“Şagirdlərin əksəriyyətinin gözündə eynək var”

“Ölkə.Az” xəbər verir ki, bu sözləri millət vəkili Zahid Oruc Milli Məclisdə çıxışı zamanı deyib.

Millət vəkili bunun çox ciddi məsələ olduğunu deyib:

“Bu günlərdə fənn olimpiadaları üzrə respublika müsabiqəsinin nəticələri elan edildi. Həmin tədbirdə  təxmini saydım, 298 nəfərdən 120 nəfəri eynəkdə idi. Hamısı normativ boy və ona adekvat çəkidən qat-qat geri qalırdı. Bilmirəm, qida sistemini dəyişmək lazımdır ya yox. Lakin bu çox ciddi məsələdir”.

Millət vəkili həmçinin xarici ölkələrdə  imtahanda iştirak etməyə də münasibət bildirib:

“Nə üçün Azərbaycanlı valideyn uşağının SAT imtahanı verməsi üçün onu Gürcüstana aparır? Məlum olur ki, bu sahədə oturuşmuş, sistemli cinayətkarlıq var. Beynəlxalq Mərkəzlər, Britaniya və Amerikada bizim nəticələri tanımırlar. Çünki korrupsiya halları var. Nəticələr süni şəkildə şişirdilir. Adamlar pulunu tökür Gürcüstanda imtahan  verir. Nəticədə bu bizim təhsilimizə ziyan vurur. Bunu  Təhsil Nazirliyinə çox da aidiyyəti yoxdur. Nazirlik müsabiqəni şəffaf keçirir. Buradan Korrupsiyaya qarşı mübarizə idarəsinə müraciət edirəm ki, bunu araşdırsınlar. Şişirdilmiş bal zəhər kimi geri qayıdır. Bizim pulumuzu nə üçün gürcülər yeməlidir. İmkanımız yoxdur ki, bu imtahanı şəffaf keçirsinlər? Bu bizim təhsil imicimizə zərər vurur”

Vasif Həsənli
Ölkə.Az