Şad xəbər — Bu şəxslərin pensiyası artdı

Şad xəbər
18:34
23.05.2019
20583
İqtisadiyyat
A
Azərbaycanda kəşfiyyat və əks-kəşfiyyat subyektlərinin hərbi qulluqçularının pensiyası artırılıb.

"Ölkə.Az" xəbər verir ki, bu barədə Prezident İlham Əliyev bu gün "Kəşfiyyat və əks-kəşfiyyat fəaliyyəti haqqında” və "Əmək pensiyaları haqqında” Azərbaycan Respublikasının qanunlarında dəyişiklik edilməsi barədə Qanunu imzalayıb.

"Əmək pensiyaları haqqında” qanun 1.0.5-ci maddəsində pul təminatı dedikdə hərbi qulluqçuların hərbi xidmətdən buraxıldığı günə aldıqları miqdarda (sonrakı artımlar da nəzərə alınmaqla) aylıq vəzifə maaşından, rütbə maaşından, xidmət illərinə görə əlavədən, ərzaq payı əvəzinə verilən pul kompensasiyasından, vəzifə maaşından hesablanan digər əlavələrdən (büdcədənkənar vəsaitlər hesabına hesablanan əlavələr və digər ödənişlər istisna olmaqla), artımlardan ibarət olan məbləğ başa düşülür.

"Kəşfiyyat və əks-kəşfiyyat fəaliyyəti haqqında” qanun 20.3-cü maddəsinə müvafiq olaraq kəşfiyyat və əks-kəşfiyyat subyektlərinin hərbi qulluqçularına pensiya təyin edilən zaman onların xidmətdən tərxis olunan günə aldıqları miqdarda bütün növ pul təminatı (ərzaq payı əvəzinə verilən pul kompensasiyasından başqa digər növ kompensasiya, birdəfəlik ödəmələr və müavinətlər istisna olmaqla) nəzərə alınır.

Qeyd olunan şəxslər xidmətdən tərxis olunmazdan əvvəl sərəncama götürülür, bir müddət sərəncamda qalır, daha sonra isə xidmətdən tərxis olunurlar. 

Belə olan halda onların pensiya hesablanan pul təminatının məbləği aşağı olur. Belə ki, bu hallarda birbaşa xidmətlə əlaqədar bəzi əlavələr (məxfi sənədlərlə iş, peşəkarlığa, mühüm tapşırıqlara, xidmətdə fərqlənməyə görə əlavələr) və sonrakı artımlar pensiyada nəzərə alınmır.

Qanunvericilik təşəbbüsü hüququ subyekti bu təklifi kəşfiyyat və əks-kəşfiyyat subyektlərinin pensiya təminatının yaxşılaşdırılması məqsədi ilə təqdim edib.

Bu baxımdan layihədə təklif olunur ki, kəşfiyyat və əks-kəşfiyyat subyektlərinin hərbi qulluqçuları sərəncamdan tərxis olunarkən onların pensiyası sərəncama götürüldüyü günə aldıqları pul təminatından hesablansın.

Layihənin maliyyə tutumu digər aidiyyəti dövlət orqanları ilə yanaşı, Maliyyə Nazirliyi və Əmək və Əhalinin Sosial Müdafiəsi Nazirliyi ilə də razılaşdırılıb.

ŞƏRH YAZ
0

Dolların sabaha olan MƏZƏNNƏSİ

Dolların sabaha olan MƏZƏNNƏSİ
18:17
Bu gün
195
İqtisadiyyat
A
İyulun 23-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 23.07.2019-cu il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2019-cu il iyulun 22-də də USD/AZN rəsmi məzənnəsi 1,7000 manat təşkil edib.

Ölkə.Az

ŞƏRH YAZ
0

Gürcüstan elektrik enerjisi çatışmazlığını Azərbaycanın hesabına ödəməyə başlayıb

Gürcüstan elektrik enerjisi çatışmazlığını Azərbaycanın hesabına ödəməyə başlayıb
15:38
Bu gün
749
İqtisadiyyat
A
İyul ayının 1-dən etibarən Gürcüstan Azərbaycandan elektrik enerjisi idxalı həyata keçirir.

“Ölkə.Az" report-a xəbər verir ki, bu barədə “Gürcüstanın elektrik enerjisi sisteminin kommersiya operatoru”nun (ESCO) rəsmi saytında bildirilib.

İyulun əvvəlindən 18-dək qonşu ölkə Azərbaycandan 41,1 mln kilovatt/saat elektrik enerjisi tədarük edib.

Ötən ilin iyul ayında isə Gürcüstanın idxal etdiyi elektrik enerjisinin həcmi 1,16 mln kilovatt/saat təşkil edib. Onun da 1,14 mln kilovatt/saatı Azərbaycanın payına düşür, qalan həcmi isə - 17,73 min kilovatt/saat elektrik enerjisini Gürcüstan Rusiyadan idxal edib.

İyul ayında qonşu ölkə adətən elektrik enerjisi ixrac edir, idxal isə təxminən sıfıra bərabər olur.

Hazırda Azərbaycandan həyata keçirilən idxal Gürcüstandakı SES-lərdə aşağı istehsal və elektrik enerjisinin istehlakının artması ilə əlaqədardır.

Ölkə.Az 

ŞƏRH YAZ
0
BAĞLA