KORONAVİRUSA YOLUXANLARIN SAYI - CANLI STATİSTİKA

Sabaha olan hava proqnozu açıqlandı

Sabaha olan hava proqnozu açıqlandı
14:57
22.09.2019
5596
Ölkə
A
Azərbaycanda sentyabrın 23-nə gözlənilən hava şəraiti açıqlanıb.

“Ölkə.Az” Ekologiya və Təbii Sərvətlər Nazirliyinin Milli Hidrometeorologiya Departamentinə istinadən xəbər verir ki, Bakıda və Abşeron yarımadasında havanın dəyişkən buludlu, arabir tutulacağı gözlənilir.

Günün birinci yarısında bəzi yerlərdə qısamüddətli yağış yağacağı ehtimalı var. Mülayim cənub küləyi əsəcək. Havanın temperaturu gecə 13-15° isti, gündüz 20-24° isti, Bakıda gecə 13-15° isti, gündüz 21-23° isti təşkil edəcək. Atmosfer təzyiqi normadan yüksək 765 mm civə sütunu təşkil edəcək. Nisbi rütubət gecə 60-70 %, gündüz 45-50 % olacaq.

Azərbaycanın rayonlarında sentyabrın 23-nə hava əsasən yağmursuz keçəcək. Lakin axşam bəzi şimal və şərq rayonlarında qısamüddətli yağış yağacağı ehtimalı var. Gecə və səhər ayrı-ayrı yerlərdə duman. Mülayim şərq küləyi əsəcək. Havanın temperaturu gecə 14-18° isti, gündüz 22-27° isti, dağlarda gecə 3-7° isti, gündüz 10-15° isti təşkil edəcək.

Ölkə.Az

ŞƏRH YAZ
0

Bakıda koronavirusdan da dəhşətli virus ocağı — Sakinlər ölkə rəhbərliyinə MÜRACİƏT ETDİLƏR (VİDEO — FOTOLAR)

Bakıda koronavirusdan da dəhşətli virus ocağı
14:13
Bu gün
1202
Ölkə
A
Binəqədi rayonu, Biləcəri qəsəbəsi, Məmməd Səid Ordubadi küçəsinin sakinləri qəsəbədə yaranmış dərin gigiyenik problemlərlə üz-üzədir.

 "Ölkə.Az" demokrat.az-a istinadən xəbər verir ki, hazırda həmin ərazidə "Məmmədoğulları" ASC-nin servis yerlərindən axıdılan kanalizasiya və çirkab suları yaşayış zonasının yaxınlığından keçir. 

Bununla bağlı bir neçə dəfə müvafiq qurumlara, o cümlədən Binəqədi rayon İcra Hakimiyyətinə müraciət edilsə də, təəssüflər olsun ki, indiyədək heç bir tədbir görülməyib. 

Ərazidə çəkiliş apardığımız zaman sakinlərlə söhbət etdik. Sakinlər deyir ki, yaşayış zonasında xeyli sayda azyaşlı uşaqlar gəzir, kanalın yaratdığı üfunət və antisanitariya vəziyyəti onların başqa yerdə oynamasına alternativ tanımayır. 

Sakinlər isti yay günlərində ərazidə xeyli sayda zəhərli ilanların hərəkət etdiyinə şahid olduqlarını deyirlər. 

Biləcəriyə gedən əsas yolun kənarından sakinlərin yaşadığı əraziyə daxil olarkən ətrafda mal-qara saxlayanların nəcis tullantılarının yolun düz kənarında toplanması ətrafda dəhşətli dərəcədə üfunət qoxusunun yayılmasına səbəb olur. 

İsti vaxtlarda isə bu qoxu Bakı şəhərində daha kəskin şəkildə ətraf ərazilərə yayılır. 

Belə bir acınacaqlı vəziyyət sakinlərin sağlamlığı üçün gələcəkdə daha ciddi fəsadlara yol aça bilər ki, bu da müxtəlif infeksion xəstəliklərin yayılmasına səbəb olar. Ona görə də kanalın birdəfəlik ləğv olunması sakinlərin əsas tələblərindən biridir. 

Hazırda ərazidə kanalizasiya və çirkab sularının axıdıldığı bu kanal insan sağlamlığına ciddi təhlükələr və yaşayış baxımından olduqca ekoloji fəlakət yaradır. 

