Sabahın hava proqnozu

Sabahın hava proqnozu
13:10
16.12.2017
916
Ölkə
A
Dekabrın 17-də Bakıda və Abşeron yarımadasında hava şəraitinin buludlu, gün ərzində arabir çiskinli olacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentinin "Ölkə.Az"- a verilən məlumatına görə, cənub-şərq küləyi əsəcək.

Havanın temperaturunun Abşeron yarımadasında gecə 6-8, gündüz 9-12, Bakıda gecə 6-8, gündüz 10-12 dərəcə isti olacağı gözlənilir.

Atmosfer təzyiqi normadan yüksək 769 mm civə sütunu, nisbi rütubət 70-80 faiz təşkil edəcək.

Azərbaycanın rayonlarına gəlincə, dekabrın 17-də  hava şəraitinin əsasən yağmursuz keçəcəyi, gecə və səhər bəzi yerlərdə duman, şərq rayonlarında isə çiskinli olacağı gözlənilir. Şərq küləyi  əsəcək.

Havanın temperaturunun gecə 0-5, gündüz 9-13 dərəcə isti, dağlarda gecə 3 dərəcə şaxtadan 2 dərəcəyədək isti, gündüz 5-10 dərəcə isti olacağı gözlənilir. 

ŞƏRH YAZ
0

Azərbaycanda 2 vəkil cəzalandırıldı — Cahangir Hacıyevə görə

Azərbaycanda 2 vəkil cəzalandırıldı
21:55
22.01.2018
8374
Ölkə
A
Fəxrəddin Mehdiyevin vəkillik fəaliyyətinin dayandırılmasının səbəbi məlum olub.

"Ölkə.Az" xəbər verir ki, o, APA-ya açıqlamasında bunun "Azərbaycan Beynəlxalq Bankı" ASC-nin idarə heyətinin həbsdə olan sədri Cahangir Hacıyevin işi ilə bağlı olduğunu deyib. F. Mehdiyev bildirib ki, həmkarı Aqil Layıca da töhmət verilib. Onlar C. Hacıyevlə bağlı mətbuatda bir sıra məlumatlar yayıblar, müsahibələr veriblər. Bundan sonra baş prokurorun müavini Rüstəm Usubov kollegiyaya şikayət məktubu göndərib. F. Mehdiyev bildirib ki, kollegiya onların intizam xətasına yol vermələri qənaətinə gəlib:"Lakin mən hesab edirəm ki, qərar əsassızdır. Biz müvəkkilimizə hüquqi yardım göstərmişik" .

***

Fəxrəddin Mehdiyevin vəkillik fəaliyyəti dayandırılıb.

"Ölkə.Az" xəbər verir ki, bu barədə "Report"a Fəxrəddin Mehdiyevin özü məlumat verib.

Onun sözlərinə görə, Vəkillər Kollegiyasının (VK) Rəyasət Heyəti yanvarın 22-də bu barədə qərar çıxarıb: "Qərara əsasən, vəkillik fəaliyyətim bir il müddətinə dayandırılıb".

Ölkə.Az

ŞƏRH YAZ
1

Avaralıq və dilənçilik edən 3 minə yaxın şəxs polisə təhvil verilib

Avaralıq və dilənçilik edən 3 minə yaxın şəxs polisə təhvil verilib
20:00
22.01.2018
5325
Ölkə
A
Ötən il avaralıq və dilənçilik edən 3 minə yaxın şəxs polisə təhvil verilib.

Daxili İşlər Nazirliyindən "Ölkə.Az"a verilən məlumata görə, bunu Əlahiddə Çevik Polis Alayının komandiri, polis general-mayoru Zaur Abdullayev 2017-cı il ərzində görülmüş işlərin yekunlarına və qarşıda duran vəzifələrə həsr olunmuş əməliyyat müşavirəsində çıxışında deyib.

O qeyd edib ki, xırda xuliqanlığa görə 1166, avaralıq və dilənçiliyə görə 2899, məişət səs-küyünə yol verən 1.586 nəfər müəyyən edilərək aidiyyəti polis orqanlarına təhvil verilib: "Əvvəlki dövrə nisbətdə aşkarlanan сinayətlərin və inzibati xətaların sayı 7,7 faiz çox olub".

ŞƏRH YAZ
0
BAĞLA