Sabiq bağça müdirəsi həbs edilmədi — Övladına görə

Sabiq bağça müdirəsi həbs edilmədi
16:25
22.02.2018
732
Hadisə
A
Bakıda vətəndaşlara qarşı dələduzluqda təqdirləndirilən bağça müdirəsi İlahə Ziyadovanın cinayət işi üzrə məhkəmə prosesi başa çatıb.

“Ölkə.Az”ın xəbərinə görə, Bakı Ağır Cinayətlər Məhkəməsində hakim Mahmud Ağalarovun sədrliyi ilə keçirilən prosesdə hökm oxunub. Hakimlər kollegiyasının hökmünə əsasən, İ.Ziyadova Cinayət Məcəlləsinin 311-ci (rüşvət alma) və 162-1.1-ci (əmək müqaviləsi hüquqi qüvvəyə minmədən işçilərin hər hansı işlərin yerinə yetirilməsinə cəlb edilməsi) maddələri ilə təqsirli bilinib və 8 il 6 ay müddətinə azadlıqdan məhrum edilib.

Onun himayəsində 4 yaşında azyaşlı övladı olduğundan hökmün icrası uşağın 14 yaşı tamam olanadək təxirə salınıb.
Onun barəsində seçilmiş polis nəzarətinə verilmə qətimkan tədbiri qüvvədə saxlanılıb.

İ.Ziyadova özəl bağçalardan birinin müdirəsi olub. Bir neçə ay birlikdə çalışdığı işçiləri ilə indi məhkəmədə üz-üzə qalıb. Buna səbəb isə İlahə Ziyadovanın işə düzəltmək üçün onlardan pul alması, amma vədinə əməl etməməsidir.

Belə ki, ittihama görə, İ.Ziyadova bir neçə nəfəri bağçaya müəllimə kimi işə düzəltməyə söz verib. Bunun qarşılığında onlardan müəyyən məbləğlərdə pul da alıb. Amma bir neçə ay sonra işə götürülən şəxslər vəd edilən əmək haqlarını ala bilməyiblər. İşə düzəlmək üçün verdikləri pulu tələb edərkən isə müdirə ilə fikir ayrılığı yaşayıblar. İ.Ziyadova aldığı pulları qaytarmadığından işçiləri ondan hüquq-mühafizə orqanlarına şikayət ediblər.

Şikayətlər əsasında İ.Ziyadova barəsində cinayət işi açılıb. O, Cinayət Məcəlləsinin 311-ci (rüşvət alma) və 162-1.1-ci maddəsi ilə ittiham edilir.

Qeyd edək ki, İ.Ziyadova barəsində həbs-qətimkan tədbiri seçilməyib. O, ev dustaqlığındadır.

Ölkə.Az

ŞƏRH YAZ
0

Nobel prospektindəki qəzada ölənlərin kimliyi bəlli oldu — YENİLƏNİB

Nobel prospektindəki qəzada ölənlərin kimliyi bəlli oldu
10:11
Bu gün
5574
Hadisə
A
Bakının Xətai rayonunda ötən gecə baş verən ağır qəzada ölənlərin kimliyi məlum olub.

"Ölkə.Az" xəbər verir ki, Bakı şəhər sakini İradə Tofiq qızı Əsgərovaya məxsus "Hyundai Sonata" markalı 99-MH-441 dövlət qeydiyyat nişanlı avtomobil Zığ qəsəbəsi istiqamətində yüksək sürətlə hərəkətdə olarkən idarəetmənin itməsi səbəbindən elktrik dirəyinə çırpılıb. Zərbənin təsirindən avtomobil hissələrə parçalanaraq dağılıb.

Qəza nəticəsində avtomobildə olan - 1993-cü il təvəllüdlü Anar Emil oğlu Əzimov, 1991-ci il təvəllüdlü Hafiz Calələddin oğlu Bilalov, 1989-cü il təvəllüdlü Həsən Hüseyn oğlu Məmmədsadıqov, 1988-ci il təvəllüddlü Nurlan Mətləb oğlu Rüstəmov hadisə yerində keçiniblər.

Avtmobilin ölən şəxslərdən kim tərəfindən idarə edilməsini məlum deyil.

***

“Ölkə.Az” xəbər verir ki, minik avtomobilinin elektrik dirəyinə çırpılması nəticəsində ölənlərdən üçünün şəxsiyyətini dəqiqləşdirmək mümkün olub. Birinin meyiti isə tanınmaz haldadır.

Saytımıza göndərilən videoda qəza zamanı meyitin 2 yerə parçalandığı görünür. Həmin görüntüləri təqdim edirik:

ŞƏRH YAZ
0

Minik və yük maşını toqquşdu — Yaralılar var

Minik və yük maşını toqquşdu
09:13
Bu gün
816
Hadisə
A
Bakı-Qazax avtomobil yolunda “Hundai” markalı minik avtomobili ilə "KamAZ" toqquşub.

"Ölkə.Az” Report-a istinadən xəbər verir ki, Goranboy rayonunun Goran qəsəbəsi yaxınlığında baş vermiş qəza nəticəsində 1968-ci il təvəllüdlü İmişli rayon sakini Sarıyev Azər Qara oğlu və 1978-ci il təvəllüdlü Saatlı rayon sakini Novruzov Niyazi Nizami oğlu yaralanaraq xəstəxanaya yerləşdirilib. Yaralılardan sonuncunun vəziyyəti ağırdır.

Faktla bağlı araşdırma aparılır.

ŞƏRH YAZ
0
BAĞLA