“Sabah”dan yeni transfer
Bakının “Sabah” klubu heyətini yeni futbolçu ilə gücləndirib.
“Ölkə.Az” xəbər verir ki, paytaxt təmsilçisi Azərbaycan yığmasının milliləşən legioneri Ozan Can Kökçünün transferini rəsmiləşdirib.
21 yaşlı yarımmüdafiəçi Ozan Can Kökçü ilə 2 illik müqavilə imzalanıb. O, 2021-ci ilədək bakılıların formasını geyinəcək.
Qeyd edək ki, gənc futbolçu peşəkar karyerası ərzində Hollandiyanın “Valveyk”, Türkiyənin “Bursaspor” və “Girəsunspor” klublarında oynayıb, Azərbaycanın U-21 millisində də çıxış edib.
Ölkə.Az