Sakinlər yaranmış acınacaqlı vəziyyətin tezliklə aradan qaldırılması üçün Prezident İlham Əliyevə və Birinci vitse-prezident Mehriban Əliyevaya müraciət ediblər:

"Çox hörmətli cənab Prezident və Mehriban xanım Əliyeva,

Biz sakinlər hər zaman sizi dəstəkləmişik və bu dəyişilməz olaraq qalacaq. Binəqədi sakinləri olaraq sizin rəhbərliyiniz altında ölkəmizdə görülən abadlıq və quruculuq işlərindən razıyıq, daim sizi dəstəkləyəcəyik. Sizə müraciət edərək bildiririk ki, koronavirusla əlaqədar ölkəmizdə görülən karantin tədbirləri dövründə bir sıra məmurlar və şəxslər sizin yürütdüyünüz siyasətə xələl gətirməyə çalışırlar. Bu gün yüzlərlə sakinin yaşadığı bu əraziyə "Məmmədoğulları" ASC-nin servis yerlərindən kəskin üfunət qoxuyan kanalizasiya və çirkab suları axıdılır. Nəticədə biz və azyaşlı uşaqlarımızın sağlamlığına yeni təhlükə mənbəyi yaradır. Özü də bu təhlükə Bakının mərkəzinə yaxın ərazisində yaranıb. 

Cənab Prezident İlham Əliyev və Mehriban xanım Əliyeva, 

Sizdən yeganə xahişimiz odur ki, üzləşdiyimiz bu acınacaqlı vəziyyətdən tezliklə xilas olmağımız üçün öz köməkliyinizi göstərəsiniz. Ümidimiz ancaq Sizlərədir!".

Ərazidən çəkdiyimiz görüntüləri təqdim edirik:

 

ŞƏRH YAZ
0

Qəbələyə istirahətə gedən Bakı sakinləri cərimələndi — VİDEO+FOTOLAR

Qəbələyə istirahətə gedən Bakı sakinləri cərimələndi
13:46
Bu gün
2062
Ölkə
A
Qəbələ Rayon Polis Şöbəsinin əməkdaşları tərəfindən rayon ərazisində keçirilən reyd zamanı Bakı şəhərindən, eləcə də sərtləşdirilmiş karantin rejimi elan olunan digər rayonlardan qaydaları pozaraq qeyri-qanuni yollarla istirahətə gələn şəxslər barəsində tədbirlər görülüb.

DİN-in Mətbuat Xidmətinin Şəki regional qrupundan "Ölkə.Az"a verilən məlumata görə, polis əməkdaşları tərəfindən keçirilən tədbirlərlə karantin rejimi dövründə heç bir icazələri olmadan Qəbələdə yerləşən otellərdə, istirahət mərkəzlərində və gündəlik kirayə evlərdə qalan Bakı şəhər sakinləri müəyyən edilib.

Həmin şəxslər məsuliyyətdən yaxa qurtarmaq üçün uzun müddət burada yaşadıqlarını bildirsələr də, Təhlükəsiz Şəhər Xidməti və digər texniki vasitələrin köməkliyi ilə onlara məxsus avtomobillərin rayon ərazisinə giriş-çıxış vaxtı müəyyən edilib və onların sərtləşdirilmiş karantin günlərində Bakı şəhərindən Qəbələyə gəldikləri məlum olub.

Bəzilərinin isə çalışdıqları dövlət idarələri və müəssisələri tərəfindən verilmiş xüsusi icazələrdən sui-istifadə edərək ailəsi ilə birlikdə istirahət məqsədilə rayona gəldiyi aşkarlanıb. Həmin şəxslər barəsində İnzibati Xətalar Məcəlləsinin müvafiq maddəsi ilə protokol tərtib olunub və cərimələniblər.

İrəlidə bu cür qayda pzountularının olacağı təqdirdə daha ciddi tədbirlərin görüləcəyi onların diqqətinə çatdırılıb. İcazələri olub ancaq iş məqsədilə rayona ezam olunan vətəndaşlara da rast gəlinib . Polis əməkdaşları tərəfindən onlar planşetlə yoxlanılıb və həqiqətən də müəyyən olunmuş müddət ərzində iş məqsədilə Qəbələyə gəldikləri aydınlaşıb. Onların isə hərəkətində hər hansısa məhdudiyyət tətbiq edilməyib.

Ölkə.Az

 

ŞƏRH YAZ
0
BAĞLA