Sağlam və parlaq saçlar üçün mükəmməl — MASKA

Sağlam və parlaq saçlar üçün mükəmməl
23:16
10.05.2019
1433
Maraqlı
A
Yumurta tərkibindəki vitamin və minerallar sayəsində sağlığınızla yanaşı, gözəlliyinizə də qatqı bəxş edə bilər. Buna görə sadəcə qidalanmanızda deyil, baxımınızda da yumurtadan istifadə edə bilərsiniz.

"Ölkə.Az" bildirir ki, yumurtanın tərkibində olan vitamin və mineralların saçlara faydasını təqdim edir:

Protein: Saç diblərini qidalandıraraq saçların sağlam uzanmasını təmin edir.

Yağ turşuları: Saçlara təbii parlaqlıq verir.

Potasium: Quru və zədələnmiş saçlara dərman kimidir.

A vitamini: Saç qırılmalarının qarşısını alır.

D vitamini: Saç tökülməsi və keçəlləyin qarşısını alır.

B12 vitamini: Saçların sağlam uzanmasını təmin edir.

Kalsium: Saçların uzanmasını dəstəkləyir və D vitamini ilə təmin edir.

Daha sağlam, parlaq və canlı uzanan saçlar üçün yumurta ilə hazırlaya biləcəyiniz bu qidalandırıcı maskadan faydalana bilərsiniz.

Maskanın tərkibi:

- 1 ədəd yumurta

- 1 stəkan süd

- 1  ədəd limon

- 2 yemək qaşığı zeytun yağı

Hazırlanması:

Saçınızın uzunluğuna bağlı olaraq 1 və ya 2 yumurta istifadə edə bilərsiniz.

Yumurtanın sarısını ağından ayırın. Sarısını təmiz, ayrıca bir qaba əlavə edin. Südü və zeytun yağını qarışdırıb yumurtaya əlavə edin. Limonu sıxın və qarışıma əlavə edin. Limon saç dərinizdə fərəhlik yaradacaq.

Maskanı saç diblərinə və saç uclarına nazik şəkildə masaj edərək tətbiq edin. Təxminən 15-20 dəqiqə gözlədikdən sonra ilıq və ya soyuq su ilə durulayın. Sonra şampununuzla yuyun.

Qeyd: yumurta ağını yağlı saçlar, yumurta sarısını quru və tez qırılan saçlar üçün istifadə edə bilərsiniz. Yumurtanın hamısını isə normal saçlar üçün istifadə edə bilərsiniz.

Ölkə.Az

ŞƏRH YAZ
0

Termometrdəki ən qorxulu rəqəmin sirri — 37,5

Termometrdəki ən qorxulu rəqəmin sirri
03:02
Bu gün
258
Maraqlı
A
Subfebril hərarət termometrdə bədən temperaturunun 37,2- 37,5 arasında göstəricisidir.

“Ölkə.Az” medicina.az-a istinadən xəbər verir ki, sağlam insanın hərarəti normada 36-36,5 aralığında olmalıdır. Amma bəzi səbəblərdən 37-ə qalxa bilər. Əgər ara-sıra bu hərarət görülürsə, narahat olmağa dəyməz.

Yox, əgər qolaltı ölçmədə subfebril hərarət 1 həftə və daha artıq müddət müşahidə olunursa, bu sizdə ciddi bir simptomların göstəricisi ola bilər.

Adətən həkimləri də bu rəqəmlər narahat edir. Çünki ən ağır onkoloji xəstəliklər, leykozda adətən bu rəqəm görülür. Amma dərhal belə dianozu da düşünmək olmaz. Çünki subfebril hərarət müxtəlif infeksiya, virus və daxili xəstəliklərdə, hormonal dəyişikliklərdə də yaranır

37,5 subfebril hərarətin uzun müddətli yaranmasının səbəblərini təqdim edirik:

1. Qrip, respirator infeksiyalar

Ola bilər virus elə də ciddi əlamətlər verməsin, boğazda, burunda axıntı olmasın, lakin subfebril hərarət olsun. Bu, orqanizmin virusla mübarizəsini göstərir. Belə olan halda 3-4 gündən artıq bu hərarət dacam etmir.

