Sabiq MTN polkovniki kassasiya şikayətini geri götürdü

Sabiq MTN polkovniki kassasiya şikayətini geri götürdü
18:43
12.01.2019
4233
Ölkə
A
Ali Məhkəmədə dələduzluqda təqsirləndirilən Ceyhun İbayev və Vüqar Güləli barəsində olan məhkəmə qərarından verilən kasasiya şikayətinə baxılıb.

"Ölkə.Az"ın xəbərinə görə, hakim Gülzar Rzayevanın sədrliyi ilə keçirilən prosesdə təqsirləndirilən şəxslərin kassasiya şikayətini geri götürdükləri elan olunub.

İttiham aktına əsasən, Ceyhun İbayev, Vüqar Əsədov, Vüqar Güləli,  Anar İsmayılov və Nicat Əliyevin bir qrup vətəndaşın etibarından sui-istifadə edərək onlara qarşı dələduzluq edib.

Belə ki, həmin şəxslər zərərçəkmiş Səriyyə Tahirovanın həyat yoldaşını həbsdən azad edəcəkləri vədi veriblər. Onlar qadının 147 min manat pulunu dələduzluq yolu ilə ələ keçiriblər. Bundan başqa, təqsirləndirilən şəxslər digər vətəndaşlara da qarşı dələduzluq ediblər.

Bakı Ağır Cinayətlər Məhkəməsinin hökmü ilə V.Güləli 8 il, C.İbayev 6 il 6 ay, V.Əsədov 6 il 6 ay, N.Əliyev 6 il 6 ay və A.İsmayılov 2 il müddətinə azadlıqdan məhrum edilib. C.İbayev məhkəmə zalında həbs olunub, V.Əsədov və A.İsmayılovun barəsində isə şərti cəza verilməsinə dair qərar çıxarılıb. Hökmdən narazı qalan məhkumlar apellyasiya şikayəti və dövlət ittihamçısı isə apellyasiya protesti verib. Bakı Apellyasiya Məhkəməsinin qərarı ilə V.Əsədov 5 il 6 ay müddətinə azadlıqdan məhrum olunub. O, məhkəmə zalında həbs edilib.

Xatırladaq ki, V.Güləli ləğv edilmiş Milli Təhlükəsizlik Nazirliyinin (MTN) sabiq polkovniki, V.Əsədov isə Penitensiar xidmətin keçmiş əməkdaşıdır.

Ölkə.Az

ŞƏRH YAZ
0

Aygün Kazımovanın qardaşı oğlundan — Prezidentə VİDEO MÜRACİƏT

Aygün Kazımovanın qardaşı oğlundan
18:42
17.11.2019
7639
Ölkə
A
Xalq artisti Aygün Kazımovanın qardaşı oğlu mətbuat vasitəsi ilə ölkə rəhbəri İlham Əliyevə video müraciət edib.

"Ölkə.Az" xəbər verir ki, Ələsgər Kazımzadə həbsdə olan atası Kazım Kazımzadənin ağır xəstəlikdən əziyyət çəkdiyini və onun azadlığa buraxılmasını xahiş edib. O, atasının vəziyyətinin ağır olduğunu bildirib.

Xatırladaq ki, xalq artisti Aygün Kazımovanın qardaşı Kazımzadə Kazım Bakı Ağır Cinayətlər məhkəməsinin 10 oktyabr 2014-cü il tarixli hökmü ilə Azərbaycan Respublikası CM-nin 178.3.2-ci maddəsi ilə 12 il müddətinə azadlıqdan məhrum olunub. O,  hal-hazırda ağır onkaloji xəstəlik səbəbi ilə Penitersiar Xidmətin Müalicə Müəsisəsində müalicə olunur. (Oxu24.com)

Ölkə.Az

ŞƏRH YAZ
0

Cem Yılmaz Fəxri Xiyabanı ziyarət etdi — FOTO

Cem Yılmaz Fəxri Xiyabanı ziyarət etdi
17:48
17.11.2019
5921
Ölkə
A
Türkiyənin məşhur komediya ustası Cem Yılmaz ötən gün “Konqress Mərkəz”in səhnəsində “stand-up” şousu ilə çıxış etmək üçün paytaxt Bakıya gəlib.

"Ölkə.Az" bildirir ki, məşhur aktyor günorta saatlarında Birinci Fəxri Xiyabana gələrək Azərbaycanın memarı və qurucusu, görkəmli dövlət xadimi, xalqımızın dahi oğlu və ümummilli lideri Heydər Əliyevin məzarını ziyarət edib.

Cem Yılmaz ümummilli liderin məzarı önünə əklil qoyub, Ulu Öndərin xatirəsini ehtiramla anıb.

Sonra aktyor görkəmli oftalmoloq-alim, akademik Zərifə Əliyevanın xatirəsini ehtiramla anaraq məzarı üzərinə gül dəstələri qoyub.
 
Cem görkəmli dövlət xadimi Əziz Əliyevin və tanınmış həkim-alim Tamerlan Əliyevin məzarları üzərinə də gül dəstələri düzüb.

Daha sonra isə Cem Yılmaz media nümayəndələri ilə görüşərək bunları söyləyib:

“Biz üzərimizə düşən vəzifəmizi icra etdik. Azərbaycan xalqının ümümilli lideri Heydər Əliyevi, onun həyat yoldaşı Zərifə Əliyevanın məzarını ziyarət etdik. Bu bizim hər birimiz üçün çox önəmlidir".

Cem daha sonra Şəhidlər Xiyabanına gələrək türk əsgərlərin məzarlarlarına gül dəstələri düzüb, şəhidlərin ruhuna dua oxuyub. 

Qeyd edək ki, məşhur aktyor Cem Yılmaz bu gün axşam saatlarında yenidən “Konqres Mərkəz”in səhnəsində növbəti “stand-up” şousu ilə çıxış edəcək.

ŞƏRH YAZ
0
BAĞLA