Sabahdan "Formula 1"-lə bağlı əcnəbilərə hava limanlarında viza veriləcək

Sabahdan
11:15
14.03.2018
749
İdman
A
Martın 15-dən əcnəbilər və vətəndaşlığı olmayan şəxslər 2018 "Formula 1" Azərbaycan Qran Pri yarışının təşkili və keçirilməsi ilə bağlı Xarici İşlər Nazirliyinin Konsulluq İdarəsinin Azərbaycanın beynəlxalq hava limanlarında yerləşən struktur bölmələrində viza ala bilərlər

"Ölkə.Az"ın məlumatına görə, bu, Azərbaycan prezidenti İlham Əliyevin “2018 Formula 1 Azərbaycan Qran Pri yarışının təşkili və keçirilməsi ilə bağlı Azərbaycan Respublikasına gələcək əcnəbilər və vətəndaşlığı olmayan şəxslər üçün viza prosedurlarının sadələşdirilməsi haqqında” 19 yanvar 2018-ci il tarixli sərəncamında əksini tapıb.

Sərəncama əsasən əcnəbilər və vətəndaşlığı olmayan şəxslər "2018 Formula 1" Azərbaycan Qran Pri yarışının təşkili və keçirilməsi ilə bağlı martın 15-dən mayın 15-dək Xarici İşlər Nazirliyinin Konsulluq İdarəsinin Azərbaycanın beynəlxalq hava limanlarında yerləşən struktur bölmələrində viza ala bilərlər. Əcnəbilər və vətəndaşlığı olmayan şəxslərin Xarici İşlər Nazirliyinin Konsulluq İdarəsinin Azərbaycanın beynəlxalq hava limanlarında yerləşən struktur bölmələrində viza alması üçün aşağıdakı sənədlərdən hər hansı biri viza verilməsi üçün əsas hesab ediləcək:

- "Formula 1" yarışlarının beynəlxalq təşkilatçıları olan “Formula One Management Limited” şirkətinin və Beynəlxalq Avtomobil Federasiyasının müvafiq qaydalarına uyğun olaraq akkreditasiyadan keçməni təsdiq edən kart və ya digər sənəd;

- Bakı Şəhər Halqası Əməliyyat Şirkətində akkreditasiyadan keçməni təsdiq edən kart;

- "Formula 1" Azərbaycan Qran Pri yarışına bilet və ya biletin əldə olunmasını təsdiq edən sənəd.

ŞƏRH YAZ
0

Nikola Yurçeviç jurnalistlərdən yığmaya oyunçu təklif etmələrini istəyib — FOTO

Nikola Yurçeviç jurnalistlərdən yığmaya oyunçu təklif etmələrini istəyib
18:32
Bu gün
66
İdman
A
Bu gün "Bakcell Arena" futbol üzrə Azərbaycan milli komandasının açıq məşqi olub.

"Ölkə.Az" report-a istinadən məlumat verir ki, Litva yığması ilə yoldaşlıq matçı üçün hazırlıq prosesinə düşərgədə yer alan 22 futbolçunun hamısı qatılıb.

Məşq zamanı baş məşqçi Nikola Yurçeviç jurnalistlərə yaxınlaşaraq söhbətləşib. O, Azərbaycan millisinin AVRO-2020-nin seçmə mərhələsinin ilk turunda Xorvatiyaya səfərdə 1:2 hesabı ilə uduzduğu matçda hansı futbolçunun ən yaxşı, hansının isə ən zəif təsir bağışladığını soruşub. Ümumi fikir ən yaxşının Eddi İsrafilov və Ramil Şeydayev, ən zəifin isə Dimitri Nazarov olması əsasında formalaşıb.

Xorvatiyalı mütəxəssis media nümayəndələrindən ona hazırda heyətdə yer almayan futbolçuları təklif etməyi rica edib. Bu zaman "Qəbələ"nin hücumçusu Rauf Əliyev, Türkiyə "Boluspor"undan Ufuk Budak kimi oyunçuların adları çəkilib.

Qeyd edək ki, martın 25-də "Bakcell Arena"da keçiriləcək Azərbaycan - Litva oyunu saat 18:00-da başlayacaq.

Ölkə.Az

ŞƏRH YAZ
0

“Xorvatiyanın Azərbaycanı udması heç nəyi dəyişmir” — Qaret Beyl

“Xorvatiyanın Azərbaycanı udması heç nəyi dəyişmir”
14:44
Bu gün
341
İdman
A
“Seçmə mərhələni lider kimi başa vurmaq istəyirik. Bizə problem yaradacaq səbəb görmürəm”.

“Ölkə.Az”ın Qol.az-a istinadən məlumatına görə, bu sözləri Uels millisinin futbolçusu Qaret Beyl deyib.

AÇ-2020-nin seçmə mərhələsində millimizin də yer aldığı E qrupundakı mübarizələrini dəyərləndirən “Real”ın hücumçusu ölkəsinin mətbuatına açıqlamasında iddialı danışıb:

“Adətən bizi uğursuz adlandırırlar. Amma bukmekerlər heç də həmişə düzgün olmur. Hədəfimiz seçmə mərhələni qrup lideri kimi başa vurmaqdır. Bəli, Slovakiya və Xorvatiya artıq ilk qələbələrini qazanıblar. Amma bu, heç nəyi dəyişmir. Asan qrupda deyilik, böyük turnirlərə çıxmaq çətindir. Lakin biz buna hazırıq”.

Qeyd edək ki, Uels bu gün seçmə mərhələdə ilk oyununa çıxacaq. Rayan Giqqzin komandası evdə Slovakiya ilə qarşılaşacaq.

Ölkə.Az

ŞƏRH YAZ
0
BAĞLA