkarlığa qarşı mübarizə və ictimai təhlükəsizliyin təmin edilməsi sahəsində mühüm işlər görülüb, qanunçuluğa, nizam-intizama ciddi riayət edilib, əməliyyat şəraiti və kriminogen durum tam nəzarətdə saxlanılıb.

DİN Mətbuat Xidmətindən "Ölkə.Az"a verilən xəbərə görə, ötən il rayon ərazisində 239 cinayət hadisəsi qeydə alınıb. Həyata keçirilmiş uğurlu əməliyyat-axtarış və istintaq tədbirləri nəticəsində 225 cinayət hadisəsinin açılması təmin olunub. Baş vermiş cinayətlərin 25-i ağır və ya xüsusilə ağır cinayətlər olub, onların da açılması 88 faiz təşkil edib. 

Yevlax RPŞ-nin əməkdaşları tərəfindən narkotik vasitələrin qanunsuz dövriyyəsi ilə məşğul olan şəxslərin müəyyən edilməsi istiqamətində qətiyyətli tədbirlər həyata keçirilib. 2018-il ərzində 83 fakt aşkar edilmiş, onlardan 16-sı satış, 63-ü saxlama, 4-ü əkin olub. Həmçinin “Xaş-Xaş-2018” şərti adlı tədbirlər planının icrası ilə əlaqədar rayon ərazisində ümumilikdə 2 ton 237 kilorqam olmaqla 4288 ədəd yabanı halda bitmiş çətənə kolları aşkar olunaraq yandırılmışdır. 

Keçirilmiş əməliyyat-axtarış ətdbirləri nəticəsində 31 nəfərdən ibarət 13 cinayətkar qrup ifşa edilib, keçmiş illərdən bağlı 10 cinayət hadisəsi açılıb. Aparılan əməliyyat-istintaq tədbirləri nəticəsində mənzillərdən silsilə oğurluq edərək vətəndaşlara külli miqdarda ziyan vurmuş “Cəfəri” dini təriqətinə mənsub 3 nəfərlik qrup üzvləri saxlanılaraq cinayət məsuliyyətinə cəlb olunub. Həmçinin Cinayət Axtarış Bölməsinin əməkdaşları tərəfindən əhalidə qanunsuz saxlanılan döyüş sursatlarının yığılması istiqamətində keçirilmiş tədbirlər zamanı 1 ədəd 5.45 kalibrli “AKS-74 U” markalı avtomat silah, 1 ədəd sandıq və 16 ədəd 7.62 kalibrli avtomat patronları da aşkar edilərək götürülüb. 

Ölkə.Az

ŞƏRH YAZ
0

Zakir Həsənov yeni istifadəyə verilən obyektlərlə tanış oldu

Zakir Həsənov yeni istifadəyə verilən obyektlərlə tanış oldu
18:39
Bu gün
1632
Ölkə
A
Azərbaycanın müdafiə naziri, general-polkovnik Zakir Həsənov yeni istifadəyə verilən hərbi təyinatlı obyektlərin açılışında iştirak edib.

Müdafiə Nazirliyindən "Ölkə.Az"a verilən məlumata görə, Ali Baş Komandan İlham Əliyevin göstərişinə əsasən mühəndis-istehkam hərbi hissələrinin yerinə yetirdiyi vəzifələr, bu bölmələrin texniki baxımdan təkmilləşdirilməsi və döyüş potensialının artırılması üçün müasir texnikalar alınaraq qoşunların təminatına verilib. Hərbi əməliyyatların mühəndis təminatının yerinə yetirilməsi zamanı tətbiq olunan müxtəlif növ texnikanın saxlandığı park, şəxsi heyətin hazırlığı üçün nəzərdə tutulan taktiki sinif otaqları və digər inzibati tikililər müvafiq avadanlıqlar və əyani təbliğat vasitələri ilə tam təchiz edilib.

Sonra Müdafiə Nazirliyinin rəhbərliyi Kimya Qoşunlarının üzərinə düşən tapşırıqların xüsusiyyətləri nəzərə alınmaqla yeni istifadəyə verilən qərargah, əsgər yataqxanası, yeməkxana və xüsusi texnikanın saxlandığı parkla tanış olub. Qeyd olunub ki, yaradılan şərait şəxsi heyətin kimya təminatı tapşırıqlarını daha keyfiyyətlə yerinə yetirməsinə müsbət təsir göstərəcək.

General-polkovnik Z.Həsənov hər iki qoşunların komandanlığı qarşısında döyüşə hazırlıq səviyyəsinin artırılması və döyüş vasitələrinin effektiv istifadəsi ilə bağlı müvafiq tapşırıqlar qoyub. 

Ölkə.Az

ŞƏRH YAZ
0
BAĞLA