2. Sidik yollarının infeksiyası

Yanma, tez-tez sidiyə getmə, az sidik və ağrı sidik yolları, sidik kisəsi, hətta böyrəklərin infeksiyasının göstəricisi ola bilər

3. Vərəm

Məhz bu hərarət zəiflik, tərləmə, arıqlama ilə özünü vərəm xəstəliyinin başlanğıcında göstərir. 1 aydan artıqdır termometr 37,5-i göstərirsə, rentgenə gedin

4. Dəmir defisitli anemiya

Qanazlığı bədəndə termotənzimləyici sistemi də pozur. Ona görə yüngül istilik baş verir. Bunu təyin etmək üçün qan analizi verin.

5. Gizli başlayan şiş, onkoloji xəstəlik

Xərçəng növləri və gizli xroniki autoimmun xəstəliklər – qurd eşənəyi, skleroz, revmatoid artrit 37,5 hərarətlə başlaya bilər. Əlavə olaraq bütün bədəndə ağrı, sızıltı, tərləmə, arıqlama, zəiflik, gücsüzlük varsa, çox dəqiq müayinələrdən keçməlisiz

6. Tireotoksikoz

Qalxanvari vəzin xəstəliyidir. Hormonlar normadan çox artır, nevroz, ürək döyünmə, istilik gəlir. Subfebril hərarət də səhər günorta axşam fərq etmədən tez-tez görülür. Bu zaman endokrinoloqa müraciət edin.

7. Hansısa xroniki infeksiya

Boğazda, burunda, diş dibində belə vaxtında aşkarlanmayan infeksiya xronikləşdikdə, subfebril hərarət olur.

Göründüyü kimi, subfebril hərarət çox ciddi xəstəliklərdən xəbər verə bilər. Ona görə normal insan bir azca özünü narahat hiss edən kimi qrip olmasa belə termometrlə bədən hərarətini ölçməlidir. Əgər uşaqda və ya böyük insanda  37,5 hərarəti bir neçə həftədən artıq müddətdir dayanıqlı varsa, o zaman təcili həkimə getmək lazımdır.

Ölkə.Az

ŞƏRH YAZ
0

“Tesla Roadster” Günəş ətrafında ilk dövrəni başa vurdu

“Tesla Roadster” Günəş ətrafında ilk dövrəni başa vurdu
20:29
20.08.2019
2241
Maraqlı
A
Amerikalı sahibkar İlon Maska məxsus “Tesla Roadster” kosmik avtomobili Günəş ətrafında ilk uçuş dövrəsini başa çatdırıb.

“Ölkə.Az” “ICTnews”a istinadən xəbər verir ki, “Tesla Roadster” 2018-ci ilin fevralında “Falcon Heavy” raketinin test missiyasının faydalı yükü kimi buraxılan idman elektromobilidir.

Buraxılışın məqsədi raketin faydalı yükü Mars orbitinədək buraxa bilməsini nümayiş etdirmək olub. Bu dəfə isə elektromobil Günəş ətrafında tam bir orbiti başa vurub. Qət edilən məsafənin uzunluğu təxminən 1 226 milyon kilometr təşkil edir ki, bu da avtomobilin zəmanət müddətini 21 min dəfədən çox üstələyir.

“Tesla Roadster” kosmosa hələ də kosmik avtomobilin sükanı arxasında olan skafandr geymiş manekenlə birgə göndərilib. Kosmik avtomobil 2018-ci ilin noyabrında Mars yaxınlığından keçib və indi yenidən Qırmızı planetə yaxınlaşmağa başlayıb.

Müşahidəçilər qeyd edir ki, “Tesla Roadster” yüksək sürətlə hərəkət etməkdə davam edir və onun hərəkət trayektoriyasını xüsusi sayt vasitəsilə izləmək mümkündür.

Ölkə.Az

ŞƏRH YAZ
0
BAĞLA