Sabunçuda yol qəzası
Sabunçu rayonunda 72 yaşlı qadın qəzanın qurbanı olub.
"Ölkə.Az"- ın əldə etdiyi məlumata görə, hadisə Zabrat dairəsində qeydə alınıb.
Belə ki, Əliyev Ramin Vəzir oğlu özünə məxsus olan “Opel Astra” markalı avtomaşınla yolu keçmək istəyən 1945-ci il təvəllüdlü Elmira Rzayevanı vurub. 72 yaşlı qadının xəsarətləri ağır olduğundan elə hadisə yerindəcə keçinib.
Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Sabunçu rayon şöbəsinə göndərilib.
Faktla bağlı Sabunçu Rayon Polis İdarəsinin İstintaq Şöbəsində cinayət məcəlləsinin 263.2-ci (Avtomobil nəqliyyat vasitəsini idarə edən şəxs tərəfindən yol hərəkəti və ya nəqliyyat vasitələrinin istismarı qaydalarının pozulması ehtiyatsızlıqdan zərərçəkmiş şəxsin ölümünə səbəb olma) maddəsi ilə cinayət işi başlanıb.
Ölkə.Az
