Şad xəbər — Bu şəxslərin pensiyası artdı

Şad xəbər
18:34
23.05.2019
21934
İqtisadiyyat
A
Azərbaycanda kəşfiyyat və əks-kəşfiyyat subyektlərinin hərbi qulluqçularının pensiyası artırılıb.

"Ölkə.Az" xəbər verir ki, bu barədə Prezident İlham Əliyev bu gün "Kəşfiyyat və əks-kəşfiyyat fəaliyyəti haqqında” və "Əmək pensiyaları haqqında” Azərbaycan Respublikasının qanunlarında dəyişiklik edilməsi barədə Qanunu imzalayıb.

"Əmək pensiyaları haqqında” qanun 1.0.5-ci maddəsində pul təminatı dedikdə hərbi qulluqçuların hərbi xidmətdən buraxıldığı günə aldıqları miqdarda (sonrakı artımlar da nəzərə alınmaqla) aylıq vəzifə maaşından, rütbə maaşından, xidmət illərinə görə əlavədən, ərzaq payı əvəzinə verilən pul kompensasiyasından, vəzifə maaşından hesablanan digər əlavələrdən (büdcədənkənar vəsaitlər hesabına hesablanan əlavələr və digər ödənişlər istisna olmaqla), artımlardan ibarət olan məbləğ başa düşülür.

"Kəşfiyyat və əks-kəşfiyyat fəaliyyəti haqqında” qanun 20.3-cü maddəsinə müvafiq olaraq kəşfiyyat və əks-kəşfiyyat subyektlərinin hərbi qulluqçularına pensiya təyin edilən zaman onların xidmətdən tərxis olunan günə aldıqları miqdarda bütün növ pul təminatı (ərzaq payı əvəzinə verilən pul kompensasiyasından başqa digər növ kompensasiya, birdəfəlik ödəmələr və müavinətlər istisna olmaqla) nəzərə alınır.

Qeyd olunan şəxslər xidmətdən tərxis olunmazdan əvvəl sərəncama götürülür, bir müddət sərəncamda qalır, daha sonra isə xidmətdən tərxis olunurlar. 

Belə olan halda onların pensiya hesablanan pul təminatının məbləği aşağı olur. Belə ki, bu hallarda birbaşa xidmətlə əlaqədar bəzi əlavələr (məxfi sənədlərlə iş, peşəkarlığa, mühüm tapşırıqlara, xidmətdə fərqlənməyə görə əlavələr) və sonrakı artımlar pensiyada nəzərə alınmır.

Qanunvericilik təşəbbüsü hüququ subyekti bu təklifi kəşfiyyat və əks-kəşfiyyat subyektlərinin pensiya təminatının yaxşılaşdırılması məqsədi ilə təqdim edib.

Bu baxımdan layihədə təklif olunur ki, kəşfiyyat və əks-kəşfiyyat subyektlərinin hərbi qulluqçuları sərəncamdan tərxis olunarkən onların pensiyası sərəncama götürüldüyü günə aldıqları pul təminatından hesablansın.

Layihənin maliyyə tutumu digər aidiyyəti dövlət orqanları ilə yanaşı, Maliyyə Nazirliyi və Əmək və Əhalinin Sosial Müdafiəsi Nazirliyi ilə də razılaşdırılıb.

ŞƏRH YAZ
0

BVF 2020-ci il üçün qlobal iqtisadi artım proqnozunu aşağı salıb

BVF 2020-ci il üçün qlobal iqtisadi artım proqnozunu aşağı salıb
01:52
Bu gün
255
İqtisadiyyat
A
Beynəlxalq Valyuta Fondu (BVF) 2020-ci il üçün qlobal iqtisadi artım proqnozunu 3,3 faizə endirib.

"Ölkə.Az"ın "TASS"a istinadən verdiyi məlumata görə, bu barədə BVF-nin dünya iqtisadiyyatının inkişaf perspektivlərinə dair hesabatında deyilir.

BVF-nin hesabatına əsasən, 2021-ci il üçün qlobal iqtisadi artım proqnozu 3,4%-ə qədər endirilib.

İnkişaf etməkdə olan ölkələrin 2020-2021-ci illər üçün proqnozu 0,2 faiz bəndi azaldılaraq müvafiq olaraq 4.4% və 4.6%-ə endirilib.

İnkişaf etmiş ölkələrin 2020-ci il üçün proqnozu 0,1 faiz bənd azalardılaraq 1,6%-ə qədər endirilib, 2021-ci il üçün isə 1,6% səviyyəsində saxlanılıb. Bundan əlavə, BVF Çinin 2020-ci il üçün iqtisadi artım proqnozunu 6%-ə qədər artırıb, 2021-ci il üçün isə 5,8%-ə qədər endirib.

ABŞ-ın 2020-ci il üçün iqtisadi artım proqnozu 2%-ə qədər endirilib, 2021-ci il üçün isə 1,7% səviyyəsində saxlanılıb.

Avrozonanın iqtisadi artım proqnozu 2020-ci il üçün 1,3%-ə endirilib, 2021-ci il üçün isə 1,4% səviyyəsində saxlanılıb.

Xatırladaq ki, 2019-cu ilin oktyabr ayında BVF qlobal iqtisadi artım proqnozunu 2019-cu il üçün 3%-ə, 2020-ci il üçün isə 3,4 faizə qədər endirmişdi.

ŞƏRH YAZ
0

Türkiyənin bəzi məhsulları Azərbaycanda istehsal oluna bilər — Nazirlik

Türkiyənin bəzi məhsulları Azərbaycanda istehsal oluna bilər
01:35
Bu gün
275
İqtisadiyyat
A
Türkiyənin qida, sənaye, tekstil və elektronika məhsullarının ehtiyat hissələrinin bir qisminin Azərbaycanda istehsal olunması təşviq ediləcək.

"Ölkə.Az" bildirir ki, bunu trend-ə Türkiyənin Sənaye və Texnologiya Nazirliyindən bildiriblər.

Nazirlikdən verilən məlumata əsasən, hazırda bir istiqamətdə tərəflər arasında danışıqlar davam etdirilir.

Qeyd olunub ki, bütün bunlarla yanaşı, Türkiyə Azərbaycanla elmi-tədqiqat sahəsində əməkdaşlığı genişləndirəcək. İki qardaş dövlətin texnoparkları arasında əməkdaşıq da daha aktiv şəkildə həyata keçiriləcək.

"Elmi-tədqiqat və texnoparklar arasında əməkdaşlığın daha da möhkəmləndirilməsi əlaqələrin genişlənməsi ilə yanaşı, təcrübə mübadiləsi üçün də önəmlidir", – deyə nazirlikdən bildiriblər.

Məlumata əsasən, 2020 və 2022-ci illər çərçivəsində texnoparklar arasında təcrübə mübadiləsinin aparılması üçün qarşılıqlı səfərlər təşkil olunacaq.

ŞƏRH YAZ
0
BAĞLA