Sağlamlıq üçün təhlükəli olan ədviyyatlar — SİYAHI

Sağlamlıq üçün təhlükəli olan ədviyyatlar
00:49
15.03.2019
2986
Maraqlı
A
Mətbəxi ədviyyatlarsız təsəvvür etmək çətindir. Onlar yeməklərə və şirniyyatlara xüsusi tam verməklə yanaşı bir sıra faydaları da mövcuddur. Amma onlar heç də həmişə düşüldüyü kimi fayda vermir. Orta əsrlərin məşhur həkimi və əlkimyaçısı Parasels bildirib: "Hər şey zəhərdir. Hər şey dərmandır. Amma hər ikisini miqdardan asılıdır" Alimlər mətbəxdə istifadə edilən ən təhlükəli ədviyyatların adlarını açıqlayıblar. Sağlamlığa zərər vurmamaq üçün onlardan tamamilə imtina etmək deyil, sadəcə olaraq miqdarına diqqət yetirmək lazımdır. O zaman bu ədviyyatlar faydalı olacaqdır.

"Ölkə.Az" medicina.az-a istinadən həmin ədviyyatları təqdim edir:  

1. Duz

Siyahının ən birinci yerində duz dayanır. Çoxsaylı araşdırmarların nəticələrinə görə, natrium xlorid böyrəklərin və qan damarlarının xəstəliklərinə səbəb olur. Bədənə düşən duzun qatılığını azaltmaq üçün əlavə maye qəbuluna ehtiyac olur. Bu isə qan təzyiqinin artmasına və buna bağlı olaraq infarkt və insult riskinin yaranmasına gətirib çıxarır.

2. Mayonez
Duzdan əlavə mayonezin tərkibində yumurta sarısı var ki, bu ərzaq pasterizasiya olunmadan istifadə edilir. Bu isə salmonella ilə yoluxma riskini artırır. Həmçinin də 1 x/q mayonezdə gündəlik normanın 15% qədər yağ var.

3. Soya sousu
Bir xörək qaşığı soya sousunda 880 mq duz olur. Bu isə gündəlik normadan bir qədər azdır. Həmçinin də, soya sousu soya bitkisinin fermentləşdirilmiş pastasına 2% alkoqol əlavə edilərək hazırlanır. Bu isə soya sousunu zəif likor olmasından xəbər verir.

4. Darçın və muskat qozu

Bu ədviyyatları yalnız bişintilərə və desertlərə əlavə etmək tövsiyə olunur. Hər iki ədviyyatdan həddən artıq çox istifadə edildikdə spazma və konvulsiyaya səbəb ola bilər.

5. Rozmarin

Yəqin çoxları rozmarinin cavanlaşdırıcı təsirindən xəbərdardır. Amma bu bitkini qətiyyən hamilə qadınlar istifadə etməməlidirlər. Həmçinin rozmarin sidikqovucu təsirə malik olduğu üçün böyrəklərə ciddi təzyiq göstərir. Qan dövranını yüksəltdiyi üçün hipertoniya xəstələrinə məsləhət görülmür.

6. Mixək

Bu ədviyyatı çox vaxt şirniyyatlara və balıq yeməklərinə vururlar. Amma bir çoxları mixəyin güclü yuxugətirici xüsusiyyətə malik olmasından xəbərsizdirlər.

7. Adaçayı

Latın dilində adaçayı sözünün tərcüməsi "sağlamlıq" deməkdir. Amma adaçayı bitkisinin yağında monoterpin adlı toksik maddə mövcuddur. Bu bitkidən çox istifadə etmək taxikardiya, qıcolma və hallüsinasiyaya səbəb ola bilir.

Bəzi ətirli qida əlavələri bir-biri ilə uyğun gəlmir. Məsələn, reyhanı yaxşı olardı ki, sarımsaqda başqa digər ədviyyatlarla qarışdırmayasınız. Zirə isə yalnız anis, razayana və istiotla uyğun gəlir.

Ölkə.Az

ŞƏRH YAZ
0

Alimlər İsa Peyğəmbərin əsl portretini tapdılar — TARİXİ KƏŞFİN FOTOSU

Alimlər İsa Peyğəmbərin əsl portretini tapdılar
11:05
Bu gün
140
Maraqlı
A
Uzun illər alimlər əslində İsa Peyğəmbərin hansı sifət cizgilərinə sahib olduğunu müəyyən edə bilməyiblər.

“Ölkə.Az” xəbər verir ki, britanliyalı tarixçi, İncilin tədqiqatçısı Ralf Ellis iddia edir ki, eramızın ilk əsrində zərb edilən bürünc sikkə İsanın yeganə portretidir. Bu günəı qədər isə 24 millimetrlik sikkənin üzərində Mesopotamiyanın Edessa çarlığının hökmdarı Manunun əks olunduğu düşünülürdü.

30 illik tədqiqatdan sonra Ellis bu qənaətə gəlib ki, Manu və İsa əslində eyni adam olublar. Ralfın sözlərinə əsasən, onun kəşfi müasir tarixin ən vacib kəşflərindən biridir. O, Manu və İsanın bütün həyatını detallarına qədər tədqiq edərək bildirib ki, bu qədər uyğunluq təsadüf ola bilməs. Ellis deyir ki, eyni adam “Çar İzas Manu” və “Çar İsa Emmanuil” adlandırılıb.

Əgər alim kəşfində yanılmırsa, sikkə İsanın yeganə və dəqiq portretidir. İncil kitabında isə İsanın fiziki təsviri yoxdur. Onun uzun saçlı, ağ paltarlı rəsmi isə eramızın VI əsrinə aiddir. Ellis isə kəşfi ilə bağlı “İsa Edessanın kralı” kitabını buraxıb.

Ölkə.Az

ŞƏRH YAZ
0

22 yaşlı azərbaycanlının milyonluq saatı oğurlandı — FOTO

22 yaşlı azərbaycanlının milyonluq saatı oğurlandı
10:23
Bu gün
816
Maraqlı
A
İspaniyanın İbiza adasında azərbaycanlı turist hücuma məruz qalıb.

"Ölkə.Az" Qaynarinfo-ya istinadən xəbər verir ki, 22 yaşlı həmyerlimizin 1 milyon funt-sterlinqlik ( 2,167,600 AZN) saatı oğurlanıb.

Hücum edən şəxs azərbaycanlıya bir neçə zərbə endirib. Həmin vaxt 22 yaşlı gəncin yanında dostu olub.

Həmyerlimiz hadisə ilə bağlı polisə məlumat verib. Hazırda araşdırma gedir.

Qeyd edək ki, oğurlanan saat "Richard Mille” markasına aid "50-03 McLaren F1” modelidir. Bu modeldən dünyada cəmi 75 ədəddir və ən bahalı saatlar kateqoriyasına aiddir. Saatı fərqləndirən ən böyük özəllik isə çox yüngül çəkiyə sahib olmasıdır. Belə ki, "50-03 McLaren F1” cəmi 40 qramdır.

Ölkə.Az

ŞƏRH YAZ
0
BAĞLA